Мемлекеттік қызмет мәселелері жетілдіріледі

Кеше Мәжіліс Төрағасы Нұрлан Нығматулиннің төрағалығымен палатаның кезекті жалпы отырысы болып, онда күн тәртібіне сәйкес үш мәселе қаралды.
Егемен Қазақстан
17.11.2016 3813
2

Солардың ішінде кейбір заңна­малық актілерге мемлекеттік қызмет мәселелері бойынша өзгерістер мен толықтырулар енгізу туралы заң жобасы көбірек талқыланып, баяндама жасаған Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Қайрат Қожамжаровқа депутаттар бірнеше сұрақ қойды.

Заң жобасының өзі Елбасының үстіміздегі жылғы 14 маусымда және Ұлттық комиссияның 15 сәуірде берген тапсырмаларының негізінде дайындалған. Ол азаматтардың мемлекеттік қызметке түсу тәртібін жетілдіріп, құқық қорғау және мемлекеттік қызмет стандарттарын жақындатады. Қ.Қожамжаровтың айтуына қарағанда, заң жобасы қоғамда кеңінен талқыланған.

Сонымен түзетулер қандай деген сұраққа жауап беретін болсақ, онда біріншіден, мемлекеттік қыз­меттің бос орындарын толықтыру қайта қаралады. Қазіргі кезде ол үш кезеңнен тұратын конкурс арқы­лы жүзеге асырылады. Оған 16-дан 52 күнге дейін уақыт кетіп, мемле­кеттік қызмет орны көп мерзімге бос тұрады. Осының өзі кадр тапшылығына әкелуде, деді шешен. Әсіресе, ауылдық және аудандық деңгейлерде кадр жетіспеушілігі айқын байқалуда екен. Заң жобасы осындай олқылықтарды болдырмас үшін ішкі және жалпы конкурстарды біріктіруді көздеп отыр. Сөйтіп, бос орындарды тезірек толықтыруға қол жеткізіледі, сонымен қатар меритократия қағидаттары сақталатын болады, деді Қ.Қожамжаров.

Сондай-ақ, «А» корпусы қыз­мет­керлерін «В» корпусы лауа­зымдарына тағайындау тәртібі же­ңілдетіледі. Қазір «А» корпусының қызметкерлерін төменгі орындарға тағайындау тек кадр саясаты жөніндегі ұлттық комиссияның шешімімен ғана жүзеге асырылса, енді заң жобасы осы құқықты агенттікке беруді ұсынған.

Үшінші басты өзгеріс құқық қорғау қызметіне үміткер тұлғаларға арналыпты. Заң жобасы олардың заңдарды білу және жеке басының қасиеттерін бағалауға арналған тестілеуден өту мерзімін ауыс­тыруды көздеген. Қолданыстағы заңға сәйкес мұндай талап келесі жылдың бірінші қаңтарынан бас­тап енгізілетіндігі белгіленген. Алайда, Мемлекет басшысы бұл жүйені биылдан бастап енгізу жөнінде тапсырма беріпті. Міне, осы және басқа да өзгерістер туралы баяндаған Қ.Қожамжаровқа бірінші сұрақты депутат Амангелді Дәуренбаев қойды. Ол құқық қорғау органдарының бос лауазымдарына үміткер болатын тұлғаларды тестілеу үшін агенттікте тиісті база бар ма және бұл іс бюджеттен қосымша қаражат талап етпей ме деп сұрады. Оның сұрағына жауап бере келіп Қ.Қожамжаров құқық қорғау органдарындағы бос орындарға жылына 37 мыңдай үміткер келіп, тестілеуден өтетінін және агенттіктің базасы осы істі атқаруға жеткілікті екенін жеткізді.

Депутат Павел Казанцев меритократия қағидатының сақталуына енгізілетін өзгерістер кедергі келтір­мей ме деп сұрады. Оған Қ.Қожам­жаров конкурстық процедураларды оңтайландыру меритократия қағидаттарының сақталуына кедергі келтірмейтіндігін көлденең тартты.

Депутат Серік Сейдуманов басшылық лауазымдарға тағайын­далған тұлғалардың командасымен келу мәселесі халық арасында наразылық тудыратынын еске сала келіп, карьералық модельге ауыс­қаннан бері мемлекеттік басшы қызметкерлердің командасымен орын ауыстыруы азайды ма деп сұрады. Оған Қ.Қожамжаров конкурс­сыз тағайындаулардың 25 есе азай­ғанын айта келіп, осының арқа­сында бірінші басшылар арасында командасымен ауысып жүру ісі азайып келе жатқаны байқа­латынын жеткізді.

Заң жобасы жөнінде қосымша баяндаманы Халықаралық істер, қор­ғаныс және қауіпсіздік комитетінің мүшесі Ерсұлтан Бектұрғанов жасады. Шағын талқылаудан кейін заң жобасы толықтай мақұлданды.

Осы күні ТМД-ға қатысушы мемле­кеттердің төтенше оқиғалар­дың алдын алу және жою саласын­дағы ынтымақтастығы туралы келісімді ратификациялайтын заң жобасы да мақұлданды. Заң жобасы туралы баяндаманы Ішкі істер министрі Қ.Қасымов жасады.

Ал кейбір заңнамалық актілерге экологиялық мәселелер бойынша өзгерістер мен толықтырулар енгізу туралы заң жобасы бойынша қорытынды әзірлеуге уақыт белгіленді.

Жақсыбай САМРАТ, «Егемен Қазақстан»

СОҢҒЫ ЖАҢАЛЫҚТАР

24.09.2018

Футзалдан еліміздің құрамасы Әзербайжанды жеңді

24.09.2018

Арбаға таңылған аягөздік суретші

24.09.2018

Қазақстанның рөлін жоғары бағалады

24.09.2018

Күллі адамзат арманы – ядролық қарусыздану

24.09.2018

Словакияда ел намысын қорғаған Элизабет Тұрсынбаева күміс медаль иеленді

24.09.2018

Түркістан-түркі халықтарының рухани орталығы

24.09.2018

Бітімгерлік – биік миссия

24.09.2018

Жаһандық идеялар сөз болды

24.09.2018

Арбаға таңылған аягөздік суретші

24.09.2018

Жамбыл облысында оң экономикалық өсім бар

24.09.2018

Сиқыры мол сауда нарығы

24.09.2018

Машина жасаудың маңызды мәселелері талқыланды

24.09.2018

Ulaǵat pen muraǵat

24.09.2018

Аналарға құрмет

23.09.2018

Абылай ханның қара жолы - солтүстік пен оңтүстікті байланыстырған ең төте жол

23.09.2018

Павлодарда «Ертіс» футбол клубының атауын латын қарпіне көшіру ұсынылды

23.09.2018

Фильмдер қашан түрлі-түске бояла бастады?

23.09.2018

Туған жерін сүйе алмаған, сүйе алар ма туған елін?

23.09.2018

Түркістанда халықаралық деңгейдегі инвестициялық және туристік форум өтеді

23.09.2018

Әдет қалыптастыру оңай ма?

ТАҒЫ ЖҮКТЕУ
КОЛУМНИСТЕР

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу