Наурыз – сенім мен достықтың, ел тұрақтылығының нышаны

Мемлекет басшысы Астанадағы «Сарыарқа» велотрегінде Наурыз мейрамына арналған мерекелік іс-шараға қатысып, отандастарымызды Ұлыстың Ұлы күнімен құттықтады.
Егемен Қазақстан
23.03.2017 3092
2

Қазақстандықтар бұл мерекені әркез туыстарымен және достарымен бірге қарсы алуды дәстүрге айналдырғанын атап өткен Қазақстан Президенті мыңжылдық тарихы бар Наурыз елдің ең жақсы көретін және асыға күтетін мейрамы екенін, ол адамның ұлты мен діни ұстанымына қарамай тойланып келе жатқанын айтты. Нұрсұлтан Назарбаев Наурыз сенімнің, достық пен бауырластықтың, ел тұрақтылығының нышаны екеніне назар аударды.


– Биыл біз Наурызды ерекше көңіл-күймен қарсы алып отырмыз. Қазақстан елеулі жаңару бағытына бет бұрды. Мен таяуда ғана Үшінші жаңғыру бағдарламасын жарияладым. Оның аясында саяси және экономикалық жүйені реформалау көзделген. Біз Конституцияға мемлекеттік басқаруды жетілдіре түсетін маңызды түзетулер де енгіздік. Ендігі жерде тәуелсіздігіміздің кепілдіктері нығайтылып, бірлік пен татулық бекем бола түседі. Бұл болашаққа сеніммен қарауға, қазіргі әлемнің дамуы жолындағы сын-қатерлерді еңсеруге мүмкіндік береді. Қазақстандағы барлық өзгерістердің бір ғана мақсаты бар. Ол – әр үйде, әр отбасында, әр шаңырақта молшылық пен тұрақтылықтың болуы. Әр азамат өз елі үшін алаңсыз еңбек етіп, балаларын өсіріп, жаңа күнді қуанышпен қарсы алатындай болуға тиіс. Бұған еңбек ету арқылы қол жеткізіледі, оған мемлекет мүмкіндік беріп отыр, – деді Мемлекет басшысы.

Қазақстан Президенті іс-шараға қатысушыларға арнаған сөзінде бүкіл әлем бойынша жаңару нышанын танытып, адамдардың өзара ынтымағын және табиғатпен тұтастығын көрсететін көктемгі күн мен түннің теңелер шағының айрықша маңыздылығына тоқталды.

– Бұл күндер халықты қуанышқа бөлейді. Мереке күндері жұрт бір-біріне қонаққа барып, бұрынғы өкпе-реніштерін кешіріседі, бір-біріне игілік пен бақ-береке тілейді. Наурыз мейірімділік пен өзара көмек сияқты мәңгілік құндылықтарды еске салып тұрады, – деді Нұрсұлтан Назарбаев.

Осы күндері Қазақстанның барлық өңірлеріндегі қалың бұқара Ұлыстың Ұлы күнін ерекше тойлап жатыр. Бұл күн бабаларымыздың бағзы замандардан бері ұлықтап өтіп, бізге қалдырған аманаты. Күн мен түннің теңескен тұсындағы береке-бірліктің, ынтымақ пен ізгі­ліктің жолы болсын деген игі тілегі. Сондықтан да айтулы күн жақсылық пен келісімнің, жаңару мен жаңа күн­нің символы. Ендеше, күннің ұзарып, түннің қысқарған шағы мамыражай күннің шұғыласын шашқан шуақты сәулесі көктем көрі­ніс­терінің басы болып саналады.

– Наурызда әр өңірдің халқы, ауыл-аймақтың тұрғындары жиналып, бұлақтардың көзін ашып, жасыл желек отырғызып, болашаққа көз тігеді. Наурыз-көже жасап, ағайын-туыс бір-бірімен қатынасып, дәм татып, өткен-кеткенді еске алады. Өкпелі жандар бір-бірінен кешірім сұрап көрісіп, қауышып, бір-біріне сүйіспеншілігін білдіреді. Сондықтан да бұл рухани үндесу мен адамдардың ақжарма тілектерінің мейрамы саналады. Осындай ғажайып шақта аспаннан алтын нұр төгіліп, жерге алтын дән себілетінін білесіздер. Ел-жұрттың көңілінде жаңа үміт пайда болып, ертеңгі күнге сенім нығаяды. Сол себептен халқымыз Наурызды Ұлыстың Ұлы күні деп атаған. Ақиқатында, біздің жаңа жылымыз Шығыс халықтарында, соның ішінде қазақта да, дәл осы күн болып саналуы қажет. Мыңжылдықтардан бері жалғасын тауып, өзгермей келе жатқан бұл заңдылық биыл да сол дағдысынан жаңылған жоқ. Атаулы мереке ұлт пен дінді талғамайтын ортақ мейрам. Бұл біздің мызғымас бірлігіміз бен ырысты ынтымағымызды айшықтай түседі. Жаратылыс атаулы жаңғыратын осындай керемет күнде жақсы тілекте болайық, ағайын, – деді Н.Назарбаев.

Жер-дүние жаңаратын көктем мерекесінде табиғат құлпырып, тіршілік түлеп, төңірек түрлене бастайды. Өткен жылдың аяғындағы Тәуелсіздіктің 25 жылдық мерекесінің соңын ала жеткен Әз-Наурыз еліміздегі айтулы мереке, үлкен той болып саналатындығын айтқан Мемлекет басшысы ұшқан құстың қанаты талатын ұлан-байтақ даламызды мекен еткен ұлтымыздың өткенін ұлықтап, ертеңін екшей түсті.

– Біз ата-бабаларымыздың қағи­даларын орындай отырып, бірлік пенен берекеден жаңылмаған халықпыз. Соның арқасында тәуелсіздігіміздің туын тіктеп, өткен жылы жетістіктерімізді бір түгендеп алдық. Ғасырға татитын 25 жылдың ішінде, күрес пен қуанышқа толы жылдарда халқымыздың еңсесін көтеріп, қазақтың абыройын асқақтата түстік. Киелі тәуелсіздігіміз бен одан бас­тау алатын барша құндылық­тары­мызды бекемдей білдік. Олай болса, елдігіміз таразыға салынған осынау заманда береке-бірлігімізді ешуақытта жоғалтпайық, бірге ұстайық. Байтақ Қазақстанымыз жаңа биіктерге көтерілуі үшін және Үшінші жаңғыруды орындауымыз үшін барлығымыз бір адамдай жұмыс істейік әрі осы жолда бір-бірімізге тілеулес болайық.

Қымбатты бауырлар, қадірлі қазақ­стан­дықтар. Ұлыстың Ұлы күні бар­шамызға бақ-береке әкелсін. Еліміздің ендігі жиырма бес жылдығын бүгінгіден де табысты, қарқынды дамумен қарсы аламыз деген үміттемін. Әрине, ол үшін халқымыздың айрандай ұюы мен отансүйгіштігі қажет. Сонда ғана біз ата-бабаларымыздың асқақ арманы мен аманатын орындап, олардың төккен тері мен анамыздың ақ сүтін адал ақтайтын боламыз. Еліміздің әрбір шаңырағы қуаныш, шаттыққа кенеліп, Ұлыс оң болсын, ақ мол болсын. Әз-Наурыз құтты болсын! – деген Н.Назарбаев күллі Қазақстан халқын мерекемен құттықтап, ел-жұртқа жүрекжарды лебізін білдірді.

Осылайша, елордалықтар мен қала қонақтары қатысқан салтанатты шара мерекелік концертпен жалғасын тапты. Балалар үйінің тәрбиеленушілері мен Астана қаласы мектептерінің өнерпаз оқушылары және отандық эстрада жұлдыздарының өнерін тамашалаған Мемлекет басшысы жұртшылықты Наурыз мейрамымен тағы да құттықтап, бақыт пен жақсылық тілеп, өсіп-өркендеуіне ниеттестік білдірді.

Сондай-ақ, Наурыз мерекесі қар­саңындағы негізгі мерекелік іс-шара­лардың бірі «Хан Шатыр» сауда ойын-сауық орталығы жанындағы алаңда өтті. Астана қаласы әкімдігінің ұйым­дастыруымен өткен ауқымды шараға қаладағы бірқатар мекемелер қатысты.

Наурыз мерекесі осы алаңда үш күн бойы тойланбақ. Сол үшін дайындық та ерте басталды. Астана қалалық әкімдігі мен ұлттық компаниялардың атсалысуымен 20 шақты ақшаңқан киіз үй тігілді.

Алаңдағы этноауылдың наурыз нақыштары қала тұрғындары мен қонақ­тарына ерекше мерекелік көңіл-күй сыйлағандай. Айнала тігілген киіз үйлердің сән-салтанаты, жасау-жаб­дығы, қазақтың дастарқаны, қолөнер­ші­лердің бұйымдары қойылған көрмелер, қызылды-жасылды киінген қыз-жігіттер бірден көзге түседі. Анадай жерде палуандар күресіп жатса, алтыбақанда тербелген, қыз қуудың қызығына түс­кен, сондай-ақ, арқан тартыста білек күштерін сынаған, гірдің тасын көтерген жастар да өздерінше мерекеге сән бергендей. Әрбір киіз үйлердің ішінде өткен «Бата беру», «Тұсаукесер», «Бесікке салу», «Ат қою» сынды ұлттық жөн-жоралғылардан да Наурыз мейрамының көтеріңкі лебі еседі.

Қазақы салт-дәстүрді, әдет-ғұрыпты, отансүйгіштікті, сондай-ақ, адамға тән ізгілікті насихаттайтын, көктемнің құлпырған шағында тойланатын Наурыз мерекесін елордалық жұртшылық та асыға күтеді. Биыл да дәл солай болды. «Хан Шатырдың» маңындағы алаңға халық көп жиылды. Келген кісілердің алдынан бауырсақ алып шығып, киіз үйлердегі наурыз көжеге шақырып жүрген ибалы қыз-келіншектер береке мен молшылықтың жаршысындай жара­сымды көрінеді. Мұнда өтіп жат­қан Наурыз мерекесін тамашалауға «Сары­арқа» велотрегіндегі гала-кон­церт аяқталған соң ел Президенті Нұрсұлтан Назарбаев та келді. Ол палуан­дардың күресін, қолөнершілердің тері­ден, жүннен, металдардан, басқа да түрлі нәр­се­лерден жасаған бұйымдарын, әртістер­дің өнерін көріп, халықпен емен-жарқын әңгімелесіп, жұртшылықты Нау­рыз мере­кесімен құттықтады.

Алаңда ән айтылып, би биленді, күй тартылып, жыр оқылды. Театрлан­ды­рылған көріністер қойылды. Кон­церттік бағдарламада Астанадағы Қ.Қуа­нышбаев атындағы мемлекеттік академиялық қазақ музыкалық драма театры, М.Горький атындағы мемле­кеттік академиялық орыс драма театры, Жастар театры, Астана қала­сы әкім­­дігінің Қуыршақ театры, Ас­та­на қаласы мемлекеттік филар­мо­ния­сы, елордалық «Наурыз», «Бәй­терек», «Шал­қыма», «Жұл­дыз» би ансам­бль­дерінің, «Қорқыт» фольк­лор­лық ұжы­мы­ның, басқа да бірқатар ұжымдардың өнер­лері көрер­менге ұсынылды.

Сондай-ақ, тазы иттер мен төбеттердің жарысы да жиылған жұртшылықтың назарын аударды. Жалпы алғанда, «Хан Шатыр» маңындағы бұл алаңда Наурыз мейрамы барлық сән-салтанатымен атап өтілуде. Айта кетейік, Наурыз мейрамы тек «Хан Шатыр» маңындағы алаңда ғана емес, «Қазақ елі» монументінің, Астана концерт залы маңындағы алаңдарда, сондай-ақ, Жастар театры­ның, «Қазақстан» спорт кеше­нінің территориясында да тойланды. Жал­пы халықтық серуен бүгін де сән-салтанатымен жалғасатын болады. «Хан Шатыр» маңындағы этноауыл ел­ор­далық тұрғындар мен қонақтарды қарсы алып, мерекелік концерттік бағ­дар­ламалар тарту етуде.


Нұрлыбек ДОСЫБАЙ,

Айгүл СЕЙІЛОВА,

«Егемен Қазақстан»


Суреттер Президенттің баспасөз қызметінен алынды



СОҢҒЫ ЖАҢАЛЫҚТАР

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

23.02.2019

Мақсат - әр тұрғынға отыз шаршы метр баспана беру

23.02.2019

Қызылорда облысы Полиция департаментінің жеке құрамы үшін гарнизондық жиын өтті

23.02.2019

Лондонда қазақстандық боксшы қарсыласын нокаутқа түсірді

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу