Озық технологиялар – өркендеу кепілі

Президент Н.Назарбаевтың тапсырмасы бойынша Премьер-Министр Б.Сағынтаев 11-14 сәуір аралығында жұмыс сапарымен АҚШ-қа барды, мұнда әлемдік инновациялық көшбасшылар қатарындағы компаниялардың өкілдерімен кездесулер өткізіп, Қазақстан экономикасының үшінші жаңғыртылуы аясында бірлескен ынтымақтастық мүмкіндіктерін талқылады, деп хабарлады Премьер-Министрдің баспасөз қызметі.
Егемен Қазақстан
17.04.2017 2095
2

Қазақстан Премьер-Министрі Б.Сағынтаевтың кестесіндегі алғашқы кездесулердің бірі Нью-Йоркте АҚШ-тың: Citigroup, Mastercard, Berkley, Morgan Stanley, Black Rock, Goldman Sachs сияқты аса ірі қаржы инсти­тутта­рының сондай-ақ, әлемдік рейтинг агенттіктері: Moody’s, Standard&Poor’s, Greylock Capital, Guggenheim International, Alliance Bernstein, Public Capital Advisors, Business Council of International Understanding өкілдерімен жүз­десуі болды.

Кездесуге қатысушылар әлем­­­­дік экономика және Қазақ­стан­ның экономикалық саясаты дамуының өзекті мәселелерін, сондай-ақ, бірлескен жобаларды жүзеге асыру, инвестициялар тарту, инфрақұрылымдық жобаларды қаржыландыру және активтерді басқару мүмкін­діктерін талқылады.

Қазақстан Премьер-Министрі Б.Сағынтаев «Chevron» корпо­рациясының Еуразиялық аймақ бойынша басшысы Т.Левимен кездесті.

Кездесу барысында тараптар мұнай-газ саласында ын­тымақтастықты одан әрі кеңейту мәселелерін талқылады.

Содан кейін Бақытжан Са­ғынтаев Нью-Йорк қаласының экс-мэрі Рудольф Джулианимен кездесті.

Диалог аясында телеком­му­никациялық инфрақұрылымды дамыту саласындағы өзара іс-қимыл және ынтымақтастық мәселелері талқыланды.

Премьер-Министр сондай-ақ, «Citigroup» компаниясының пре­зиденті Джеймс Форесемен кездесті.

Тараптар қаржы-банктік өзара іс-қимылды тереңдету мәселе­лерін, сондай-ақ, Қазақстанның инвестициялық мүмкіндіктерін талқылады.

Бұдан кейін Бақытжан Са­ғынтаев «WR Berkley Group» сақтандыру компаниясының төр­ағасы Б. Барклимен және «Robotti & Company Advisors LLC» ком­паниясының басшысы И. Шварц-манмен кездесу өткізді. Оның барысында сақтандыру және еліміздің банк саласына инвес­тициялар тартудың заманауи те­тіктері талқыланды.

Бұдан әрі  Премьер-Министр Б.Сағынтаев «Bloomberg» компа­ниясының негізін қалаушы және Нью-Йорк қаласының экс-мэрі М.Блумбергпен кездесу өткізді.

Б.Сағынтаев М. Блумбергпен Қазақстанның қаржы нарығын және «Астана» халықаралық қар­жы орталығын дамыту сала­сындағы ынтымақтастық мәселе­лерін талқылады. Кездесу­дің маңызды нәтижесі Астанада Блумберг телеарнасы мен кеңсе­сін ашу туралы келісім болды.

Содан кейін Бақытжан Сағын­­таев «GE Transportation» ком­паниясының бас атқарушы директоры Дж.Миллермен кез­десті.

Әңгімелесу барысында та­рап­тар газ саласындағы ын­ты­мақ­тастық мәселелерін талқылады.

Сондай-ақ, Нью-Йоркте Бақыт­жан Сағынтаев АҚШ-тың «I Scuared Capital», «General Electric», «Grace, Robotti & Com­pany Advisors», «AGCO», «AES», «Black and Veatch», «Ameri­can Industrial Acquisition Corp­oration» сияқты жетекші компа­нияларымен Қазақстан эконо­микасына инвестициялар мен жаңа технологиялар тарту мәсе­лелерін талқылады.

«OSI Systems», «Pfizer» және «GE Transportation» компания­ларымен кездесулер аясында Қа­зақ­станда технологиялық жаб­дықтар өндірісіне инвестициялар тарту туралы, ал «Rahal Foods» компаниясымен орга­никалық азық-түлік өндірісі тұрғысындағы ынтымақтастық туралы келісім жасалды.  

Премьер-Министр «OSI Systems» компаниясының атқару­шы вице-президенті А. Мехрамен кездесу өткізді.

Компанияның Астана қаласы­ның әуежайы мен қазақ­стандық кеден бекеттеріне Rapiscan сканерлеу жүйелерімен жабдықтау жүргі­зе­тіндігі туралы келісімге қол жеткізілді.

Одан кейін Б.Сағынтаев «Pfizer» компаниясының вице-пре­­зи­денті М.Геттлермен кездес­ті. Қазақстанда вакциналар өн­діретін зауыт салу туралы келі­сім­ге қол жеткізілді.

Бұдан әрі Премьер-Министр экономист Н.Рубинимен маңызды әрі қызықты кездесу өткізді. Жа­һандық және аймақтық эконо­микалық даму тақырыбы бойынша пікір алмасу өтті.

Келесі күннің таңертеңінде Премьер-Министр «Cisco» кеңсе­сін аралады және компанияның Директорлар кеңесінің төрағасы Дж.Чамберспен кездесу өткізді.

«Cisco» компаниясының негізі 1984 жылы қаланған және қазіргі уақытта кең көлемді желі жабдықтарын шығарады, олардың қатарында маршрутизаторлар, IP-телефония өнімдері, Ethernet-коммутаторлар, желі қауіпсіздігі құрылғысы, Wi-Fi рұқсат нүктесі, оптикалық коммутация платформалары, ATM-коммутаторлар т.б. бар.

Қазақстан үшін осындай атақ­ты әлемдік компаниямен ынты­мақтастық Мемлекет бас­шы­сының Жолдауында ұсыныл­ған ел экономикасын жаңғыр­­ту бойынша міндеттер тұрғысында ерекше мәнге ие.

Осында «Цифрлы Қазақстан» бағдарламасын жүзеге асыру аясында «Зерде» АҚ пен «Cisco» компаниясы арасында ынты­мақтастық орнату туралы мемо­рандумға қол қойылды.

Сан-Францискода Б.Сағын­таев атақты экономист А.Лаф­фермен кездесті. Кез­десу барысында жаһандық экономикадағы өзекті үрдістер, заманауи салық саясатының ерекшеліктері тал­қыланды.

Содан кейін Премьер-Ми­нистр Robomatter Inc. прези­денті Скип Смитпен кездесу өткізді, оның барысында компанияның инно­вациялық білім беру бағдар­ла­маларын Қазақстанда, жастарды ком­пью­терлік ғылымдарға бағ­дар­ламалауға және роботты тех­никаға оқыту және даярлау үшін қолдану мүмкіндігін талқылады.

Одан кейін, Бақытжан Сағын­таев «Tesla Motors» кеңсесіне барып, онда роботты техника мен бағдарламалауға негізделген электромобильдер өндірісінің толық кезеңімен танысты.

Бұдан кейін Бақытжан Са­ғын­­таев «Сhevron» компа­ния­сының төрағасы Джон Уот­сонмен кездесті. Әңгімелесу бары­сын­да тараптар мұнай өнім­дерінің әлемдік нарығын дамы­­тудың қазіргі жағдайы мен болжамдарын, еліміздегі мұнай-газ жоба­ларындағы ынты­мақтас­тықты кеңейту мәсе­ле­лерін, сонымен қатар, Қазақ­стандағы Болашақ кеңею жобасын талқылады.

Премьер-Министр «IBM Watson West» орталығын аралады, онда Бақытжан Сағынтаевқа компанияның жасанды зерде, бейне мен сараптауды танып-білу саласындағы әзірлемелері мен «ақылды» қалаларға арналған инновациялық шешімдері таныс­тырылды.

Сапар қорытындысы бойын­ша «IBM» компаниясы мен «ИТП» ДКҚ арасында Астана қала­сын­да қаржылық технологиялар, «Ақылды қала» бойынша техноло­гиялар және қала құ­рылысы мен оны пайдалануды бас­қаруға арналған технологиялар бойын­ша қолданбалы зерттеулерге арналған зертхана құру бойынша меморандумға қол қойылды.

Сондай-ақ, Бақытжан Сағын­таев «Autodesk» компаниясының кеңсесіне барып, компания вице-президенті Дэвид Крейнмен кез­десті.

Тараптар Қазақстанда Auto­desk құзырет орталығын құру мәсе­лесін талқылады.

Сонымен қатар, «Autodesk» компаниясымен бірлесіп, қазақ­стандық жаңа құрылыс материал­дарының сапасын анықтау және сертификаттау зертханасы құ­рылатын болады.

Премьер-Министрдің кесте­сіндегі аса маңызды шара­лар­дың бірі – «Project: Collider» тех­нологиялық форумы болды, онда Б.Сағынтаев инновациялар саласындағы әлемдік көшбасшы компанияларды Қазақстан эко­но­микасының жаңғыртылу үдерісіне белсендірек қатысып, инвес­тиция құюға шақырды.

Премьер-Министр «Bridge West Group» Директорлар кеңе­сінің төрағасы Маси Таэби­мен кездесу өткізді, оның қо­ры­тын­дысы бойынша «Қазақ­те­ле­ком» АҚ-пен меморандумға қол қойылды, онда Интернетке қол­жетімділік желілерін ауқымды дамыту мақсатында америкалық компанияның жабдықтарын сатып алу бойынша ықтимал ынтымақтастық көзделген.

Содан кейін «Learn Capital» басқарушы серіктесі Г.Мауро­мен кездесу өтті, оның қорытын­дысы бойынша ҚР БҒМ «Ақпа­раттық-талдау орталығы» АҚ-пен «чартерлік мектептер» деп аталатын үлгі бойынша инно­вациялық білім берудің қанат­қақты жобасын дамыту бойынша ынтымақтастық туралы мемо­рандумға қол қойылды.

Қазақстан Премьер-Министрі Б.Сағынтаевтың АҚШ-қа жұмыс сапары аясында Кремний алқа­бында Қазақстанның өкілдігін ашу туралы келісімге қол қойыл­ды.

Инновациялық өкілдік Крем­ний алқабында Қазақстанның тех­нологиялық стартаптарын дамыту платформасымен қамтамасыз етеді, еліміздегі кәсіпкерлік пен ғылым­ды да­мытуға ең үздік техно­логиялық идеялар мен үде­рістерге қолжетімділікпен қам­тамасыз етеді. Сондай-ақ, Қазақ­станның ірі корпорацияларына әлемдік деңгейде инновациялық өзара іс-қимыл жасасу, бірегей ақпарат пен ресурстардың қол­жетімді болу мүмкіндігі бар.

Сонымен қатар, Премьер-Министр Б.Сағынтаев «DFJ» ком­паниясының кеңсесіне барып, оның негізін қалаушы Т. Дра­пермен кездесті.

«DFJ»-тың бірқатар қазақ­стандық компанияларға қолдау көрсетуі туралы уағдаластыққа қол жеткізілді. Айта кету керек, «DFJ» компаниясы технологиялар саласында даму сатысындағы және бастапқы сатыдағы жобалар­ды инвестициялауға бағдар­ланған.

Бақытжан Сағынтаев Кремний алқабының инновациялық орта­лығының кеңсесіне  барып, сарапшылар тобымен және орталық президенті А.Куновпен кездесті.

Б.Сағынтаев «Plug and Play Tech Center» компаниясының кең­­сесінде де болды.

Одан кейін  Премьер-Министр «Jabil» компаниясының кеңсесіне барды, ол түрлі салалардағы жа­һан­дық технологиялық корпора­цияларға электроникаларды жобалап, әзірлеу бойынша кешенді қызметтер көрсететін әлемдегі ең ірі өндірістік компаниялардың бірі.

Сонымен қоса, Бақытжан Сағынтаев «Google» кеңсесінде болып, онда компанияның ІТ-саласындағы қазіргі әзірле­меле­рімен танысты, сонымен қа­тар, қызметкерлермен Қазақ­станға қажетті жобаларды тал­қылады.

Бақытжан Сағынтаев «Micro­soft» корпорациясының ұжым­­­дық вице-президенті Д.Ле­вин­мен кездесу өткізді. Кездесу барысында компанияның бағдар­ламалық шешімдерін Қазақ­стан­ның шағын жинақты мектеп­теріне енгізу мәселесі тал­қыланды.

Осылайша, Премьер-Министр Бақытжан Сағынтаевтың Аме­рика Құрама Штаттарына жұмыс сапары аяқталды. Өткізілген кез­десулер мен қол қойылған құ­жат­тар Қазақстанға елімізде цифрлы инфр­ақұрылымды дамы­туға жағдай жасауға, жаңа ин­дустриялар­ды таратуға, Индус­трия 4.0 элемент­терін ұлттық эко­­­номикаға инте­грациялауға кө­мек береді.



СОҢҒЫ ЖАҢАЛЫҚТАР

14.11.2018

Ардақ Әшімбекұлы Мемлекеттік күзет қызметінің бастығы қызметіне тағайындалды

14.11.2018

Б.Сағынтаев Жамбыл облысының білім беру саласының мамандарымен кездесті

14.11.2018

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

14.11.2018

Елбасы «Астана Бас жоспары» ғылыми-зерттеу жобалық институтында болды

14.11.2018

Үкімет басшысы Жамбыл облысында болды

14.11.2018

Атыраулықтар жалпыұлттық диктант жазуға қатысты

14.11.2018

Қазақстанның бірқатар өңірлерінде Азаматтарға арналған қоғамдық қабылдаулар өтті

14.11.2018

Қ.Тоқаев: Бюджетті қарау кезінде тек мемлекеттік мүдде үстем болуы тиіс

14.11.2018

Африканың Батыс Сахарасында күрделі тапсырмаларды орындады

14.11.2018

Батыс Қазақстан облысында тағы бірнеше кәсіпорын жалақы өсірді

14.11.2018

Халықаралық балалар шығармашылығы Фестивалінің жеңімпаздары марапатталды

14.11.2018

Батыс Қазақстан облысының Жәнібек ауылында 40 пәтер пайдалануға берілді

14.11.2018

Елбасы кітапханасы ақтөбелік жоғары оқу орнына 350-ден аса кітап тарту етті

14.11.2018

Алматыда мұғалімнің кәсіби құзыреттілігін қалыптастыру мәселесі талқыланды

14.11.2018

Алматы жұртшылығы жалпыхалықтық диктант жазуға қатысты

14.11.2018

Алматыда «Көшпенділер әуені» атты дәстүрлі орындаушылардың ІІ Республикалық байқауы өтті

14.11.2018

Алматыда дәстүрлі «Болат Тұрлыханов кубогі» өтеді

14.11.2018

Бақытжан Сағынтаев Таразда Халықты жұмыспен қамту орталығына барды

14.11.2018

Асқар Мамин өңіраралық семинар-кеңеске қатысты

14.11.2018

Премьер-Министрге «Смарт-Тараз» және Тараз-Хаб жобалары таныстырылды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу