Қиялдағы күйеу, аспандағы ару...

Мейлі, ер-азамат болсын, мейлі, әйел болсын, кейде өмірдегі жоқ адамды іздейді. Ай десе аузы, Күн десе көзі бар қыздар оң жақта отырып қалатыны несі? Болмаса, саналы десең саналы, білімді десең білімді жігіттер неге сүр бойдақтардың санатынан суырыла алмайды? Өзімізді құдіреттімін деп есептейтін болуымыз керек, қиялдағы күйеуді армандаймыз... Жер бетінде жоқ аруды аңсаймыз.
Егемен Қазақстан
09.08.2017 5484
2

Осылай айналамыздағы адамдарды менсінбей жүргенде, можантопай жігіттер кейін тура кинодағыдай керемет азаматқа айналады. Қарапайым қара қыздан есті әйел шығады. Есі бар балалар туады. 

Айтқандай, осыдан біраз жыл бұ­рын досымның інісін түлен түртіп, жап-жақ­сы келіншегінен жеріп шықты. Жігіттің үйін­дегілер келінді жақтаса да, інішек ке­рі кетіп,  ақыры ажырасып тынды. Жағ­дай белгілі. Бірнеше жыл сы­бай-сал­таң жүрді. Жалғыздықтан жа­лыққан бол­у керек. Күндердің кү­нін­де қайта үйленетін болды. 

Әлгі азамат жаңа әйелін үйіне жетектеп келгенде, үй ішіндегілер түгелімен шалқасынан түсе жаздаған ғой. Босағаны аттап тұрған адам кеткен келіншегінен бір түйір айнымайды. Сол – түр, сол – шаш, сол – шатақтау мінез. Бұрынғы әйе­ліне соншалықты ұқсас, егіздің сы­ңа­рын­дай адамды күндіз қолыңа шам алып қа­на іздеу керек шығар?! Бұл әйелі­мен де кейін сол ырың-жырың басталды. Ана әйелде де бала кетті, мына келіншегінен де бала бар. Әпкесі сонда інісіне не керек екенін түсінбей, әңгіме қозғап отыратын. 

– Сонда не болды? Өзіне осындай әйелдер ұнайтын шығар? – деп иық­ты қиқаң еткізіп, күліп қойсам да, бұл жі­гіт кім­ді іздеп жүр деген сұрақ кө­кей­де қалды.Әрине, бұл баяғыда болған оқиға. Арада ондаған жылдар өтті. Әйелден ба­ғы жанбаған ол жігіт кейінгі келін­ше­гінен де кетті. Басқадан бағы ашыл­ды ма, ашылмады ма, ол жағы бей­мағлұм. Шаңырағын шайқалтып, ажы­расып кеткен адамдардың кейін бас­қа некеде бақытты болып кетуі де не­кен-саяқ. 

Адамдар да қызық. Кейде бақытын із­деп жүріп, сол бақытты басынан өзі теу­іп түсіргенін де білмей қалады. Жұ­мақты басқа біреудің құшағынан із­деп жүргенде, бүкіл берекесі ажы­рас­қан адамымен бірге кетеді. 
Кейде даңқ пен ақшаға қатар бөлен­ген жігіттер дандайсып, адал жары­нан же­ріп, ақ төсегінен аттап, басқаға бұ­рыл­ғанда бүкіл абырой, бедел, байлығы қоса құрдымға кетеді. Жақсы әйелдің киесі болатынын бұрын да жазғанбыз. Кейде керісінше жолы болмайтын жігіттерге жақсы жар кезігіп жатады. 

Қазір қарап отырсақ, айналамызда сұ­лу, дәулетті, жоғары білімді, бірақ оты­­рып қалған қыздар неге бұрын­ғы­дан да көп. Бұларда түр де, ақыл да бар. Тіпті кей­біреулерінен соңынан жі­гіт қал­майды деуге болады. Алайда жал­ғ­ыз... Неге іздегенін таппайды?
Керісінше, кейде отбасылы бір аза­м­аттарға қыз-қырқын өте үйір. Бой­дақ жүр­ген бос адамды көрмейді. Есіл-дерті сол. Ал енді әп-әдемі келіншегі бар адамдар да жарының көзіне шөп са­­лады. Осынша күнәға батыратын қан­дай күш? 

Енді біреулердің отбасындағы ын­ты­мақ, сүйіспеншілік жылдар бойы сақ­­талады. Келесілер өліп-талып қосы­лып, неге бір бірінен жылдам жериді? Сол сияқты біреулер тез қартаяды, ен­ді бі­реулер жамбасы қара жерге тиген­ше сы­нын да, сырын да бермейді. Осы сұ­рақ­тың бәрі бізді ойлантпай қой­май­ды. 
Әдебиеттерден ақыл іздеп, психо­лог­тардың кеңесіне құлақ түрсек, бұл сұ­рақ­тардың жауабы оп-оңай әрі өте күр­делі. Айналаңдағы адамдардың отбасылық өміріне, сыйластығына зер сал­саң, осының бәрі шындық екеніне көзің жете түседі. 
Психикалық, яки адам­ның түйсі­гін­дегі түй­тк­іл­дермен айналысатын әлем­­дік ғалымдар, бар­лық мәселе көз­­ге көрінбейтін бір күш-қуатта дей­ді. Осы­­ған дейін де сан ғасырлар бойы оқы­мыс­­тылар бі­рінші сана пайда болды ма, әлде ма­терия пайда болған ба деп айтысып кел­ді ғой. Енді ғалымдар бірінші энергия пайда болған дегенді айтып жүр. Біз­дің ата-бабамыздың тілімен айтқанда, мұның бәрі адамның пиғылы мен ниеті секілді. Энергия деген осы емес пе? 

Демек әлемді билейтін энергия, адам­ды билейтін – әйелдің бойындағы күш-қуат. Яғни, күйеуді ұстап тұратын ол әйелдің бойындағы адамгершілік пен мей­ірім, жанашырлық қой онда. Не­месе керісінше, ер-азаматтың бой­ын­дағы үл­кен кісілік пен жары мен ба­лаларына деген қамқорлық, жауапкершілік – от­ба­сылық тұғыр. Мұн­дай жігітке жо­лық­­қан қыздың арманы – біреу ғана – шаңырағының амандығы. 
Демек әңгіме енді келіп, әйел адам­­ның өзінде болатын күш-қуатқа ба­­рып тіреледі. Шын мәнінде табиғат әйел­дер­ге жасырын өте үлкен күш берген. Парапсихология, эзотерикамен айналысатын адамдар да әйелдердің осы Құдай берген күш-қуатқа ие болуға ұмтылуды ұмыта бастағанын айтады. 
Біздің ата-бабаларымыз әйелдің де, еркектің де орнын көрсетіп кеткен жоқ па. Әйелдің ақылы мен айласын, сұ­лулығы мен мекерлігін аз айтпаған. 
Ер-азаматтарға қарағанда, әйел­дер­дің қу­лық-сұмдығы да, болмысы да бөлек. Кей­бір өркениеттер мен ұлттардың жү­ріп өткен жолына қарасақ, анадан қызына, одан кейін қызының қызына бе­ріліп жататын тәрбие мен көрегендік көп. Бірақ со­ның бәрі адамгершілікпен, иманд­ылық­пен суарылғанда ғана бая­нды. 

Қалай десек те, табиғаттың бүкіл құдіретті қасиетін, парасатын, қылығын теңестірген әйел ғана азаматының айналасында махаббат, береке, байлық орната алмақ. Ер-азаматтың қол созған ар­ман-мақсаттарына жетуге өзінің күш-қуатын қоса алады. Меніңше, мұндай адамның қасында жоғалғаның табылғандай болады, жаның жай табады. Бұл екі адамға да қатысты. 

Бір бойында ақыл-парасаты, мейі­рі­мі, қылығы мен таза ниеті бар адамды тап­қан кезде ғана бақытты боласың. Бұл үлкен күш-қуат. 
Өмірдің қарапайым ғана мысалын алайықшы. Неге қыз-қырқын біт­кен өте үлкен дарынға, даңққа ие адам­дарға өліп-өшіп ғашық болады? Жұрт­қа байлығын бөліп бермесе де, бұл адам­дар­дың бойындағы басқаларды арбаған не сиқыр? Әрине, бұл біз айтып отырған жоғарыдағы күш-қуат. Басқаларда жоқ алапат энергия. 

Бір түн үшін бәрін тәрк ететін адамдарды енді түсініп көріңіз... Түйсіксіз түрде осыны іздеген адам өзіне керегін тапқан кезде барлығын ұмытары сөзсіз. Адамдардың ақылы жетпейтін жер де осы. 
Ақылдың жетегіне көнбей, айрандай ұйып отырған отбасын тастап, бала-шағаның үстінен аттап, ажырасты дейтіндердің санын көбейтетін де осы жағдай. Қылықсызға құлықтың болмайтыны да осындайдан. Әйтпесе, әп-әдемі, жап-жас бойжеткеннің бағы неге ашылмайды. Жалғыздық, ешкімге керексіздік қайдан туындайды? 

Қысқасы, әйелдің бойындағы біз ай­тып отырған күш-қуаттың түбіне ашу­шаңдық, ұрыс-керіс, күйбең тір­ші­лік жетеді. Ерке қылық, парасат пен мейірімнен отызыңда айырылып, қы­рық жасыңда қиралаңдасаң, онда ота­ға­сы өзіне жетпейтінді өзгеден іздей бас­тағанына шүбә жоқ. 
Қалай пәлсафа соқсаң да жігеріңді еселейтін, өмірлік армандарыңды бірге алға апарысатын адамға жолыққанда ғана іздегеніңді тапқаның. Ал ерекше әйелге жолыққан, жа­нас­­қан адам сол кезден бастап кетеуі кет­кен тірлігі оңғарылып, мың сан мә­селесінің шешімі табылып, күрмеуі тарқатылғандай күйге түсетіні сөзсіз. Егер ол адамды өмірдің бұла бастауында ешкімнің көз жасына қалмай, обалын арқаламай, отбасын шайқалтпай тапсаңыз, бұл – тағдырдың ғанибеті.  

Айнаш ЕСАЛИ,
«Егемен Қазақстан»

АЛМАТЫ

СОҢҒЫ ЖАҢАЛЫҚТАР

18.11.2018

Элизабет Тұрсынбаева Мәскеудегі турнирде үздік алтылыққа енді

18.11.2018

Қызылорда облысында МЖӘ бойынша екі спорт кешені ашылды

17.11.2018

Amazon мен Google-де жұмыс істейтін қазақстандықтарды елге шақыру керек - Атамекен ҰКП

17.11.2018

Павлодар облысында 370 жүргізуші мөлшерден артық жүк тасыған

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу