Қош, мұзайдынның мұзбалағы

Кеше қазақ спорты орны толмас ауыр қазаға ұшырады. 2014 жылы Ресейдің Сочи қаласында өткен Қысқы Олимпия ойындарының қола жүлдегері атанған мәнерлеп сырғанаушы Денис Тен қайтыс болды. миллиондаған жанкүйердің жүрегінің төрінен орын алған талантты спортшы жақында ғана 25 жасқа толған еді... 

Егемен Қазақстан
20.07.2018 4297
2

Алматы қалалық Ішкі істер департаменті өкілдерінің мәлімдеуінше, оқиға бейсенбі күні күндізгі сағат 15:00 шамасында Алматы қаласындағы Құрманғазы мен Байсейітова көшелерінің қиылысында болған. «Денис Юрьевич Тен көлігінен айна ұрлап жатқан анықталмаған екі адамның үстінен түскен. Жанжал барысында Денис Тенге пышақ жарақаты тиген. Осы дерек бойынша тергеу басталып, күдіктілерді ұстауға бағытталған барлық шара жүргізіліп жатыр», деді ІІД өкілдері.

Ал Алматы қалалық Ден­сау­лық сақтау басқармасы таратқан мәлімет бойынша, 19 шілде күні Жедел жәрдем стансасының пультіне сағат 14:56-да пышақ жарақатын алған адамға байланысты шақырту түскен. Оқиға орнына жедел жәрдем бригадасы шұғыл түрде аттанып, науқас Денис Тен жедел жәрдем көлігімен Орталық қалалық клиникалық ауруханасына жеткізілген. Дәрігерлердің алдын ала диагнозы бойынша, оған оң жақ жоғарғы санының жарақаты, сан тамырларының жарақаты және қан жоғалту диаг­нозы қойылған.

Осы оқиғадан екі сағаттан кейін Алма­­ты­дағы Орталық қалалық клиника­лық ауруханада Денис Теннің қай­тыс болғандығы туралы суыт ақпарат хабар­ланды. Аталған аурухананың бас дә­рігерінің орынбасары Ержан Құтты­ғожиннің айтуынша, Денис Тен ауру­ханаға сағат 15.23-те жеткізілген. «Мар­құмның барлық туысы мен жақынына көңіл айтамын. Кенеттен келген өлім болды. Клиникаға аса ауыр жағдайда түсті. Екі сағаттан аса уақыт бойы жүрегі мен өкпесіне жансақтау шаралары жүргізілді. Бірақ, амал не, қайтыс болды. Өмірлік маңызы бар органдарындағы жарақаттардың салдарынан естен танып қайтыс болды», деп түсіндірді дәрігер.

Денсаулық сақтау министрі Елжан Біртанов спортшы Денис Теннің қазасы туралы түсінік берді. «Бүгін сағат 14:56-да жедел жәрдем қызметіне көшеде белгісіз адамның пышақ жарақатымен жатқаны туралы хабар келіп түсті. Екі минутта шақыру бригадаға жіберілді және 10 минутта жедел жәрдем бригадасы оқиға орнына жетті. 11 минутта науқас жедел стационарға жеткізілді. Жедел жәрдем машинасында реанимациялық шаралар жасалды. Жол үстінде ауруханаға хабар беріліп, науқасты хирургтар тобы күтіп алды. Дәрігерлер бірден ота жасап, екі сағат бойы жансақтау бөлімінде спортшының өмірі үшін күресті. Бірақ қанды көп жоғалтқандықтан, 17:30-да Денис Тен қайтыс болды. Дәрігерлер тарапынан барлық көмек толық көрсетілді. Бірақ жедел жәрдемге хабар берілгенше спортшы көп қан жоғалтқан еді. Қанның көп кетуі қашанда өмірге қауіп төндіретін факторлардың бірі. Оқиғаның егжей-тегжейі патологиялық-анатомиялық зерттеуден кейін анықталады», деді министр.

Денис Теннің қазасына бай­ла­нысты Мә­дениет және спорт министрі Арыстан­бек Мұха­ме­диұлы пікір білдіріп, туған-туыс­тарының қайғысына ортақтасып көңіл айтты.

«Дарынды мәнерлеп сыр­ға­наушы, біздің спортымыздың аңызы Денис Тен дәрі­герлердің барын салғанына қарамас­тан, қайтыс болды. Оның жасы енді ғана 25-ке толған еді... Барлығы да оны жақсы көруші, құрметтеуші еді. Осыдан бір ай бұрын ғана Астанада «Денис Тен және оның достары» атты мұзды шоуы өтті. Оған әлемнің түрлі елдерінен мәнерлеп сырғанаушы жұлдыздар және атақты жаттықтырушы Татьяна Тарасова келді. Денистің мұзды шоуы Астананың 20 жылдығына арналды. Ал бүгін біздің «алтын бала» Денис баукеспе ұрылардың қолынан қаза тапты...», деп жазды министр фейсбуктегі парақшасында. 

Мәнерлеп сырғанаудан жастар және ересектер арасында бірнеше дүркін ел чемпионы атанған Денис Тен маусым айының 13-і күні 25 жасқа толған. 2011 жылы Астана мен Алматыда өткен Қысқы Азия ойындарының чемпионы, 2013 жылғы әлем чемпионатының жүлдегері, 2014 жылғы Сочи Олимпиадасының соңғы күнінде қоржынға қола жүлде салып, Қазақстан құрамасының спортшыларын елге жүлдесіз қайтудан сақтап қалған болатын. Сондай-ақ Денис 2015 жылғы Төрт құрлық чемпионатында топ жарған. Халықаралық конькимен сырғанау одағына (ISU) енетін түрлі халықаралық турнирлердің жеңімпазы және жүлдегері атанған. Был­тыр ғана елімізде дүркіреп өт­кен Қысқы Уни­версиадаға қаты­сып, Қазақстанға алтын жүлде сый­лаған еді.

Денис Тен 2011 жылы Қазақ­­стан Рес­пуб­ликасының Тәуелсіз­ді­гіне 20 жыл медалімен, 2013 жы­лы Атырауда өткен «Менің Қазақ­станым» атты VI рес­пуб­ликалық патриоттар форумына қатысып, «Қазақстанды әлемге танытқан» аталымы бойынша марапатталған. 2014 жылы Мәдениет және спорт ми­нистрлігіне қарасты Спорт жә­не дене шынықтыру істері коми­те­тінің «Жыл спортшысы» ата­ғын жеңіп алған. Дәл сол жылы Со­чи Олимпиадасының қола жүл­дегері атан­ғаны үшін оған «Құр­мет» ордені берілді. 2015 жылы Қазақстан халқы Ассам­блеясының 20 жылдық медалі мен 2017 жы­лы Қазақстан Республикасы Үкі­ме­тінің № 821 Жарлығымен Де­нис Тен «Спорт» номинациясы бо­йын­ша «Дарын» мемлекеттік жас­тар сыйлығына ие болды. Сон­дай-ақ Денис Тен Қазақстан Рес­пуб­ликасына еңбегі сіңген спорт шебері.

Денис Теннің мезгілсіз қайтыс болуына байланысты «Егемен Қазақстан» газеті ұжымының атынан марқұмның отбасына, туған-туысқандарына қайғырып көңіл айтамыз.

Қош бол, Денис!

Cерік ЖАРАСБАЕВ, Спорт және дене шынықтыру істері комитетінің төрағасы:

– Қазақстан халқы, қазақ спорты ауыр қайғыға душар болды. Орны толмас қаза. «Ажал айтып келмейді» деген осы болар. 25 жасында әлемге аты әйгілі, мәнерлеп сырғанаудан Қазақстан спортының тарихында Олимпиададан медаль алған алғашқы спортшы Денис Тен өмірден озды. Бұл оқиға соңына дейін зерттеліп, қылмыскерлер ұсталады деген сенімдеміз.

Қазақстан Республикасы Мә­дениет және спорт министрлігі Спорт және дене шынықтыру істері комитеті атынан мар­құм­ның отбасы, туған туыстарына қайғырып көңіл айтамыз.

Бақтияр АРТАЕВ, бокстан Олимпиада чемпионы:

– Денис Тен інімнің өткенде ғана 25 жасқа толған туған күнінде бірге болып, аз-кем әңгімелесіп, ой бөліскен едік. Сол кезде әңгіме арасында «Қуаныштың бәрін жақсы көремін» деп айтып қалып еді. Бүгін, міне, өмірден озғаны туралы суыт хабарды естіп, есеңгіреп отырмыз. «Жалған дүние» деп осындайда айтатын шығар... Өйткені ештеңе мәңгі емес. Әр нәрсенің өлшеуі бар. Алланың Дениске өлшеп берген өмірі осы болды. Әрине болмайтын дүние үшін алтын баламыздың өмірден өтіп жатқанына қабырғамыз қайысып, жүрегіміз ауырады. Марқұмның ата-анасына бекем, сабырлы болыңыздар деп айтқым келеді. Денистің аты біздің жүрегімізден мәңгі орын алады. Оны ешқашан ұмытпаймыз!

Евгений ПЛЮЩЕНКО, мәнерлеп сырғанаудан екі дүркін Олимпиада чемпионы:

– Қандай масқара! Тіпті, айтарға сөз жоқ. Денис Теннің ата-анасына, туыстарына, достарына және жанкүйерлеріне көңіл айтамын. Бұл жалпы спорттағы орны толмас өте ауыр қаза болды. Ол керемет адам, таңғажайып спортшы еді. Сөзім жоқ...

СОҢҒЫ ЖАҢАЛЫҚТАР

17.01.2019

Жамбылда экономиканың барлық салаларында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

Оралдықтар 19 қаңтарда суық суға шомылады

17.01.2019

Маңғыстауда «Қошқар-Ата» қалдық қоймасына қатысты жұмыстары тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

17.01.2019

Шайбалы хоккейден әйелдер құрамасы әлемдік сынның финалына өтті

17.01.2019

Батыс Қазақстан ТЖД 17 күнде 43 SMS-хабарлама таратты

17.01.2019

 Қостанайда 867 үкіметтік емес ұйымның 586-ы жұмыс істейді

17.01.2019

Әр төртінші заем «Нұрлы жер» бағдарламасы бойынша берілген

17.01.2019

Батыс Қазақстанда 256 мемлекеттік қызметкердің орны бос тұр

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу