Рақымшылық туралы заң қабылданды

Кеше Парламент Сенатының Төрағасы Қасым—Жомарт Тоқаевтың жүргізуімен палатаның кезекті жалпы отырысы болды. Онда күн тәртібіне сәйкес жеті мәселе қаралды.
Егемен Қазақстан
10.12.2016 4797
2

Бірінші болып Мәжіліс мақұлдаған Қазақстан Республикасы Тәуелсіздігінің 25 жылдығына байланысты рақымшылық жасау туралы Елбасының тапсырмасымен әзірленген заң жобасы қаралды. Заң жобасы туралы баяндама жасаған Бас прокурор Жақып Асановтың  рақымшылық  туралы айтқан барлық деректерін Мәжілістегі талқылаудан жазған мақаламызда толық қамтыған болатынбыз. Сондықтан оны қайталамай, тек Сенаттың жалпы отырысында айтылған жайларға ғана тоқталмақпыз.

Жақып Асанов баяндамасын аяқтаған соң сұрақ қою рәсімі басталды. Бірақ сенаторлар Бас прокурорға бір де бір сұрақ қойған жоқ. Заң жобасы туралы қосымша баяндаманы Конституциялық заңнама, сот жүйесі және құқық қорғау органдары комитетінің хатшысы Людмила Полторабатько жасады.

Талқылауға қатысқан сенатор Д.Құс­дәу­летов заң жобасының ізгілік сипатын­дағы мейірімділік акциясы екенін атап өтті. Заң жобасы сотталғандарды ауыр емес қылмыстық құқық бұзушылықтары үшін қылмыстық жауапкершіліктен және жазадан босатуды, сондай-ақ, олар­ды бас бостандығынан айыруды айып­пұлға немесе бостандығын шектеуге ауыс­тыру­ды көздейді, деді ол. Заң жобасы бірауыз­дан қабылданды. Енді ол Пре­зидент қол қойған сәттен күшіне енетін болады.

Күн тәртібі бойынша екінші болып «Жер кодексінің жекелеген нормаларының қолданысын және Жер кодексіне өзгерістер мен толықтырулар енгізу туралы» 2015 жылғы 2 қарашада қабылданған Заңның қолданысқа енгізілуін тоқтата тұру туралы» Заңға өзгерістер енгізу туралы» заң жобасы қаралды. Заң жобасы бойынша Премьер-Министрдің орынбасары – Ауыл шаруашылығы министрі Асқар Мырзахметов баяндама жасады. Ол жер саласында туындаған мәселелерге байланысты айтылған пікірлерді ескере отырып, арнайы комиссия құрылғанын, ол өз жұмысының барысында ауыл шаруашылығы мақсатында қолданылатын жер телімдерін қазақстандықтарға жекеменшікке сату және шетелдіктерге жалға беру мәселелерін қараған кезде осы мақсаттағы жерлердің шынайы дерекқорының жасалуы керектігі туралы қорытындыға келгенін айтты.

Екіншіден, осы мақсаттағы жер телімдерінің кадастрлық құны талапқа сай еместігі көрсетілген. Негізінен, осы екі себеп бойынша заңды қолданысқа енгізу кейінге қалдырылды. Бұл мәселелерді толық анықтау үшін кемінде екі-үш жыл керек болып отыр. Сондықтан заңды қолданысқа енгізуге мораторий жарияланған. Енді соның мерзімін 2021 жылға дейін, яғни бес жылға ұзарту көзделіп отыр, деді министр өзінің сөзінде. Заң жобасы қарастырған мәселе негізінен осы бір-ақ мәселе екен.

Қосымша баяндама жасаған сенатор Қуаныш Айтаханов жер туралы заңның тұрғындар арасында жан-жақты түсіндірме жұмыстарының жүргізілмеуіне байланысты көптеген түсінбеушіліктер туғанын атап өтті. Осы орын алған проблемаларды талқылай келе, заңды қолдануға 2016 жылдың аяғына дейін мораторий жарияланған болатын, деді сенатор. Одан әрі Қ.Айтаханов жер мәселелерін талқылау жөніндегі 75 адамнан құрылған білікті комиссияның отырыстарына шолу жасады. Барлық ұсыныс-пікірлерді тереңнен талдау барысында комиссия ауыл шаруашылығы мақсатында пайдаланылатын жерлердің шынайы дерекқорын түзу туралы ұсыныс жасады. Бұл ұсыныс Мемлекет басшысы тарапынан қолдау тауып, мораторий мерзімі 2021 жылға дейін ұзартылды. Енді осы мәселе заң жобасы болып енгізіліп отыр, деді сенатор. Жобаны талқылауға сенатор Серік Ақылбай қатысып, оны қолдау туралы ұсыныс түсірді. Сөйтіп, заң бірауыздан қабылданды.

Осыдан кейін «Кейбір заңнамалық актілерге мемлекеттік қызмет мәселелері бойынша өзгерістер мен толықтырулар енгізу туралы» заң жобасы қаралды. Бұл құжат бойынша баяндама жаса­ған Мемлекеттік қызмет істері және сыбай­лас жемқорлыққа қарсы іс-қимыл агент­тігінің төрағасы Қайрат Қожамжаров заң жобасында көзделген мәселелерге тоқ­талды. Қазір мемлекеттік қызметкерлердің бос лауазымдарына конкурстан өткізу мерзімі 16 күннен 52 күнге дейін созылады екен. Заң жобасы осы және осы тақылеттес басқа да келеңсіздіктерді болдырмауды көздейді. Шағын талқылаудан кейін бұл заң жобасы да бірауыздан қабылданды.

Сондай-ақ, осы күні Қазақстан мен МАГАТЭ арасындағы «Төмен байытылған уран банкін Қазақстанда құру туралы келісімді ратификациялау туралы» заң жобасы қаралып, қабылданды. Одан әрі ТМД-ға мүше мемлекеттердің төтенше жағдайлардың алдын алу және оларды жою саласындағы ынтымақтастығы туралы келісімді ратификациялау туралы заң жобасы қабылданды.

Осыдан әрі екі заң жобасы екі оқылымда да талқыланып, қабылданды. Оның біріншісі «Кейбір заңнамалық актілерге міндетті әлеуметтік медициналық сақ­тандыру (МӘМС) мәселелері бойынша өзгерістер мен толықтырулар енгізу туралы» заң жобасы болды. Бұл құжат туралы баяндаманы Денсаулық сақтау және әлеуметтік даму министрі Тамара Дүйсенова жасап, заң жобасында қаралған маңызды мәселелер туралы айтып берді. Қаралып отырған заң жобасында МӘМС үшін төленетін жарналар мен аударымдардың төлеу мерзімдерін республикалық бюджет қатынастарының қайта қаралуына байланысты алты айға шегеру қарастырылған. Заң жобасы біршама талқыланған соң екі оқылымда да бірауыздан қабылданды.

Жалпы отырыста қаралған соңғы мәселе – «Кейбір заңнамалық актілерге экстремизм мен террориризмге қарсы іс-қимыл мәселелері бойынша өзгерістер мен толықтырулар енгізу туралы» заң жобасы болды. Мәжіліс мақұлдаған бұл құжат та біршама талқылаудан соң екі оқылымда да қаралып, қабылданды.

Күн тәртібіндегі мәселелер қаралып болған соң кейбір сенаторлар орталық билік органдарына өздерінің депутаттық сауалдарын жариялады.

Жақсыбай САМРАТ, «Егемен Қазақстан»

СОҢҒЫ ЖАҢАЛЫҚТАР

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

22.01.2019

Жол азабына ұшырағандарға шекарашылар көмекке келді

22.01.2019

Р.Бекетаев: мемлекеттік сатып алуларға қатысу үшін салық төлеу керек

22.01.2019

Жаңақала ауданында жоғалған адам табылды

22.01.2019

Сенатта халықаралық құжаттар қаралды

22.01.2019

Федерация кубогында ел намысын кімдер қорғайды?

22.01.2019

Төсек тартқан науқасты үйде күтетін «Үйдегі Хоспис» жобасын қолға алу керек

22.01.2019

Қарағанды облысында адасқандар құтқарылды

22.01.2019

Іскер әйелдер қауымдастығы – қайырымдылық бастамашысы

22.01.2019

Батыс Қазақстан облысында «Сыбайлас жемқорлықтың  алдын алу» тақырыбында дөңгелек үстел өтті

22.01.2019

Алуа Балқыбекова: Қазақтың боксшы қыздарымен әлемде барлығы да санасады

22.01.2019

Қасиетті қамшы

22.01.2019

Соңғы төрт күнде шығыс өңірінің теміржолшылары шамамен 2 мыңнан астам шақырым жолды қардан тазартты

22.01.2019

«Шымкент - адалдық алаңы» жобалық кеңсесі жаңа жобаны таныстырды

22.01.2019

Ақырзаман жақын ба?

22.01.2019

Шымкенттің орталық аудандарындағы балалар әлі күнге дейін үш ауысымды мектепте білім алып жүр

22.01.2019

«Байқоңыр» кешеніндегі арнаулы өкілінің қызметін қамтамасыз ету басқармасының басшысы тағайындалды

22.01.2019

«Қызылорда облысы әкімдігінің іс басқармасы» КММ директоры тағайындалды

22.01.2019

Астана әкімдігінің аппараттық жиыны бұдан былай ашық форматта өтеді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу