Ұлт саулығын көздейтін бағдарлама

Былтыр Мемлекет басшысының Жарлығымен 2016-2019 жылдарға арналған «Денсаулық» бағдарламасы қабылданған болатын. Медицина саласын дамытуды көздейтін бағдарламаны жүзеге асыру барысы туралы кеше Үкіметте баспасөз мәслихаты өтті. Оған Денсаулық сақтау вице-министрі Ләззат Ақтаева қатысып, журналистердің сауалдарына жауап берді.
Егемен Қазақстан
10.08.2017 8206
2

«Денсаулық» бағдарламасы ең алдымен халықтың денсаулығын нығайтып, олардың өмір сапасын жақсартуды көздейді.

Үш жылға жоспарланған бағ­­дар­­ламаның басты 7 бағыты бар. Оның біріншісі – қоғамдық денсау­­лықты қорғау. Бұл бағыт бойын­ша министрлік ұлт саулы­ғын ны­ғайтуды көздейтін қоғам­дық ден­саулық қызметін құрған. Ел өңір­лерінде ашылып жат­қан мұндай қызмет түрлері әртүр­лі аурулар­дың алдын алу жол­да­рын іздес­тіріп, халыққа неғұр­­лым қолже­тімді әрі тиімді тетік­терін қарас­тырады. Оның алғаш­қы легінде санитарлық-эпиде­мио­логия­лық жағдайды тұрақты сақтау, сыр­қат­тарды емдеу барысында заманауи тәсілдерді қолдану мәселесі тұр.

Л.Ақтаеваның дерегіне сүйен­сек, осы жылдың алғашқы жеті айында 10 инфекциялық ауру бойынша ешқандай да науқас көрсеткіші тіркелмепті. 27 жұқпалы аурудың таралу деңгейі төмендеп, соның ішін­де қызылша –  55 есе, трихинеллез – 20 есе, менингоктық инфекция 3,8 есеге азайған. Соңғы он жылда адамның орташа өмір сүру ұзақтығы 6 жылға ұзарса, ана өлімі – 4 есеге, сәбидің шетінеуі 1,6 есеге қысқарған. Қатерлі ісік аурулары да ауыздықталып, 20 пайызға төмендепті. Вице-министр онкологиялық аурулар­дан өлім көрсеткіші азайып келе жатқанына тоқталып, бұған ауру­ларды бастапқы сатысында анық­тау да септігін тигізгенін атап өтті. Енді осы саладағы емдеу тәсіл­деріне жаңаша мазмұн беру, заманауи технологияларды пайдалану үрдісі жалғасып жатыр. Осы мақсатта Астанадағы Ұлттық онкология және трансплантология ғылыми орталығында жаңа емдеу жобалары әзірленіп жатыр екен. Бұл әдістердің бәрі сырқаттардың өмір сүру сапасын арттырып, ғұмырын ұзартуға ықпал етеді.

Бағдарламаның екінші бағыты – халыққа медициналық-санитарлық алғашқы көмек шеңберіндегі қызметтердің сапасын арттыру, жедел медициналық жәрдемді дамыту, барлық денсаулық қызмет­терін біріктіретін арнайы меди­циналық көмекті дамыту.

Бағдарламаның үшінші бағыты негізінде медициналық қызмет көр­сету сапасын арттыру көзделіп отыр. Осыған байланысты сапаны қаөдағалайтын бірлескен комиссия құрылған. Былтыр аталған комиссия емдеу мен диагноз қоюдың 281 клиникалық хаттамасын, 40 ме­дициналық технологияны, меди­циналық ұйымның 8 стандартын мақұлдаған. Ал биылғы жар­ты­жылдықта 59 клиникалық хатта­ма бекітілсе, 14 медициналық техно­логия расталған. Енді жыл­дың аяғына дейін тағы 180 клини­калық хаттаманы әзірлеп әрі қарай жетілдіру жоспарланып отыр. Жалпы, медицинадағы кли­ни­ка­лық протокол дегеніміз – белгілі бір ауруларды емдеудің ғылыми дәлелденген тәсілдер жиынтығы. Ол – ұзақ жылғы зерт­теу­лердің нә­тижесінде тиімді деп та­нылған халықаралық емдеу жүйесі, яғни онда белгілі бір ауруды анықтауға қатыс­ты қандай сарап­тамалар жүргізу керектігі, нен­дей дәрі-дәрмек­тер қолданылу қажет­тігі және тиімді деп танылған емдеу тә­сіл­дері көрсетіледі. Демек, арнайы комиссия бекіткен хаттамалар негізінде емдеу – ауруды неғұр­лым дұрыс емдеуге жол ашады.

Төртінші бағыт – дәрі-дәр­мек­пен қамтамасыз етудің ұлттық саясаты болса, бесіншісі – ден­сау­лық сақтау саласының қаржы­лық тұрақтылығын сақтау арқылы медицинаны дамыту. Алтын­шысы – осы саладағы адами ре­с­урстарды басқарудың тиімді­лігін арттыру. Медицина саласы­ның басты мәселелерінің бірі – кадр тапшылығы. Әсіресе, ауыл­дық жерлерде дәрігерлер мен мед­бикелердің жетіспейтіні анық байқалады. Әрі кадрларды даярлау сапасы да көңіл көншітпейді. Сондықтан сала министрлігі шетелдік жоғары оқу орындарымен стратегиялық әріптестік негізінде медициналық білім беруді қайта жаңғыртуды қолға алған. Бес жылға жасалған дамудың стратегиялық жоспары шеңберінде еліміздің медициналық жоғары оқу орындарында университеттік клиникаларды құру, профессорлық-оқытушылық құрамның білік­тілігін арттыру, академиялық бас­­қару жүйесін жетілдіру секілді жұ­мыстар қолға алына бастаған. Қа­зірдің өзінде медбикелік білім­ді жаңғыртудың фин моделі енгі­зіліп, бұл қанатқақты жоба бойын­ша 320 адам оқып жатыр. 

«Денсаулықтың» жетінші бағыты – мемлекет-жекеменшік әріп­тестігін дамыту, қазіргі заманғы ақпараттық-коммуникациялық тех­нологиялар негізінде денсаулық сақ­тау инфрақұрылымын дамыту. Министрліктің мәліметі бойынша бүгінде 10 медициналық нысан бойынша сенімді басқару шарты жасалған.

Мемлекет-жекеменшік әріп­тестігіне байланысты жур­налис­тер­дің сауалына жауап берген вице-министр 2016-2020 жыл­дарға арналған қолданыстағы жеке­шелендірудің кешенді жоспа­рының негізінде 7 облыстық саламатты өмір салтын қалыптастыру орталығы жеке­шелендірілгенін атап өтті. Бүгінге дейін жалпы сомасы 12 млрд теңге болатын 11 жо­ба бойынша келісімшарт жасалыпты.
Вице-министрдің айтуынша, «Денсаулық» бағдарламасы ая­сындағы шаралар Мемлекет бас­шы­сы қойған  міндеттерді орын­дау­ға мүмкіндік береді. Жос­пар бо­йынша, Қазақстан 2050 жылға қа­рай әлемдегі ең дамыған отыз ел­дің қатарына қосылуы тиіс. Осы орайда еліміздің де денсау­лық сақтау саласы дамып, тұрғын­дар­дың орташа өмір сүру жасы 80 жасқа дейін ұзармақ.

Қымбат ТОҚТАМҰРАТ,

«Егемен Қазақстан»
 

СОҢҒЫ ЖАҢАЛЫҚТАР

22.01.2019

Франциядан Англияға бет алған ұшақ Ла-Манш бұғазында жоғалып кетті

22.01.2019

Жастар жылының логотипі бекітілді

22.01.2019

Жол азабына ұшырағандарға шекарашылар көмекке келді

22.01.2019

Р.Бекетаев: мемлекеттік сатып алуларға қатысу үшін салық төлеу керек

22.01.2019

Жаңақала ауданында жоғалған адам табылды

22.01.2019

Сенатта халықаралық құжаттар қаралды

22.01.2019

Федерация кубогында ел намысын кімдер қорғайды?

22.01.2019

Төсек тартқан науқасты үйде күтетін «Үйдегі Хоспис» жобасын қолға алу керек

22.01.2019

Қарағанды облысында адасқандар құтқарылды

22.01.2019

Іскер әйелдер қауымдастығы – қайырымдылық бастамашысы

22.01.2019

Батыс Қазақстан облысында «Сыбайлас жемқорлықтың  алдын алу» тақырыбында дөңгелек үстел өтті

22.01.2019

Алуа Балқыбекова: Қазақтың боксшы қыздарымен әлемде барлығы да санасады

22.01.2019

Қасиетті қамшы

22.01.2019

Соңғы төрт күнде шығыс өңірінің теміржолшылары шамамен 2 мыңнан астам шақырым жолды қардан тазартты

22.01.2019

«Шымкент - адалдық алаңы» жобалық кеңсесі жаңа жобаны таныстырды

22.01.2019

Ақырзаман жақын ба?

22.01.2019

Шымкенттің орталық аудандарындағы балалар әлі күнге дейін үш ауысымды мектепте білім алып жүр

22.01.2019

«Байқоңыр» кешеніндегі арнаулы өкілінің қызметін қамтамасыз ету басқармасының басшысы тағайындалды

22.01.2019

«Қызылорда облысы әкімдігінің іс басқармасы» КММ директоры тағайындалды

22.01.2019

Астана әкімдігінің аппараттық жиыны бұдан былай ашық форматта өтеді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу