Жарма ауданында Әди Шәріповтің 105 жылдығы аталып өтті

Қазақтың көрнекті жазушысы, мемлекет және қоғам қайраткері Әди Шәріповтің 105 жылдығына орай қаламгердің кіндік қаны тамған Жарма ауданында бірқатар мәдени іс-шаралар ұйымдастырылды.
Егемен Қазақстан
12.07.2017 1852
2

Қазақстан Жазушылар Одағының төрағасы Нұрлан Оразалин, жазушының жары Клара Мыңжасарқызы, филология ғылымдарының докторы, профессор Фаузия Оразбаева, Руда Зайкенова, Гүлжаһан Орда, Серікқазы Қорабаев бастаған қонақтар ең әуелі қаламгер туып-өскен, кейін есімі берілген Әди Шәріпов ауылына ат басын тіреп, елдімекен тұрғындарымен кездесті. Келесі күні аудан орталығы Қалбатауда «Қазақ әдебиетінің өзекті мәселелері» атты республикалық ғылыми-теориялық конференция өтіп, Алматыдағы М.Әуезов атындағы әдебиет және өнер институты мен Шәкәрім атындағы Семей мемлекеттік университетінің ғалымдары мазмұнды баяндама жасап, тұлға жайында естеліктерін айтты. «Қасиетті өлке, қазыналы өңір – Жарма ауданында елінің, жерінің даңқын шығарған танымал тұлғалар аз емес. Солардың бірі де бірегейі – әдебиетші ғалым, қаһарман партизан, белгілі жазушы Әди Шәріпов. Әдекеңнің есімі жерлестерінің, ұрпақтарының, халқының жадында мәңгілік сақталады. Жазушының туған ауылы Әди есімімен аталып, аудан орталығындағы бір көшеге аты берілгені жерлестерінің ардақты ұлына деген құрметі деп білеміз. Дара тұлғаның 105 жылдығына орай жазушының рухына тағзым ете келген қадірлі қонақтарымызға, зерттеуші-ғалымдарға алғысымызды білдіреміз», - деді Жарма ауданының әкімі Нұрлан Сыдықов конференцияның ашылу салтанатында сөйлеген сөзінде.

Қазақстан Жазушылар Одағының төрағасы Нұрлан Оразалин қаламгердің шығармашылығы, соңында қалдырған мұралары, азаматтық болмысы, кісілік келбеті жайында ой қозғап: «Әди Шәріпов алаштың ардақтылары Мұхтар Әуезов, Құдайберген Жұбанов, Сәкен Сейфуллиннен дәріс алған, Ілияс Жансүгіровпен бірге еңбек еткен, олардың құнды мұраларын ұрпаққа жеткізе білген көреген жан. Ахмет Байтұрсыновтың «Әдебиет танытқыш», М.Әуезовтің «Қилы заман» сынды еңбектерін көзінің қарашығындай сақтап, елу жыл өткен соң баспаға тапсыруы ерлікпен пара-пар іс» дей келіп, жазушының есімін ұмытпай ұлықтап жатқан жерлестеріне алғысын жеткізді.

Көп жылдан бері қаламгердің шығармашылығын зерттеп жүрген филология ғылымдарының докторы, профессор Гүлжаһан Орда Әди Шәріпов оқу министрлігін басқарған жылдары қазақ тіліндегі білім ордаларын қайта ашуға атсалысып, қазақ тілін өркендету мақсатында мектеп мұғалімдерінің әдістемелік оқу құралы ретінде «Қазақ тілі мен әдебиеті» журналын, «Қазақстан мұғалімі» газетін шығаруға мұрындық болғанын тілге тиек етті. Шара соңында сөз алған жазушының асыл жары Клара Жағыпарқызының әсерлі сөзі жиналған жұртшылықты ойға шомдырып, дара тұлғаның жарқын келбетін бір сәт көз алдарына елестеткендей болды. «Әдекең туған ауылы туралы жиі айтатын еді. Өмірінің соңында қатты науқастанып жатып, туған жеріне алып баруымды өтінді. Өкінішке қарай науқасының ауырлығына әрі дәрігерінің кеңесіне байланысты бұл өтінішін орындай алмадым. Үш күннен соң Әдекең өмірден озды. Мен өзім де өтінішін орындай алмай қалғаныма өкініш білдіріп, кейін «Аяулы Әдекем» атты еңбегімді жаздым. Әди қазақ әдебиетіне келген жастардың болашағына үлкен сеніммен қарап, бағыт-бағдар беріп, ағалық ақыл-кеңесін аяған емес. Бүгінде олардың қазақтың марғасқа ұлдары болып жүргеніне мақтанышпен қараймын. Кеңестік заманда солақай саясаттың зардабын да аз тартқан жоқ, бірақ Тайыр Жароков, Шаһмардан Есенов, Жұмабек Ташенов сынды ел ағалары рухани күш беріп, әркез қасынан табылды. Жазушының 105 жылдығына орай осындай тағылымды кездесу ұйымтастырған Жарма ауданының әкімдігіне, аудан басшысы Нұрлан Бәтташұлына аналық алғысымды айтамын», - деді.

Шара аясында Алматы мен Астанадан, Семейден арнайы келген зиялы қауым өкілдері аудан кітапханасына жазушы жайында жазылған кітаптарын тарту етіп, биыл Жарма өңірінде аудандық деңгейде өткен «Әди оқулары» келешекте республикалық дәрежеде ұйымдастырылса деген ұсыныстарын жеткізді.

Азамат ҚАСЫМ,
«Егемен Қазақстан»

Шығыс Қазақстан облысы,
Жарма ауданы

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу