Жер туралы заң жобасы таныстырылды

Кеше Парламент Мәжілісінде «Қазақстан Рес­пуб­ли­ка­сы­ның кейбір заңнамалық актілеріне жер қа­ты­нас­тарын рет­теу мәселелері бойынша өзгерістер мен то­лық­тырулар ен­гізу туралы» заң жобасы таныстырылды. Елі­мізде өткен жылы құрылып, белсенді жұмыс істеген Жер реформасы бойынша комиссияның атсалысуымен әзірленген аталған заң жобасына қатысты баяндаманы Ауыл шаруашылығы вице-министрі Ерлан Нысанбаев жасады. Ол құжат аясында көзделетін мақсат-мүдделер мен басым бағыттар бойынша айта келіп, депутаттар тарапынан мәлімделген ұсыныс, пікірлер талапқа сай заңға енгізілетіндігін мәлімдеді.
Егемен Қазақстан
14.04.2017 4834
2

Мәжіліс депутаттары мен ел­дегі саяси партиялардың, қо­ғамдық ұйымдардың жә­не ғы­лыми ортаның өкілдері бас қос­қан алқалы жиынға Аграр­лық мәселелер комитетінің мү­ше­­сі Берік Оспанов жетекшілік ет­ті. Ал заң жобасының негізгі мақ­­саты – ауыл шаруашылығы са­­ласының иелігіндегі жерлерді бе­ру­дің айқын тетіктерін бел­гі­леу мен олардың пайдаланылуын реттеуге және жерді пайдалануды бақылауды күшейтуге ба­ғытталған. Бұл жөнінде баян­дамашы заңда көрініс беретін бір­қатар жаңа өзгерістер мен то­лықтыруларға тереңірек тоқ­тал­ды.

«Құжатта қазақ­стан­дық­тар­ға ауыл шаруа­шы­лы­ғы жер­­лерін жалға бе­ру сақ­та­ла­тындығы жә­не Жер ко­дек­сін­дегі тәр­тіп­ке сәй­кес, ауыл ша­­руа­шы­лы­ғ­ын­да­ғы жерлерді бе­ру кон­курс­тық негізде жүзеге асы­ры­ла­тындығы баяндалған. Ауыл шаруашылығы жер­ле­рі­­нің үлкен мөлшерін «бір қол­­ға» беруге жол бермеу мақ­­са­тында, заң жобасымен қа­зақ­стандықтарға жалға бері­ле­тін ауыл шаруашылығы жер­ле­рі­нің ең жоғары мөлшерін ал­­қап­тар бойынша респуб­ли­­ка, облыс және әкімшілік ау­дандар (қалалар) шегінде бел­гілеу қарастырылған. Со­нымен қатар, құжатта мем­ле­кеттік шекараның шекара бел­деуінде және аймағында ауыл шаруашылығы жерлерін бе­ру талаптарын күшейту мә­се­лесі де арқау етілген. Онда шет­ел­діктерге, азаматтығы жоқ адам­дарға, шетелдік заңды тұл­ға­ларға және шетелдіктердің қа­тысуы бар заңды тұлғаларға жер­ді иеленуге шектеу қою көз­деледі», – деді Е.Нысанбаев.

Вице-министрдің ай­ту­ын­ша, егер заң жобасы ма­құл­­да­натын болса, ауыл ша­руа­­­­шы­лығы жерлерін пайда­лану құ­қын беруді шешуде қоғамдық ке­ңестер мен ұй­ы­м­­дардың пікірі ба­сым­дық­қа алынады және мем­ле­кет ауыл ша­руашылығы жер­лерін же­кемен­шікке сатпай­ды, шет­ел­дік­терге бермейді.

Талқылау барысында сөз ал­ған­дар тарапынан құжат маз­мұ­нына қатысты көптеген сын-ескерт­пелер айтылды. Атап айт­­­қан­да, жер көлемін шектеуге қатыс­ты әдістемені қазірдің өзін­­де ай­­қын­дап, заң аясында нақ­ты­­­лау қажеттігі мен кон­ку­рстық не­­­гізде жер берудің шынайы­­лы­ғын қамтамасыз ету те­тік­терін жетілдіру туралы ұсы­ныс білдірілді.

Орайлы сәтте, аталған мә­се­леге қатысты үн қатқан Мә­жі­ліс Төрағасының орынбасары Вла­димир Божко қатысушылар тарапынан айтылған ұсыныс, пі­кірлерді алдағы отырыс­тар­да қоғам арасында ашық тал­қылап, заң жобасын тиімді бап­тармен толықтыруға үндеді. «Тіп­ті, аталған мәселе туралы арнайы баяндама жасаймын деушілер болса, оларға да мінбер ұсынуға дайынбыз», – деді ол.

Нұрлыбек ДОСЫБАЙ,

«Егемен Қазақстан»


– Бұл заң жобасы Мемлекет басшысы Н.Назарбаевтың «Жер заң­на­ма­сының кейбір нормаларын қолдануға мораторий енгізу туралы» 2016 жылғы 6 мамырдағы №248 Жарлығы мен 2016 жылғы 18 тамыздағы №308 Жарлығын орындау үшін әзірленіп отыр. 


Сонымен қатар, алғаш таныстырылып отырған құжатта Жер реформасы бойынша комиссиямен ауыл шаруашылығы мақсатында жалға берілетін жерлердің шекті мөлшерін белгілеу де ұсынылады. Ал ол жергілікті жердегі атқарушы органдардың әзір­леген әдістеме негізіне сүйене отырып жүзеге асы­рылады. Ауыл шаруашылығы жерлерінің ең жоғары мөлшерінің көлемін белгілеу мәселесі де нақтыланған.

Сондай-ақ, бұл заң жобасы жер учаскелерінің мөлшеріне шектеуді белгілеу мен оны тиімді және ұтымды пайдалануды қамтамасыз етуге мүмкіндік береді. Оған қоса, ауыл шаруашылығы жерлерінің мақсатты пайдаланылуына арнайы мониторинг жүргізіліп, мұндай іске қоғамдық кеңестер мен ұйымдардың өкілдері де тартылады. Құжатта жайылымдардың жай-күйін анықтау құқы ауыл тұрғындарының еншісіне жүктеліп, ондай шешім ауылдардағы жайылымдардың жетіспеушілік проблемасын шешуін қамтамасыз етуі тиіс. Ең бастысы, әкімдерге тұрғындардың мал жаюы үшін қажетті жайылымдарды мемлекет мұқтажы ретінде мәжбүрлеп алып қоюға мүмкіндік беріледі.

Берік ОСПАНОВ, Мәжіліс депутаты:


– Заң жобасының алғашқы таныстырылымы болғандықтан, құжаттың кейбір тұстарының ішкі иіріміне тереңірек тоқталып өткім келеді. Талқылауға қатысушылар тарапынан айтылған жерді конкурс арқылы пайдалануға беру жайын таратып айтсам, бұл процестің жүзеге асырылу тетігі былай:

Ең алдымен конкурсты өткізу туралы хабарламаны БАҚ-тарда, әкімдіктердің және Ауыл шаруашылығы министрлігінің ресми интернет-ресурстарында және ақпараттық хабарлама тақталарында жариялау қарастырылады. Мұндай әдіс конкурсқа қатысушыларға тең мүмкіндік береді.

Ал конкурстың жеңімпазын анықтайтын конкурстық комиссияның құрамына жалпы санының 50% құрайтын қоғамдық кеңестер мен «Атамекен» ҰКП ұйымдарының өкілдері қатыстырылады. Сондай-ақ, конкурсқа қатысушылар үшін конкурсқа қатысудың міндетті шарты төмендегідей болып келеді:

– ауыл шаруашылығы өндірісін жүргізудің бизнес-жоспары;

– шаруашылықішілік жерге орналастыру жобасын жасау және игеру бойынша міндеттемелер;

– жергілікті тұрғындарды жұмыс орындарымен қамтамасыз ету бойынша міндеттемелер;

– өңірдің мамандануына сәйкес ауыл шаруашылығы дақылдарының егу алаңдарының құрылымын әртараптандыру бойынша индикативтік көрсеткіштерді орындау міндеттемелері.

Игерілмей жатқан жерлерді ұтымды және тиімді пайдалану мақсатында белгіленген мұндай талаптар бірқатар мәселелерді оңтайлы шешетіндігіне сенімдімін.


Гүлжахан БИМЕНДИНА, 

Жер ресурстарын басқару комитеті төрағасының орынбасары:



– Аталған заң жобасының тұтас жазылып шығуына өз басым бастан-аяқ қатыстым. Бұл құжат Жер реформасы бойынша комиссияның 11 шешімі бойынша дайындалған. Ең алдымен, ерекше атап өткім келетіні, біздің жеріміз бес жылдың ішінде ешкімге сатылмайды. Жекеменшік те болмайды. Екіншіден, тек қана Қазақстан азаматтарына 49 жылға дейін жалға беріледі. Берген күннің өзінде оны Үкімет өз бақылауында ұстайды. Үшіншіден, әр ауылдың аумағында нақты радиустың ішінде жайылым жер ешкімге жалға берілмейді деп нақты жазылған.

Сонымен қатар, шекаралық белдеу және шекара аумағында орналасқан жер телімдерін шетелдіктерге, азаматтығы жоқ адамдар мен шетелдіктердің үлесі бар компанияларға жалға беруге тыйым салынады. Сондай-ақ, шекаралық белдеуде орналасқан ауыл шаруашылығы жерлері жеке меншік тұрмақ, жалға да берілмейді. Ал енді кей өңірлердегі жергілікті халық сол жерлерге мұқтаждығы туса, онда жайылым, шабындық ретінде ғана пайдалануға рұқсат етіледі.


Мұхтар ТАЙЖАН, 

Б.Тайжан атындағы қордың президенті:



СОҢҒЫ ЖАҢАЛЫҚТАР

24.02.2019

UFC: Дамир Исмағұлов жеңіске жетті

24.02.2019

Михаил Кукушкин финалға шықты

24.02.2019

Дюсельдорфта әзірге жүлде жоқ

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу