Жетісуда жұмыс жүйелі жүріп жатыр

Қазақстан Президенті Нұрсұлтан Назарбаевтың тап­сырмасы бойынша Премьер-Министр Бақыт­жан Сағынтаев Мемлекет бас­шысының «Қазақстанның Үшінші жаңғыруы: жаһандық бәсекеге қабілеттілік» Жол­­дауында және «Бола­шаққа бағдар: рухани жаңғыру» бағдарламалық мақаласында қойылған міндеттердің жүзеге асырылу барысымен танысу, сонымен қатар Үкіметтің еліміздің әлеуметтік-эко­номикалық дамуы бойын­ша атқарып жатқан жұ­мыстарын түсіндіру үшін Алматы облысына жұмыс сапарымен барды.
Егемен Қазақстан
02.05.2017 2210
2

Премьер-Министр ауыл ша­руа­­шылығы және индус­трия­лы­қ кәсіпорындарда, инфра­құры­лым­дық нысандарда, білім және медицина мекемелерінде болды. 

Премьер-Министрдің жұмыс кестесіндегі басты шаралардың бірі аймақтағы қоғам өкілдерімен және бизнес-қауымдастықпен кездесу болды.

Бірінші кезекте Бақытжан Сағынтаев Талдықорған қаласын­дағы әуежайдың авиация­лық қауіп­сіздігі қызметінің жұмысын тексеріп, ұшу-қону жолағына, аэровокзал ғимаратына  жүргізілген реконструкциялау мен әуежайдың жаңа авиарейстерді дамыту бойын­ша перспективалары туралы баян­даманы тыңдады. Сонымен қатар, Премьер-Министрге аймақ­тың туристік әлеуетін артты­ру мақ­сатында Үшарал қаласында салынып жатқан аэровокзал құры­лысы туралы баяндалды.  

Қазіргі кезде Талдықорған әуе­жайында жылына 26 мың жолаушыға қызмет көрсетіліп, 600 авиарейс ұшырылады. Әуе айлағының қазіргі аэродромдық мүмкіндіктері Boeing-757, Ил-76, ТУ-134, Челленджер-850, АН-24, ЯК-40 типіндегі ұшақтарды қабыл­дауға мүмкіндік береді.

Талдықорғанның әуе айла­ғы Жетісудың әлеуметтік-эконо­микалық дамуы үшін үлкен маңызға ие. Мемлекет астанасына қатынап жатқан рейстермен қатар, мұнда ел өңірлеріне бағытталған әуе қа­тынастары да даму үстінде. Жа­қын арада Өскемен мен Ресей Фе­дерациясының қалаларына әуе рейстері ашылады. Өңірішілік маңыздағы дамыған бағыттарды есепке ала отырып, жаппай демалыс орындарына – Алакөл көліне  Қазақстанның өзге облыстары мен көрші елдерден туристердің көптеп келуіне мүмкіндік береді.

Сондай-ақ, Премьер-Министр Бақытжан Сағынтаев АӨК-ті дамыту бағдарламасының жүзеге асырылуымен және инновациялық технологияларды қолданатын шаруа қожалықтарының жұмысымен танысты.

Облыс әкімінің орынбасары Серікжан Бескемпіров облыстағы АӨК-ті  және қант қызылшасын, суармалы егіншілікті дамыту, сонымен қатар, сервистік-дайындау цехтарын құру бойынша қолға алынып жатқан шаралар туралы баяндады.

«Нам Г.Н.» шаруа қожалы­ғы­ның үлгісінде Бақытжан Сағын­таевқа суармалы егіншілікте жаңа технологиялардың қолда­нылуы туралы әңгімелеп берді. Бұл шаруа­шылықтағы суармалы жер көлемі 75 га, оның ішінде 25 га жерде қант қызылшасы, 30 гектарға картоп өсіріледі, қалған жерлерге соя және күздік бидай егіледі. 20-ға жуық жұмыс орындары құрылған.

Аймақта алғаш рет 10 га қы­зылша өсіру аумағында тамшылатып суарудың израильдік технологиясы эксперимент түрінде қолға алынады. Диқандар осылайша қызылша түсімінің артуы­на қол жеткізеді, ол аталған шаруа­шылықта аймақ бойынша орташа деңгейден жоғары және жылына 600 центнерді құрайды.  

Алматы облысында қант қы­зылшасын өңдейтін Жетісу­дағы аса ірі Ақсу зауыты іске қосыл­ған. 2017 жылы аймақта қант қы­зылшасы егілетін аумақты 9 мың гектарға дейін арттырып, 30 мың тонна қант алу жоспарланып отыр. Бұл облыс халқын 84%-ға өз қантымен қамтамасыз етуге және импортқа тәуелділікті төмендетуге мүмкіндік береді, сол сияқты 2017-2020 жыл­дарға арналған АӨК дамытудың мем­лекеттік бағдарламасының міндет­теріне сай келеді.  

Облыста 2017 жылы АӨК дамыту мемлекеттік бағдарламасын жүзеге асыру үшін 33,6 млрд теңге көлеміндегі бюджет қаражаты қарас­тырыл­ған, оның ішінде субсидия көлемі – 24,9 млрд теңге. Биыл 111 ауылшаруашылық коопе­ративтерін құру жоспарланып отыр.

Бақыт­жан Сағынтаев Алматы облысына жұмыс сапары кезінде өңір жұртшылығымен облысты одан әрі әлеуметтік-экономикалық дамыту, сонымен қатар, Мемлекет басшысының «Қазақстанның Үшінші жаңғыруы: жаһандық бә­секеге қабілеттілік» атты Жол­дауы мен «Болашаққа бағдар: қо­ғам­дық сананы жаңғырту» бағ­дар­ламалық мақаласында алға қойған міндеттерін іске асыру мә­селелері жөнінде кездесу өткізді.

Қатысушылар кездесу аясында өңірді дамытудың өзекті мә­селелерін талқылады, солардың ішінде: кәсіпкерлікке, денсаулық сақтау мен білім беру саласына қолдау көрсету, жұмыспен қамту, тұрғын үй құрылысы, сон­дай-ақ, облыс жұртшылығын толған­дыратын өзге де мәселе­лерді тал­қылады.

Премьер-Министр өңір жұрт­шылығымен кездесуде Үшінші жаңғыртудың табысты болуы тек материалдық-техникалық ресурс­тарға емес, бірінші кезекте,  адами капиталға байланысты екенін атап өтті. Сондықтан жаңа жұмыс орындарын құрып, мамандарды оқыту мен қайта оқытуға ерекше назар аудару қажет.  Таяу болашақта өңірде оңдаған жаңа кәсіпорындар пайда болады, осы себепті, жергілікті билікке кадрларды қазірден бастап дайындай беру керек.   Кездесу барысында Б.Сағынтаев Үкіметтің әрі қарай да бизнес-ахуалды жақсар­тып, кәсіпкерлерге қаржылай және заңнамалық тұрғыдан қолдау көр­сетіле беретініне екпін түсірді.  

Кеңес барысында Алматы облысының әкімі А.Баталов, Еңбек және халықты әлеуметтік қорғау министрі Т.Дүйсенова, Денсаулық сақтау министрі Е.Біртанов, Білім және ғылым министрі Е.Са­ғадиев, Инвестициялар және даму министрі Ж.Қасымбек және Ауыл шаруашылығы бірінші вице-министрі Қ.Айтуғанов сөз сөйледі.

Сондай-ақ, кездесуде облыс­тық Ардагерлер кеңесінің төр­ағасы Е.Келемсейіт, «Лукойл Лубрикантс Орталық Азия» ЖШС бас директоры А.Матюков, І.Жансүгіров атындағы ЖМУ студенті А.Оразалы, «Ескелді» ӨК басшысы С.Сариев, Облыс­тық қоғамдық келісім кеңесінің төр­ағасы О.Жақиянов, «Нүсіпов және К» ЖШС директоры Қ.Нүсіпов, Іле ауданының М.Мақатаев атын­дағы №13 орта мектебінің директоры Ғ.Нәдірбекова, «Огни Алатау» облыстық газетінің бас редакторы А.Идигов сөз сөйлеп, сұрақтар қойды.

Мемлекет басшысының тапсырмасына орай, ел Үкіметі өндірісті әртараптандыру, жаң­ғырту, экспорт көлемін ұлғайту және инвестициялар тартудан тұратын экономикалық өсім­нің жаңа үлгісіне ауысудың кешендік жұмыстарын жүргізуде. Осының бәрі ел экономикасының өсімін жыл соңына қарай 5-6% деңгейінде қамтамасыз етуге мүмкіндік береді деп жоспар­лан­ған.

Үкімет аталған көрсеткіштерге қол жеткізу үшін өз жұмысын бес бағытқа жұмылдырады, олар: жаппай кәсіпкерлікті дамыту, өнімді жұмыспен қамту мен қаржылық тұрақтылықты қамтамасыз ету, цифрлы экономика мен салалық жобаларды дамыту.

Үкімет жұмысындағы ма­ңызды бағыттардың бірі – құры­лыс секторын дамыту. Соған орай Мемлекет басшысының тапсырмасы бойынша биылғы жылдан бастап «Нұрлы жер» бағдарламасын жүзеге асыру жұмыстары қолға алынды, оның аясында таяу 15 жылдың ішінде 1,5 млн отбасын тұрғын үймен қамтамасыз ету көзделген. Сондай-ақ, аграрлық секторды дамытуға да ерекше көңіл бөлінеді, бұл сала Президент Н.Назарбаевтың тапсырмасына сәйкес экономиканың жаңа драйверіне айналуы тиіс.

Үкіметтің алдында тағы да бір маңызды міндет – еңбек нарығын жаңғырту мәселесі тұр. Ол өндірістің барлық түріне заманауи технология­ларды енгізуге негізделеді. Бұдан өзге, Президент Н.Назарбаевтың тап­сырмасы бойын­ша тегін кә­сіби-техникалық білім беру бағ­дарламасы қабылданды, ол жаңа кәсіпорындарды білікті мамандармен қамтамасыз етуге мүмкіндік береді.

Сонымен қатар, қазіргі таңда Қазақстанда цифрландыру мен ақпараттандыру қағидаларына негізделген, денсаулық сақтау мен білім берудің жаңа жүйелерін қалыптастырудың кешенді жұ­мыстары жүргізілуде.

Барлық алға қойылған мін­деттерді іске асыру үшін Үкі­меттің, азаматтық қоғам­дас­тық­тың ұйымдасқан жұмысы қа­жет. Сондай-ақ, Алматы облысы тұр­ғындарының Мемлекет басшы­сының «Қазақстанның Үшінші жаңғыруы: жаһандық бәсе­кеге қабілеттілік» атты Жол­дауы мен «Болашаққа бағдар: қоғамдық сананы жаңғырту» бағ­дар­ла­малық мақаласында алға қойған міндеттерін іске асыру мә­селесінде белсенді болуы маңызды.

Кеңес қорытындысы бойынша Б.Сағынтаев жауапты мемлекеттік органдарға және облыс әкімдігіне көтерілген барлық мәселелердің шешімін бақылауға алуды тапсырды.

Нұрбол Әлдібаев, 

«Егемен Қазақстан»

Алматы облысы



СОҢҒЫ ЖАҢАЛЫҚТАР

16.01.2019

Жас мамандар Балқашқа келіп, баспаналы болды

16.01.2019

Дәрі-дәрмек бағасы реттеледі

16.01.2019

Медициналық туризмді дамытуға үлес қоспақ

16.01.2019

Енді дәрігер «қағазсыз» емдейді

16.01.2019

Саланы ілгерілетудің соны мүмкіндіктері

16.01.2019

Түркістанның (Шауғар, Ясы) ортағасырлық кемеңгер перзенттері жайлы жаңа деректер

16.01.2019

Ескі тарихтың жаңаша жазылуы

16.01.2019

Нөмір сатудан 4 миллиард теңге табыс түсті

16.01.2019

Bas paıda algorıtmi

16.01.2019

Электронды қызмет – заманауи міндет

16.01.2019

Өмірдегі орны бөлек еді

16.01.2019

Қазақстанда баспасөздің міндеті

16.01.2019

Шыңғыс Айтматов. Эйфельдейін мұнараның маңында...

16.01.2019

Бағалы металдар нарығы: Инвестиция салғандар өкінбейді

16.01.2019

Теңге бағамының тұрақтылығы сақтала ма?

16.01.2019

Дуал дауы саяси текетіреске ұласты

15.01.2019

Елімізде бала асырап алу жөніндегі ұлттық агенттік құрылады

15.01.2019

Македония бұдан былай екі тілді мемлекет

15.01.2019

Астанада алғашқы медициналық-санитарлық көмек көрсетушілер саны ұлғаяды

15.01.2019

Жер үшін жетпіс мың арызды арқалаған Ақтау

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

Қарашаш ТОҚСАНБАЙ, «Егемен Қазақстан»

Ataý men aqaý

Dúken, meıramhana, qonaq úı, shashtaraz, sulýlyq, sán salondary, basqa da túrli nysandardyń ataýy mańdaıshaǵa japsyryla salǵan jáı ǵana jazý emes, ulttyq bolmysymyzdy, ulttyq rýhymyzdy, qoǵamdyq sanany qalyptastyratyn, tárbıelik máni zor mańyzdy faktor sanalady. Solaı degenmen ókinishke qaraı, bul qurǵyryń túbiri sýyrylmaı qalyp qoıatyn aramshópti qansha otaǵanyńmen qaıta-qaıta qaýlap shyǵa beretini sıaqty áli kúnge deıin sheshimin tappaǵan túıini kóp túıtkildiń birine aınalyp otyr.

ҰҚСАС ЖАҢАЛЫҚТАР

Тағы да оқу

Пікір қосу