Жезқазғандық театр әртістері құрметке бөленді

Жезқазғандағы Серке Қожамқұлов атындағы қазақ музыкалық-драма театрында Халықаралық театр күніне арналған салтанатты кеш өтті. Оған қала әкімі Батырлан Ахметов, Қарағанды облысы мәдениет, архивтер және құжаттама басқармасының басшысы Еркебұлан Ағымбаев, сахна ардагерлері Жомарт Әбілтаев, Кеңес Жұмабеков арнайы қатысып, театр ұжымын кәсіби мерекемен құттықтады. Жергілікті меценат Бекзат Алтынбеков театрдың бірнеше әртісін қомақты сыйақымен марапаттады.
Егемен Қазақстан
29.03.2017 6533
2

Кәсіби мерекеге арналған кеш театр өнерінің қыр-сырын ашатын сахналық қойылыммен басталды. Сахнада трагедия, комедия, драма жанрларының сыр-сипаты түсіндіріліп, У. Шекспирдің «Гамлет», Н. Гогольдің «Ревизор», К. Әбдірахманның «Кетбұқа» спектакльдерінен көріністер қойылды. Артынша кеш жүргізушілері сахнаға аты республикаға мәшһүр маңдайалды театрдың ардагерлері Қазақстан Республикасының Халық әртісі, Қазақстан Республикасының Еңбек сіңірген қайраткері, «Құрмет белгісі» орденінің иегері Досжан Жанботаев, «Құрмет» орденінің иегері Райхан Ибраева бастаған сахна майталмандарын шақырды. Сахна саңлақтарын қала әкімі Батырлан Ахметов кәсіби мерекемен құттықтады.

– 1972 жылы құрылып, атақты Мұхтар Әуезовтың «Айман-Шолпан» драмасымен шымылдығын ашқан Серке театры – елімізде өзіндік орны бар киелі қарашаңырақ, біздің мақтанышымыз. Сіздер осындай қасиеті жоғары шаңырақтың астында халыққа қызмет етіп келесіздер. Жарты ғасырға жуық уақыт бойы көрермендеріне рухани нәр сыйлаумен қатар, зор жетістіктер мен толайым табыстарға қол жеткізіп келеді. Оның барлығын тізіп айту міндет емес, себебі көзі қарақты көрермен сіздердің барлық жетістіктеріңізбен таныс, әрі соған тілектес, - деген Батырлан Дүйсенбайұлы өлкедегі театр өнері қарашаңырағының ұжымына шығармашылық табыстар тіледі. Қала басшысы ҚР Еңбек сіңірген қайраткері Серік Бұлғақбаевқа, Мәдениет саласының үздігі Сәбира Бекайдароваға, ҚР Мәдениет қайраткері, қуыршақ труппасының режиссері Шәріп Ұзақовқа, театр әртісі Жәнібек Арыстанбековке Жезқазған қаласының құрмет грамотасын табыстады. 

Қала басшысынан соң сөз алған қалалық мәслихат депутаты, кәсіпкер, меценат Бекзат Алтынбеков Қазақстанның еңбек сіңірген қайраткері, ҚР халық әртісі, театр тарланы Досжан Жанботаев атындағы құны 80 мың теңге болатын сыйақымен Ерке Байдешевті, 60 мың теңге көлеміндегі ҚР Еңбек сіңірген қайраткері, сахна тарланы Серік Бұлғақбаев атындағы сыйақымен Жасұлан Түсіпбековті, «Құрмет» орденінің иегері Райхан Ибраева атындағы сыйақымен Бәтима Әлкенованы марапаттады. Театр әртістері Жәнібек Арыстанбеков, Ардақ Жарқынбеков, Мәди Шәденов, Нұржан Бейісбеков Қарағанды облыстық мәдениет, архивтер және құжаттама басқармасы басшысы Еркебұлан Ағымбаев қолынан құрмет грамоталарын алды. Қожамқұловтықтарды Қарағандыдан арнайы келген, облыстық С. Сейфуллин атындағы драма театры мен Кеншілер театрының ардагерлері Жомарт Әбілтаев, Кеңес Жұмабеков құттықтап, өнер мен руханиятқа қолдау көрсетіп отырған қала жұртшылығы мен басшылығына алғыстарын айтты. 

Сондай-ақ, кәсіби мерекемен өнер ұжымын «Нұр Отан» партиясы Жезқазған қалалық филиалы төрағасының бірінші орынбасары Гүлмира Қаженова, Мәдениет, спорт және ақпарат қызметкерлері салалық кәсіподағы Қарағанды облыстық филиалының жетекшісі Сәбира Бекайдарова, Жезқазған тарихи-археологиялық музейінің басшысы Раушан Қапарова, қалалық «Қазақ тілі» қоғамының төрағасы Мейрамкүл Жолдасбекқызы, Жезқазған музыкалық колледжінің басшысы Жұмат Аманбеков, басқа да мекеме, ұжым басшылары, кәсіпкерлер құттықтап, сый-сыяпат жасады. 

Мерекелік кеш Елордадан арнайы келген өнер жұлдыздары Қайыргелді Омарбек, Мақпал Омарова, Қарлығаш Аббасова, Берік Ержановтың ән шашуына ұласты. Мерекелік кешке жиналған қауым салтанатты шарада асқан кәсібиліктің куәсі болып, көтеріңкі көңіл-күймен тарқасты.  

Дархан Мұқан

Қарағанды облысы 

Жезқазған

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу