Жол салсаң, мол сал

Санаулы күндерден кейін әлемдік деңгейдегі айтулы шаралардың бірі – ЭКСПО-2017 Халықаралық көр­ме­сінің де жалауы желбіремек. Яғ­ни, бас қала ел айнасы болса, жол-кө­лік инфрақұрылымы оның беделін арт­тыратын бренді болып табылады. Мемлекет басшысының елорданы одан әрі өркендету мәселесінде қа­ла­ның базалық инфрақұрылымын, оның ішінде қала жолдары мен жол ай­рықтарын барынша дамытуға үнемі ба­сымдық беріп келе жатқандығы да сон­дықтан.
Егемен Қазақстан
28.04.2017 3693
2

Бұл ретте бас қаламызда соңғы жылдары көше жолдарын күрделі жөндеуден өткізу және жаңа автокөлік жолдарын салу мәселесі біршама оңтайлы шешім тауып келе жатқанын атап айтқан жөн. Соңғы бес-алты жыл көлемінде қала аумағында жол құрылысын жетілдіру бойынша аса ірі жұмыстар атқарылды. Астана қаласының автокөлік жолдары басқармасының хабарлауынша, бүгінгі күні қаланың көше және жол-көлік жүйесі 953 көшеден тұрады, оның жалпы ұзындығы 1049 шақырымды құрайды. Оның ішінде, асфальт-бетон жабуы бар жолдар – 803 шақырым (76,5 пайыз), қатты жабуы жоқ жолдар 246 шақырым (23,5 пайыз). Инженерлік инфрақұрылым нысандарына 8 жолайрық, 17 автокөлік көпірі, 4 жаяу жүргінші көпірі, 9 жол өткелі кіреді. 

Қаланың шеткі аудандарын дамыту аясында тек 2011-2017 жылдар аралығында ғана 101 шақырым жол және 275 шақырым инженерлік желі салынып, пайдалануға берілді. Күйгенжар, Қазақауыл, Пригородный, Қараөткел, Заречный және Промышленный тұрғын алаптарында жол салу жұмыстары аяқталды. Өткен жылы ұзындығы 41 шақырымды құрайтын 57 көшеде орташа жөндеу жұмыстары жүргізілді. Ал 275 көшеде ағымдағы жөндеу жұ­мыс­тары, атап айтқанда, 68 көшеде ба­ғ­дар­лық әдіспен жөндеу, 207 көшеде шұ­ң­қыр­ларды жөндеу жұмыстары жүргізілді. Үс­тіміздегі жылы 6 шақырым жаңа жол құрылысын, 32 шақырым инженерлік желілердің құрылысын салу жұмысы аяқталмақ.

Соңғы уақытта елордамыздың жол-кө­лік инфрақұрылымын жаңғырту мақ­сатында бірқатар маңызды жобалар іс­ке асырылды. Атап айтқанда, «Астана LRT» ЖШС 2014 жылы ITS жобасын пайдалануға ұсынды. ITS жобасы бірнеше кіші жобалық жүйеден тұрады. Олар: бағдаршам нысандарын бейімдеп басқару; жүргізушілерді хабардар ету жүйесі; қоғамдық көлікті диспетчерлік қызметпен қамтамасыз ету жүйесі; жол жүру ақысын төлеудің электронды жүйесі; қаланың автотұрақ кеңістігін ба­қылау жобасы; жол қиылыстарын бейнебақылау жүйесі. ITS жобасы бас қаламыздағы 6 көшедегі 42 реттелетін жол қиылысын автоматты басқаруды жүзеге асырды. Осы жобаны пайдалану нәтижесінде бұл көшелер қиылысының өт­кізу қабілеті мен көлік ағымдарының қоз­ғалыс жылдамдығын орта есеппен 21 пай­ызға дейін арттыруға қол жеткізілді.

«Астана қаласының автотұрақ кеңіс­ті­гін бақылау» жобасының басты мақсаты қаламызда көліктерді тұраққа қоюдың өскелең мәдениетін қалыптастыру болып табылады. Жасыратыны жоқ, қала көшелерінде қалай болса, солай тұраққа қойылған автокөліктерден аяқ алып жүре алмайсыз. Бұл келеңсіздіктер кө­шеде автокөліктердің жүріп-тұруын қи­ын­датып, жол қауіпсіздігі ережесінің өрес­кел бұзылуына әкеліп соғады. «Ас­тана қаласының автотұрақ кеңістігін ба­қылау» жобасы екі кезеңмен жүзеге асы­рылуда. Бірінші, кезеңде Нұрлы жол бульварында 910 автотұрақ орны қал­ып­тастырылса, өткен жылдың соңына дей­ін қаламызда 9 мың ақылы автотұрақ орны іске қосылды. Түйіндей айтсақ, бұл заманауи жобалардың басты мақсаты – көшелердегі көлік кептелістерін жойып, қала аумағында кедергісіз көлік қа­тынасын қалыптастырып, жол-кө­лік қыз­метінің сапасын арттыруда аста­на­лық­тардың жоғары мәдениетін қалып­тас­тыру болып отыр.

Қазіргі таңда А. Байтұрсынов атын­да­ғы және Ж. Нәжімеденов атындағы кө­шелерде Тәуелсіздік даңғылынан жаңа вокзалға дейін ұзындығы 4,7 шақырымға созылған 6 жолақты жол салынып жатыр. Бұл жаңа жолдың есептік өткізу қабілеті 5,5 мың автокөлікті құрайды. Жаңа вокзалдың алдындағы А82 көшесінде және вокзалдың артындағы А62 көшесінде жолаушыларға барынша ыңғайлы абаттан­дыру жұмыстары жүргізілуде. Көлік стратегиясының тиімділігі тек жол-көлік инфрақұрылымын дамытумен ғана шектелмесе керек. Бұл орайда, қала көшелеріндегі қоғамдық көлік қатынасының және жолаушыларға көр­сетілетін қызмет сапасының да айрықша маңызы бар екендігі даусыз. Осыған орай, қаламыздағы қоғамдық көлік қатынасын жақсарту және жолаушыларға барынша тиімді де сапалы қызмет көрсету жайы барған сайын жүйелі түрде жетілдіріліп келеді. ЭКСПО-2017 Халықаралық ма­ман­­дандырылған көрмесін өткізу кезінде елі­міздің барлық өңірлерінен келетін жо­лаушылар автобусының тасқыны арта­ды деп күтілуде. Алдын ала жасалған ке­с­те бойынша, бұл кезеңде қаламызға күн сайын 118 жолаушылар автобусы келмек. Жолаушыларға қолайлы жа­ғдай жасау және олардың қауіпсіздігін қам­тамасыз ету үшін қалааралық тасымал жүйесіне төрт көліктік хаб арқылы қыз­мет көрсетілетін болады. Бұл хабтарда (са­пар­жайларда) жолаушыларға жоғары дә­режедегі қызмет көрсетіліп, барынша қо­лайлы жағдай жасалмақ.


СОҢҒЫ ЖАҢАЛЫҚТАР

16.01.2019

Сыртқы істер министрлігіне жаңа вице-министр тағайындалды

16.01.2019

Елімізде әлеуметтік кәсіпкерліктің дамуына қолдау көрсетеді

16.01.2019

Қазақстандықтар азық-түлікке қанша жұмсайды

16.01.2019

Зәуреш Ақашева: үстел теннисінен Ресей суперлигасы үлкен тәжірибе сыйлады

16.01.2019

Биатлоннан Қазақстан кубогі: екінші жарыс күнінің нәтижесі

16.01.2019

Әзербайжан мен Армения Сыртқы істер министрлері кездесті

16.01.2019

«Татулық» орталығының пайдасын дауласқандар көреді

16.01.2019

Атыраулық кәсіпкерлерді не алаңдатады?

16.01.2019

Соңғы технологиялар темекімен күресте жеңіп шықты

16.01.2019

Салықтық рақымшылықты жүргізуді қарастыратын Заң күшіне енді

16.01.2019

Сақтағанның жұмыртқалары лайкқа зәру емес

16.01.2019

Ресей, Иран, Әзербайжан үшжақты саммитке дайындалып жатыр

16.01.2019

Асқар Мамин Түркістандағы құрылыс жұмыстарымен танысты

16.01.2019

Бақтияр Зайнутдинов «Ростов» сапында алғашқы ойынын өткізді

16.01.2019

ШҚО Риддер қаласында «Көшбасшы болғың келе ме?» атты шара өткізілді

16.01.2019

Алматыда сымбатты ескерткіш орнатылды

16.01.2019

Алматыда аудармашылар мен авторлар кездесті

16.01.2019

Жанкүйерлер «Астана Опера» балет труппасын Нұрсұлтан Назарбаев әуежайында қарсы алды

16.01.2019

Депутат «Астана-Арена» стадионындағы кемшіліктерді атап көрсетті

16.01.2019

Ең белсенді салық төлеуші 126 084 түбіртек жіберген

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

Қарашаш ТОҚСАНБАЙ, «Егемен Қазақстан»

Ataý men aqaý

Dúken, meıramhana, qonaq úı, shashtaraz, sulýlyq, sán salondary, basqa da túrli nysandardyń ataýy mańdaıshaǵa japsyryla salǵan jáı ǵana jazý emes, ulttyq bolmysymyzdy, ulttyq rýhymyzdy, qoǵamdyq sanany qalyptastyratyn, tárbıelik máni zor mańyzdy faktor sanalady. Solaı degenmen ókinishke qaraı, bul qurǵyryń túbiri sýyrylmaı qalyp qoıatyn aramshópti qansha otaǵanyńmen qaıta-qaıta qaýlap shyǵa beretini sıaqty áli kúnge deıin sheshimin tappaǵan túıini kóp túıtkildiń birine aınalyp otyr.

ҰҚСАС ЖАҢАЛЫҚТАР

Тағы да оқу

Пікір қосу