Жылыжай көлемі 300 гектарға ұлғайтылады

Елбасы 2020 жылға дейін шағын және орта кәсіппен айналы­сатын кәсіпкерлерді елу па­йыз­ға дейін жеткізу жөнінде Үкі­метке тапсырма берді.
Егемен Қазақстан
27.03.2017 2390
2

Орындалмайтын шаруа емес. Қолы қимылдаса аузы да қимылдайтынын халық та ұғып қалды. Жеке кәсібін ашып, жұ­мыс жүргізуге ынталы­лар көп. Алайда, әлі шешімін тап­паған қиындықтар да жоқ емес.

Жақында Қазығұрт ауданына жолымыз түскен. Сарыағашпен қоңсы қонған ауданда жылыжай өндірісі өркен жайып келеді. Алайда, ауыл, ауданда жылыжайда өсі­ріле­тін дақылдардың жай-күйін біле­тін мамандар қасқалдақтың қанын­дай қат болғандықтан көбіне Өзбекстан азаматтарын жалдап амалдайды.

«Қазығұрт Нұры» серіктес­тігі­нің басшысы Аманжол Әшір­баев «Маман мәселесінде қиын­дық жоқ. Ауылдың он шақ­ты азаматы жылыжайда жұмыс жасап жатыр. Амандық болса, үш-төрт жылда олар жылыжайда жұмыс жасаудың бар құпиясын үйренеді деп отырмыз. Сыртқа жалтақтағанша өз мамандарымыз жетілуі керек. Бізді қинайтыны жеңілдетілген несие­нің жайы. Тағы да екі гек­тар жерде жылыжай ашуға ниетім бар. Бірақ, алдын ала есептеулер бойынша оған 80-90 млн теңге керек. Ал оны алу қиямет-қайым бо­лып тұр», деп еді. Бұл бір шаруа­ның басындағы жағдай. Мұндай тығырықтан қалай шығуға болады?

Бұдан Қазығұрт аудандық ауыл шаруашылығы және жер қатынастары бөлімінің басшысы Сәбит Әлсейітов жылыжай кооперациясын құру арқылы шығуға болатындығын айтады.

– Кооперацияның заңы бо­йынша мүшелері жиырма адамнан кем болмауы керек, – дейді ол. – Мүшелікке бұрынғы бар жы­лы­жай иелері мен жаңа­дан салуға ниеттілерін қосамыз. Сонда жеңілдетілген несиеден бастап жылыжайға бар керекке қолымыз жетеді.

Оңтүстік Қазақстан облысы мемлекеттік дотациямен жыр­тығын жамап отырған аймақ. Сондықтан, шағын және орта кәсіпті өркендетуге облыс бас­шы­сының өзі мүдделі.

Облыста көктемгі дала жұ­мыс­тарына дайындықты тағы бір електен өткізгенде осы мәсе­ле селекторлық кеңесте тағы да пысықталды. Онда баяндама жаса­ған облыстық ауыл шаруа­шы­лығы басқармасының басшысы Серік Тұрбеков егіс көлемін, суармалы жерлерді ұлғайту, интенсивті бау, жаңғақ, жүзім шаруашылығын дамыту, шағын мал бордақылау алаңдары мен сүт фермаларын, құс, балық шаруашылықтарын дамыту бойынша индикаторлар аудан, қала әкімдіктерімен келісіліп бекітілгендігін айтты.

Облыста биыл 792,3 мың гек­тарға ауылшаруашылық дақыл­дары егілетін болады. Бұл өткен жылмен салыстырғанда 3,7 мың гектарға артық. Сондай-ақ, 1500 гектарға интенсивті бау, жүзім, жаңғақ отырғызылмақ. Жы­лы­жай көлемі 300 гектарға ұлға­йып, тамшылатып суару әдісі 7,2 мың гектар алқапта қол­даны­­латын болады.

Басқарма басшысының баяндамасын тыңдаған облыс әкімі көктемгі егіс жұмыстарына дайындық қағаз жүзінде болмауын ескертіп, жылыжайлар көлемін ұлғайтуды тапсырды.

– Біз күзде мол өнім алу үшін, бүгінгі дайындық жұмысы жо­ғары деңгейде болуы қажет. Бар­лық аудан, қала әкімдері мен ауыл шаруашылығы бөлім­дерінің басшыларына өндірістік жылыжайлардың көлемін көбей­ту­ді тапсырамын. Межелі 300 гек­тарға жеткізу жұмыстары жүйе­лі түрде атқарылуы тиіс. Ондағы мақсат – елімізді ерте көктемгі көкөніспен қамтамасыз ету. Бұл бағыттағы жұмыстар менің жеке бақылауымда болады, – деді Жансейіт Түймебаев.

Бүгінге дейін облыста барлық жылы­жайлар көлемі 1123,1 гек­тар­ды құрап, республикадағы үле­сі 87 пайызға жетіп отыр. Оның ішінде өнеркәсіптік жы­лы­жайлар көлемі 67,7 гектарды құрайды.

Биыл облыста мал шаруа­шы­лығы бойынша 45 сүт қабыл­дау бекетін, 16 мал сою пунктін, 10 құс шаруа­шылығы кооперативін, 5 565 бордақылау алаңын құру жос­­пар­­ланып отыр. Бұдан бөлек, 111 сүт қабылдау бекеті, 56 мал сою алаңы, 33 құс шаруашылығы коо­пе­ративтерін құру жоспарда бар. Сондай-ақ, биыл өңірде 12 796 бас мал бордақылай­тын алаң құрылатын болады. Жалпы, ауылшаруашылық тауар өндірушілеріне субсидияның 41 түрі бойынша қолдау көрсетіледі. Бес гектардан көп алма бағына, апорт сортына 7 жыл көлемінде қолдау көрсетілетін болады. Тұқым шаруашылығын дамыту бойынша отандық тұқымдар мен көшеттердің 70 пайызы, шетелдік тұқымдардың 30 пайызы көлемінде субсидия берілмек. Был­тырғыдан ерекшелігі 1 гек­тарға пайдаланылатын тұқым толы­ғымен субсидияланады.

Минералды тыңайтқыштар бойынша отандық және шетелдік минералды тыңайтқыштардың нарықтық құнының ең төменгі түрі бойынша 50 пайызына дейін субсидияланады және былтырғы тұқым пайдалану нормасы шектеуі алынып тасталды.

Шаруаларға өз қожалығын жүргізу барысында қаржылық қиын­дықтар қолбайлау болатын­дығын айттық. Олар өз аудан, қалаларындағы несие серік­тес­тіктерімен жұмыс жасағанымен қаржы көп керек жағдайда екін­ші деңгейдегі банктердің көме­гі­не жүгінуге мәжбүр болады.

Жақында «Даму» кәсіпкер­лікті дамыту қоры» АҚ-тың бас­қарма төрағасы Абай Сар­құлов­пен кездесуде облыс әкі­мі Жансейіт Түймебаев ор­тақ мәселелерді ақылдасып отырып шешудің жолын айтты. Басқосуда «Оңтүстік өнімі» бағдар­ламасы талқыланды. Бұры­ны­рақта Оңтүстік Қазақ­стан облысының әкімдігі мен «Даму» кәсіпкерлікті дамыту қорының арасында шағын және орта кәсіпкерлікті қолдауға бағытталған ортақ меморандум түзіліп, келісім негізінде қос тарап 500 млн теңгеден жал­пы соммасы 1 млрд теңгені Шым­кент­тегі 4 банктің есебіне аудар­ған еді. Алайда, 8,5 пайызбен берілетін қаржыны үлестіру ісінде қиыншылықтар кездесті. Атап айтқанда, аймақтық үйлестіру кеңесінің сараптауынан өткен кәсіпкерлер ғана атал­ған несиеге қол жеткізе алады. Шарт бойынша осыған дейін жеңілдетілген несиені индус­триялық аумақта өнім өндіретін белгілі бір кәсіппен айналысатын кәсіпорындар ғана алуға мүмкіндік жасалған болатын. Жиында екінші деңгейлі банк басшыларына несие берудің шарттарына өзгертулер мен толықтырулар енгізу ұсынылды. Әйтпесе, отандық тауар өндіру­шілер несиелік қаржыға қол жеткізе алмайды.

«Оңтүстік өнімі» бағдарла­масы кәсіпкерлердің жеңілде­тіл­ген несиеге қол жеткізуін қамта­ма­сыз етуі тиіс. Несие алуға ниет білдірген кәсіпкерлер тізімін кеңейту керек. Бұл ретте екінші деңгейлі банктерге басымдық беріліп отыр. Сондықтан несие беру шарттарын жеңілдеткен дұрыс», деді облыс басшысы.

Әрине, бір басқосуда бар­лық мәселелер шешіледі деп айту қиын. Екінші деңгейдегі банктер­дің тұтынушыға қоятын өз талаптары, сыйақы мөлшері бар. Осы мәселелер толық шешімін тапқан жағдайда шаруаға несие алу мәселесі біршама реттеледі.

«Көктемнің әр күні жылға азық» дейді халық даналығы. Ша­руа­­ларға «ананы ек, мынаны ек, мол пайдаға кенелесің» деп ауызбен айтуға ғана оңай. Көк­тем ерте шығып жеміс гүлдеп тұр­ғанда аяқ астынан ауа райы бұзы­лып, үскірік ұратын уақыттар бо­лып тұрады. Жер қатқаққа айналып, мақта шитін бірнеше бұзып еккенде шаруалар қиналғанда, бұл мә­селеге Үкімет басшысының өзі келіп жәрдем бергенін білеміз. Сон­дықтан да, шет елде алдын ала сақтандыру мәселесі қолға алынады. Бұған біздің шаруалар барып жа­тыр. Жыл он екі ай пайдаға шы­ғуға жылыжайдың мүмкіндігі үл­кен. Сондықтан да оңтүстікте жылы­жайдың көлемін барынша арт­тыруға көңіл бөлініп келеді.

Бақтияр ТАЙЖАН, «Егемен Қазақстан»

Оңтүстік Қазақстан облысы


СОҢҒЫ ЖАҢАЛЫҚТАР

20.02.2019

Елбасы Сауд Арабиясының Королімен телефон арқылы сөйлесті

20.02.2019

Елбасы «Самұрық-Қазына» акционерлік қоғамы басқармасының төрағасы Ахметжан Есімовті қабылдады

20.02.2019

Жас журналистер клубы құрылды

20.02.2019

Алексей Луценко тағы да топ жарды

20.02.2019

«Амурға» әліміз жетпеді

20.02.2019

Асанәлі Әшімов: «Театрды ашудағы мақсатым – талантты жастарды қолдау»

20.02.2019

Бақыт Сұлтанов автобус паркін жаңарту жоспарлары туралы айтып берді

20.02.2019

Қарағанды облысында 2 күнде 41 жол-көлік оқиғасы тіркелді

20.02.2019

Бейсенбі күні Қостанай облысы мен СҚО-да дауылды ескерту жарияланды

20.02.2019

Тілсіз жаудан зардап шеккен отбасыға тәртіп сақшылары көмектесті

20.02.2019

Ақмола облысының 5 ауданында «Еnglish for jastar» жобасы жалғасатын болады

20.02.2019

Бурабайда қысқы президенттік көпсайыстан облыстық біріншілік өтті

20.02.2019

Көкшетауда «Бояулар құпиясы» жас суретшілер байқауы өткізілді

20.02.2019

Еліміз Иранға 42 тонна сиыр етін экспорттайды

20.02.2019

Қарағандыда жемқорлық құқық бұзушылықтар бойынша брифинг өтті

20.02.2019

Алматыда ережесіз жекпе-жектен жарыс өтеді

20.02.2019

Ақтөбе облысында «Агрогектар» жобасы жүзеге асырылуда

20.02.2019

Қырғыз Республикасынан кіргізілетін өнімдерге шектеу қойылмақ

20.02.2019

Мемлекеттік қызметшілер декларациясын тапсыру мерзімі 31 наурызда аяқталады

20.02.2019

Астанада кәсіпкерлер мен инноваторларды біріктіретін алаң ашылады

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

ҰҚСАС ЖАҢАЛЫҚТАР

Тағы да оқу

Пікір қосу