Саясат • 16 Мамыр, 2024
Орталық Азия елдері Қауіпсіздік кеңестерінің хатшыларын қабылдаған Президент Қасым-Жомарт Тоқаев делегация басшыларына ілтипат білдіре отырып, Орталық Азия елдері Қауіпсіздік кеңестері хатшыларының алғашқы кездесуі сыртқы және ішкі сын-қатерлер мен қауіптің алдын алу үшін күш-жігер біріктіретін, сондай-ақ оған қарсы тұруға қажетті шараларды әзірлейтін тиімді алаңға айналуы керек екенін атап өтті.
Сұхбат • 16 Мамыр, 2024
Оңайгүл ТҰРЖАН, ақын: Айналамнан биіктік пен ірілікті іздеймін
«Неге екенін білмеймін... анам мен Фариза апай туралы өлең жаза алмадым. Фариза апай жайында керемет мақала да жазғым келді. Бірақ жаза алмадым». Ақын, аудармашы, филология ғылымдарының кандидаты, Еуразия ұлттық университетінің доценті Оңайгүл ТҰРЖАНМЕН сұхбат кезінде осы сөздері еріксіз елең еткізді. «Неге?» деп қайтара сұраған жоқпыз. Себебі осы сөздерді айтқаннан кейін ақын өзі де бір сәт үнсіз қалды. Мүмкін кейіпкеріміздің «Ұлы ақындық деген де ұлы жұмбақ, ешкім әлі шешуін таба алмаған» дегені осы болар. «Өмірдің күнделікті алдыңа қоятын сұрағы әртүрлі. Сол сұрақтарға түрлі мінез көрсетуге тура келеді. Әр сұраққа түрліше жауап қайтаратын кездері болады», деген ұстаз сұхбат барысында «Қоғамда, отбасында өз орнын таба алмаған, қолдау көрмеген әйел баланы да дұрыс тәрбиелей алмайды», деген ойын да ашық білдірді.
Марапат • 07 Мамыр, 2024
Тыныштық пен тұтастықтың қалқаны
Мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысқан Мемлекет басшысы – Қазақстан Қарулы күштерінің Жоғарғы Бас қолбасшысы Қасым-Жомарт Тоқаев жиынға қатысушыларды Отан қорғаушы күнімен және алда келе жатқан Жеңіс күні мерекесімен құттықтады. Президент осы екі мейрам жауынгерлік дәстүрдің сабақтастығын паш ететінін, батыр бабаларымыздың даңқты жолын қазір өскелең ұрпақ жалғастырып келе жатқанын атап өтті.
Саясат • 04 Мамыр, 2024
Инклюзивті қоғам қалыптастыру – маңызды басымдық
Сенат жанындағы Инклюзия жөніндегі кеңестің кезекті отырысы мүгедектігі бар адамдарды медициналық, еңбек және әлеуметтік оңалту мәселелеріне арналды. Іс-шара барысында сенаторлар мемлекеттік органдардың және сарапшылар қауымдастығының өкілдерімен бірге аталған санаттағы азаматтарды қолдауға арналған ұсынымдар топтамасын әзірледі. Сондай-ақ оларды әрі қарай іске асыру мәселелерін талқылады.
Қазақстан • 26 Сәуір, 2024
Қасым-Жомарт ТОҚАЕВ: Бірлік пен ынтымақ – ешқашан ескірмейтін құндылық
Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясы өтті. Жиынға Парламент Сенатына ҚХА қатарынан сайланған депутаттар, республикалық этномәдени бірлестіктердің жетекшілері мен мүшелері, Ассамблеяның еріктілері, сондай-ақ бейнебайланыс арқылы ұйымның өңірлердегі делегаттары қатысты.
Қоғам • 25 Сәуір, 2024
Сағи Жиенбаевтың «Ардағым-ай, бағың да ашылмады-ау. Ашылмады-ау, дауың да басылмады-ау» деп басталатын «Ана тілім» деген өлеңі бар емес пе? 80-жылдары жазылған осы өлеңде ақынның: «Тұнығыңды қай кәпір лайлаған? Ел додаға түскенін көріп едік, Сен додаға түсер деп кім ойлаған?» деген өткір сұрақтарын жарты ғасырға жуық уақыт өткенде қайтадан күн тәртібіне шығаруға тура келіп отыр. Себебі? Себебі – өз тұғырына әлі қондыра алмай келе жатқан қазақ тілінің қойыртпақ тілге айналып бара жатқанында.
Су тасқыны • 11 Сәуір, 2024
Еліміз кейінгі 80 жылда болмаған үлкен апатқа тап болды. Қарғын судың кесірінен қара халық қазір күрделі жағдайды басынан өткеріп жатыр. «Ел басына күн туса, ер етігімен су кешер» еді. Өкінішке қарай, еліміздің он екі аймағын су басып, тұрғындар жан сауғалап жатқанда қара бастың қамын күйттеп, біреудің қайғысынан пайда көріп, қолдан қымбатшылық жасағандар да табылды.
Саясат • 05 Сәуір, 2024
Мақсат – дінаралық диалогті дамыту
Сенат төрағасы Мәулен Әшімбаев бастаған бір топ Парламент депутаты жұмыс сапарымен Ватикан мен Италия Республикасына барды. Сапар аясында делегация Рим Папасы Францискпен кездесті. Сондай-ақ Ватиканның Дінаралық диалог жөніндегі Дикастериясының және Әлемдік және дәстүрлі діндер көшбасшылары Съезінің ұйымдастыруымен дөңгелек үстел өтті. Қазақстандық сенаторлар Италия Республикасы Парламенті Сенатының депутаттарымен де кездесіп, парламентаралық ынтымақтастықты нығайту мәселелерін талқылады.
Қоғам • 19 Наурыз, 2024
Кедергісіз ортадағы көктем мейрамы
Наурызнама онкүндігі аясында Сенат төрағасы Мәулен Әшімбаев бастаған бір топ депутат елордадағы мүгедектігі бар балаларға арналған оңалту орталығының қызметкерлерімен және емделушілерімен кездесті.
Саясат • 18 Наурыз, 2024
«Taldau talks»: Сарапшылар платформасының таныстырылымы
Сенат төрағасы Мәулен Әшімбаевтың қатысуымен «Taldau talks» диалог платформасының алғашқы отырысы өтті. Сарапшылар бас қосқан іс-шарада Орталық Азияның әлемдегі артып келе жатқан рөлі және жаңа геосаяси жағдайға байланысты өңір бетпе-бет келіп отырған негізгі сын-қатерлер талқыланды. Кездесуге америкалық саяси сарапшы, Орталық Азия және Кавказ институтының негізін қалаушы Фредерик Старр арнайы мейман ретінде қатысты.
