ЭКСПО-2017. Шетелдік қонақтардың пікірлері

Егемен Қазақстан
10.09.2017 247
2

Ханс Кисман және Мартин Пост, Голландиядан келген саяхатшылар:

– Бірінші кезекте «Нұр Әлем» павильонына жол тарттық. Таңертең 9.00-де кіргеннен, түске таман бір-ақ шықтық. «Жасыл» энергияның инновацияларына толы сегіз қабат бізді таң қалдырды. Әсіресе, су энергиясын қолданудың жаңа тәсілдері туралы білдік. Голландияда көлдер мен өзендер көп болғандықтан, бұл жаңалық біз үшін аса маңызды. Біздер әзірге Монако, Германия және Испания елдерінің павильондарын аралап үлгердік. Бірнеше күн уақытымыз бар, барлығын түгесіп үлгереміз деген ойдамыз.

Қазақ елордасына келсек, шаһар жаңашылдығымен ұнады. Зәулім ғимараттардың барлығы-дерлік заман талабына сай жасақталған. Яғни, сәулеттік келбеті, сәндік ажары бірден баурап алады. Бұрын-соңды мұнда табанымыз тимеген еді. Енді көргенімізге қуанып жүрміз.

Павел Станко, Чехиядан келген саяхатшы:

– Астанаға бүгін ғана іссапармен келдім. Достарым – ЭКСПО көрмесіндегі Чехия павильонының ұйымдастырушылары. Керемет мүмкіндікті пайдаланып, халықаралық шараны өз көзіммен тамашалайын деп шештім. Алғашқылардың қатарында Қазақстан павильонын көргім келеді. Себебі, таныстарым павильонды танымдық жағынан ұсынары көп деп айтты.

Шынымды айтсам, көрме құрылысының салыну қарқынына таң қалдым. Тым аз уақыт аралығында үлкен территория ішінде зәулім ғимараттар тұрғызу – оңай іс емес. Мұны қазақстандықтардың ұйымшылдығы, бірлігі, достығы арқасында деп білемін. Астана өте ұнап жатыр.

Дана Мейірбекова,  Алматы қаласынан келген саяхатшы:

– Алматыдан ұлым екеуміз ЭКСПО-2017 халықаралық көрмесін тамашалауға әдейі келдік. Бүкіл павильондар табиғат күшін қалай қолдану керек екенін толықтай көрсетеді. Энергияны тиімді қолдану мәселесі бүкіл әлем үшін өзекті. ЭКСПО арқылы Қазақстан елі танылып жатыр.

Көрме барысында керемет концерттер мен шаралардың өтіп жатқанына қуаныштымын. «Дю Солей циркі» мен Ла Скала театрының өнер көрсетуі көрме қонақтары үшін үлкен сыйлық деп ойлаймын. Осы шаралардың біз де қонағы болғымыз келеді. Бақытымызға орай, билеттерін алып үлгердік.

Осындай шараның бітіп жатқаны көңілге аз-кем мұң ұялатады. Бітпесе екен тілейміз. Амал нешік, әр нәрсенің аяғы бар. Болашақта Қазақстанда тағы да ЭКСПО өтсе екен деген тілекшілердің қатарынанбыз.

Мария Розали,  Малайзиядан келген саяхатшы:

– Мен Астанаға Малайзия елінің форумына қатысуға келдім. Халықаралық көрменің өтіп жатқанын естіп, бір күнімді арнайы бөліп, қалашықты аралап жүрмін. Ең бірінші байқағаным – еріктілер өте мейірімді және ағылшын тілін жетік меңгерген. Менің бүкіл сұрақтарыма жауап беріп, барынша көмек көрсетуге тырысты.

Көрмеден жасыл энергия туралы білімімді жетілдірдім. Болашақта бұл қуат көздері әлемді сақтап қалады деп ойлаймын. Ғаламдық жылыну кезінде осындай баламалы энергия көздерін жетілдіру адамзаттың басты мақсаты болу керек. Сол себепті, Қазақстанның үлкен іске қосып жатқан үлесі елеулі. Менің бір арманым бар, ол – қазақ ұлттық тағамынан дәм тату. Мұның реті келмей жатыр әзір. Бұйыртса, қонақжай халықтың қазы-қарта, жал-жаясының тіл үйіргенін сезінгім келеді.

Иман Аль-Марзуки, Біріккен Араб Әмірліктерінен келген ерікті:

– Көрмеде бір ай көлемінде қызмет етудемін. Астанаға келгеніме өте қуаныштымын. Қаланың ғимараттары әдемі, ал адамдары мейірімді. Жақында Бурабайға барып келдім. Табиғаты керемет жер екен. Жалпы, Араб Әмірліктері мен Қазақстанның табиғатында ұқсастықтар бар екенін білемін. Мұнда да шөлді аймақтар бар. Сондықтан осындай өңірлерде энергияны тиімді қолдану мәселесі екі елге бірдей маңызды. Сол жөнінде тәжірибе алмасцуға келдік.

Сонымен қатар, біз көрме қонақтарына 2020 жылы Дубай қаласында өтетін ЭКСПО көрмесін таныстырудамыз. Оның да маңыздылығы, адамдарға, қоршаған ортаға пайдалылығы көп деген пікірдемін. Қазақстанның көрме өткізу тәжірибесі бізге де сабақ болады деп ойлаймын. Осы деңгейден кем өткізбесек, жетістікке жеткеніміз деп білемін.

Ингрид, Пуклан Ланга, Германиядан келген саяхатшылар:    

– Біз – Орталық Азия елдерін саяхаттап жүрген жұппыз (күледі). Қырғызстан мен Моңғолияда болдық. Енді, міне Қазақстанға келдік. Көрменің тақырыбы өте жақсы таңдалған. Бүкіл әлем елдері осы мәселе төңірегінде ойлану керек. Көрменің зәулім павильондарын көріп, есеңгіреп қалдық. Қазақтар өте мықты халық екен.

Астана қаласын аралағанда да айрықша әсерге бөлендік. Бұл мемлекеттің қарқынды даму жолына түскендігін аңғардық. Көп ұзамай алпауыт елдердің қатарынан көретінімізге сенімдіміз. Өйткені, Қазақстан қазірдің өзінде халықаралық аренада белсенді.

Куатемуано Гильем, Конгодан келген саяхатшы:

– Астанаға Конго елін ЭКСПО-2017 көрмесінде таныстыру үшін келдім. Үш ай ішінде білгенім, көргенім, түйгенім мол. Астана – жаңадан салынған көркем қала. Бұндай деңгейде үлкен шара өткізу арқылы жас қала өзін әлемге танытуда. Жаңғырмалы энергия тақырыбы көрме көлемінде толықтай қамтылды деп ойлаймын.

Тағы бір ұнағаны, қазақ халқы толерантты екен. Мұнда ешкім бір-бірін дініне қарап бөліп жатпайды. Барлығы тату өмір сүруде. Мен осында жыл сайын өтетін дінаралық және конфессияаралық жиындардан хабардармын. Бұл – мемлекет басшысының керемет көрегендігінің арқасында ұйымдастырылатын шара. Осы іспетті жиындар елдің беделін асырып, танымалдығын кеңейте түседі.

Айгүл ШЕРНИЯЗ,

Асхат РАҚҰЛ,

«Егемен Қазақстан»

Суреттерді түсірген

Орынбай БАЛМҰРАТ,

«Егемен Қазақстан»

СОҢҒЫ ЖАҢАЛЫҚТАР

20.02.2019

Елбасы Сауд Арабиясының Королімен телефон арқылы сөйлесті

20.02.2019

Елбасы «Самұрық-Қазына» акционерлік қоғамы басқармасының төрағасы Ахметжан Есімовті қабылдады

20.02.2019

Жас журналистер клубы құрылды

20.02.2019

Алексей Луценко тағы да топ жарды

20.02.2019

«Амурға» әліміз жетпеді

20.02.2019

Асанәлі Әшімов: «Театрды ашудағы мақсатым – талантты жастарды қолдау»

20.02.2019

Бақыт Сұлтанов автобус паркін жаңарту жоспарлары туралы айтып берді

20.02.2019

Қарағанды облысында 2 күнде 41 жол-көлік оқиғасы тіркелді

20.02.2019

Бейсенбі күні Қостанай облысы мен СҚО-да дауылды ескерту жарияланды

20.02.2019

Тілсіз жаудан зардап шеккен отбасыға тәртіп сақшылары көмектесті

20.02.2019

Ақмола облысының 5 ауданында «Еnglish for jastar» жобасы жалғасатын болады

20.02.2019

Бурабайда қысқы президенттік көпсайыстан облыстық біріншілік өтті

20.02.2019

Көкшетауда «Бояулар құпиясы» жас суретшілер байқауы өткізілді

20.02.2019

Еліміз Иранға 42 тонна сиыр етін экспорттайды

20.02.2019

Қарағандыда жемқорлық құқық бұзушылықтар бойынша брифинг өтті

20.02.2019

Алматыда ережесіз жекпе-жектен жарыс өтеді

20.02.2019

Ақтөбе облысында «Агрогектар» жобасы жүзеге асырылуда

20.02.2019

Қырғыз Республикасынан кіргізілетін өнімдерге шектеу қойылмақ

20.02.2019

Мемлекеттік қызметшілер декларациясын тапсыру мерзімі 31 наурызда аяқталады

20.02.2019

Астанада кәсіпкерлер мен инноваторларды біріктіретін алаң ашылады

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

ҰҚСАС ЖАҢАЛЫҚТАР

Тағы да оқу

Пікір қосу