Испания билігі Каталониядан тәуелсіздік декларациясы жөнінде түсінік беруді талап етті

Каталония басшылығы бірер күн бұрын тәуелсіздік жөнінде декларацияға қол қойып, тәуелсіздікті жариялауды кейінге шақырған болатын. Осыған байланысты Испания билігі Каталониядан түсінік беруді талап етті. Сонымен қатар конституцияның 155-бабын жүзеге асыру туралы ескертті. Бұл заң іске асса, Мадрид тарапы заңға бағынбаған автономиялық аймаққа толығымен билік ете алады.

Егемен Қазақстан
12.10.2017 5497

Испанияның премьер-министрі Марино Рахой Каталония басшылығына 16 қазан күні сағат 10:00-ге дейін түсінік беруі жөнінде талап қойылғанын мәлімдеді. Бұдан бөлек, Испания билігі келіссөздер жүргізуден бас тартып, 1 қазан күні тәуелсіздік алу жөнінде өткен референдумды сәтсіз деп таныды.

Айта кетейік, Каталония басшылары сейсенбі күні тәуелсіздік декларациясына қол қойған болатын. Бірақ орталық билікпен келіссөздер жүргізілгенге дейін уақытша тоқтатып қойды. Өз кезегінде Мадрид бұл декларациядан және келіссөздердің барлығынан бас тартты.

Тұрақтылық пен тыныштық

Мадрид тарапынан тыйым салынған референдумға 2,3 млн каталон тұрғыны қатысып, оның 90%-ы жеке мемлекет болуға дауыс берді. Каталония билігінің мәліметі бойынша халықтың 43%-ы референдумға қатысқан.

Алайда сол күні заңсыз референдумды болдырмас үшін полиция қызметкерлерінің шара қолданғаны белгілі. Қақтығыс салдарынан 900 тұрғын мен 33 полицей түрлі деңгейде жарақат алды.

Кейінірек Испания билігі Каталониядан мұндай шара қолданғаны үшін кешірім сұрады, дей тұра референдумды заңсыз өткізілді деп санап отыр.

«Жақында болған оқиғаны аяқтайтын кез жеткен секілді. Дәл қазіргі уақытта Каталонияға тұрақтылық пен тыныштықты тез арада орнату керек», деді Марино Рахой. Ол сондай-ақ, конституцияның 155-бабында көрсетілген автономиялық аймақтың  өзін өзі басқару жүйесін тоқтату туралы мәселені қозғады.

Сәрсенбі күні Марино Рахойдың жетекшілігімен жоспардан тыс Үкімет отырысы өтті. Мұнда алдағы уақытта қолданылатын шаралар жайы талқыланды. Сонымен қатар, парламентте сөйлеген сөзінде Рахой Испанияның 40 жылдық демократия тарихында ең қауіпті жағдайға тап болғанын мәлімдеді. Каталониядағы жағдай тұрақталмаса, арнайы шара қолданылатынын да ескертті.

Ары қарай не болмақ?

Испания премьер-министрі автономия басшысына декларацияның қабылданғаны туралы нақты жауап беруін талап еткен. Бірақ қанша күн берілгені белгісіз. Алайда саяси дереккөздердің мәліметі бойынша Каталония басшысы бес күн ішінде жауап беруі тиіс.

Ал сенатта халық партиясы конституцияның 155-бабын жедел жүзеге асыру туралы өтініш берген. Бұл заң Испания премьер-министріне автономиялық аймақтың өкілеттілігін тоқтатуға толықтай мүмкіндік береді. Мәліметтер бойынша бұл заң не бірден, не кезең кезеңімен жүзеге асырылуы мүмкін.

155-бап осыған дейін қолданылған емес. Сондықтан парламентте оны талқылау, жүзеге асыру жөнінде ортақ шешім қабылданбай отыр.

Егер Каталония президенті берілген мерзім ішінде жауабын бермесе Испания премьер-министрі 155-бапты қолдануы мүмкін. Егер мұндай жағдай бола қалса, автономия парламентіндегі егемендікті қолдайтын партиялар қарсы жауап ретінде тәуелсіздік декларациясын қабылдауы мүмкін.

Испания оппозициялық социалистік партиясының көшбасшысы Педро Санчез журналистерге тағы бір әңгіменің шетін шығарып қалды. Ол дағдарысты бірыңғайлау үшін аталған партия мен үкімет арасында конституциялық реформа өткізу жайы талқыланғанын мәлімдеді.

Егер бұл іс жүзеге асқан жағдайда Каталонияның бөлініп шығу мәселесі емес қайта Испанияның тұтастығы қарастырылатынын жеткізді.

Айта кетейік, сейсенбі күні Карлес Пучдемон Каталонияның тәуелсіздігі жөнінде декларацияға қол қойған болатын. Алайда Испаниядан еншісін алып шығу жөнінде Мадридпен арадағы келіссөздер реттелмейінше ресми түрде мәлімдеуді кейінге қалдырды.

Өз кезегінде Карлес Пудемон 1 қазанда өткен референдумның нәтижесінде халық тарапынан егемендік алу жөнінде мандат алғанын мәлімдеді.

«Аймақтағы миллиондаған тұрғын Каталонияның тәуелсіз мемлекет болғанын қолдайды», деді Пучдемон.

Осыған дейін Еуроодақтың екі ірі мемлекеті – Франция мен Германия Испанияның тұтастығын қолдайтынын және Каталонияның бір тараптан тәуелсіздік жариялауға қарсы екенін хабарлаған болатын.  

Дайындаған Аян ӘБДУӘЛИ, "Егемен Қазақстан"

СОҢҒЫ ЖАҢАЛЫҚТАР

18.10.2017

«ҚазМұнайГаз» бекеттерінде АИ-92 шектеусіз сатылып жатыр

18.10.2017

Латын әліпбиі – Қазақстан Қарулы Күштерінде

18.10.2017

Көп тілегі – көл

18.10.2017

Алматыда Медеу мұз айдынында коньки тебу маусымы басталады

18.10.2017

Аты аңызға айналған қайраткер

18.10.2017

Көрші елден келетін өнімдерде зиянкестер көп

18.10.2017

Шымкентте жаңа әуежай құрылысы басталады

18.10.2017

Қырғызстандық көліктер жиі тәртіп бұзады

18.10.2017

Алматыда VII Орта Азия сауда форумы өтіп жатыр

18.10.2017

18 қазан - Рухани келісім күні

18.10.2017

Душанбеде араб экономикалық ынтымақтастығы форумының отырысы өтті

18.10.2017

Бармысың, балалар дәрігері?

18.10.2017

Баспасөз-2018: Елдіктің үні «Егемен Қазақстан»

18.10.2017

Үкіметте әлеуметтік-экономикалық даму мен бюджеттің атқарылуы қаралды

18.10.2017

Қазақ-қырғыз бауырластығы саяси амалдардың құрбаны болмауы тиіс

18.10.2017

Таңырқату үшін туған талант

18.10.2017

Қарсылық па, таршылық па?

18.10.2017

Жапониядағы парламент сайлауы: Абэнің алаңдауына негіз жоқ

18.10.2017

Қыз-келіншектер қауіпсіздігін кім қорғайды?

18.10.2017

Әлемдік қауіпсіздікке қосылған қомақты үлес

ТАҒЫ ЖҮКТЕУ
КОЛУМНИСТЕР

Талғат СҮЙІНБАЙ, «Егемен Қазақстан»

Қарсылық па, таршылық па?

«Біреу Алматыға бір «КамАЗ» сәбіз әкеліп төгіп, елге тегін таратты» деген хабардың шығуы мұң екен, веб-сайттар ақырғы жаңа­лықтың айналасына шыбындай үймеледі. 

Зарема ШӘУКЕНОВА, ҰҒА корреспондент-мүшесі

Әлемдік қауіпсіздікке қосылған қомақты үлес

Қазақстанның БҰҰ Қауіпсіздік Кеңесіне тұрақты емес мүше болып қабылдануын, 2018 жылдың қаңта­рында Кеңеске төрағалық ететінін елімі­здің әлемдік қауіпсіздік жүйе­сі құрылымына қосқан қомақ­ты үлесінің мойындалуы деп бағамдай­мыз. 

Александр ТАСБОЛАТОВ, «Егемен Қазақстан»

Құндылықтарға кір келтірмейік

Бәріміз де мына өміріміз, тір­ші­лік етіп отырған ортамыз жақ­сы болса екен деп тілейміз. Со­ған­ сай қызмет етуге тырысамыз.­ Алай­да қоға­мымызда кейбір азамат­тары­мыздың абайсызда алаяқтарға арбалып, қылмыскерлер қолына тү­сіп қалатынын, сауда-саттықта, көлік, пәтер алған кезде, т.б. тұрмыс­тық жағдайларда, жұмыс барысында алданып, сан соғып жататынын естіп-білгенде әрі-сәрі күй кешесің...

Қорғанбек АМАНЖОЛ, «Егемен Қазақстан»

Жазушының жанпидасы

Әдебиет – халықтың жаны. Демек, ондай әдебиетті жасау үшін жазушы өз туған халқын жанындай жақсы кө­­ріп сүюі тиіс. Сонымен бірге оған әде­би талант һәм шеберлікпен қатар, жазушылық жанпидалыққа бара ала­тын дегдар қасиет, алабөтен ерлік те ­қажет дер едік.

Қайрат ӘБІЛДА, «Егемен Қазақстан»

Бұқаралық спорттың көсегесі қайтсе көгереді?

Біз айтқалы отырған мәселенің бүге-шігесін жақсы білетін мамандар ұсынған кейбір деректерге сүйенер болсақ, бүгінгі таңда еліміздегі жастардың тек 7-9 пайызы ғана дене шынықтырумен және спортпен айналысады екен.

Тағы да оқу

Пікірлер(0)

Пікір қосу