Ұлағаты мол ұлттық ойын


Таяуда Сәтбаев қаласында Қазақстан Республикасы Тұңғыш Президентінің күні аясында тоғызқұмалақ ойынынан өткізілген Халықаралық турнир жалауын түсірді. Бес күнге созылған бәсекелі сынға Ресей Федерациясы, Түркия, Ауғанстан, Моңғолия, Түрікменстан және Қырғызстан мемлекеттерін қоса алғанда бас-аяғы 20 команда қаты­сып, бақ сынады. Жарыстың жабылу салтанатында қатысушылар мен жанкүйер қауымды қоғам қайраткері Әлихан Байменов, Мәдениет және спорт министрлігі Спорт және дене­шынықтыру комитетінің төрағасы Елсияр Қанағатов құттықтады.

Егемен Қазақстан
07.12.2017 11617
2

Байрақты бәсекеге тоғызқұма­лақ­тың қыры мен сырын жетік мең­гер­ген кәнігі спортшылармен қатар, үміттерін үкілеген жас буын өкілдері де бас қосты. Қатысушылар қатарын­да халықаралық дәрежедегі 10 спорт шебері, 1 Қазақстан Республикасының еңбек сіңірген спорт шебері, 22 спорт шебері, 13 спорт шеберлігіне кандидат және І разрядты дәрежесі бар 11 спортшының болуы бәсеке көрігін айрықша қыздыра түсті. Нәтижесінде, бабы мен бағы келіскен спортшылар жеңімпаздар мен жүлдегерлер санатына ілікті.

Ерлер арасындағы сында І орынды Астана қаласы командасының құрамындағы спортшы Ғалымжан Темірбаев жеңіп алды. ІІ орынның жүлдесін павлодарлық Жанат Қаймол­дин қанжығасына бөктерсе, оның командаласы Бауыржан Абылай­хан ІІІ орынға табан тіреді.

Қыздар арасында Оңтүстік Қазақстан облысының өкілі Лина Кәрімованың бағы жанып, бас жүлдені еншіледі. Оның жерлесі Салтанат Сапарбекова ІІ орынға тиесілі тұғырға көтерілді. Ал ІІІ орынның жүлдесі павлодарлық Роза Райымбековаға бұйырды.

Бағы жанып, мерейі өскен спорт­шыларға Мәдениет және спорт ми­нистр­лігінің дипломдары мен естелік медальдары табыс етіліп, тиістілігіне сәйкес, 500 000, 300 000 және 200 000 теңгеден бәйге сыйақылары берілді. Бұдан тысқары, жеңімпаздарға басты жүлде – арнайы Кубок табысталды. 

Дүниежүзілік және еліміздің Тоғыз­құмалақ спорты федерациясының президенті Әлихан Байменовтің айтуынша, әлемдегі барлық ұлттың болмысының қалыптасуына әсер ететін, олардың әрқайсысының тек өзіне ғана тән спорт ойындарының түр­лері бар.

– Сондай сипаттағы ұлт­тық ойындар бізде де баршылық. Көкпар, ат бәйгесі, тоғызқұмалақ және басқа­лары солардың қатарында. Олардың бірі батылдыққа баулыса, екіншісі ептілікке үйреткен, ал үшіншісі ақыл-ой бәсекесіне бейімдеген, – дейді Ә.Байменов. 

Тоғызқұмалақ – біздің ұлтымыздың әлемдік өркениетке қосқан бірегей үлесі. Қазіргі таңда осынау зияткерлік ойын түрінен құрлық деңгейіндегі чемпионаттар, халықаралық сайыстар, әлем чемпионаттары өткізілуде. Бұл ойынға қызығушылық таныту үрдісі күн санап артып келеді. Қазақстанда 10 мың адам әр деңгейлі сайыстарға тұрақты түрде қатысып жүрсе, 200 мың адам тоғызқұмалақ үйірмелерінде шеберліктерін шыңдау үстінде. 

Мирас АСАН,
«Егемен Қазақстан»

Қарағанды облысы,
Сәтбаев қаласы

СОҢҒЫ ЖАҢАЛЫҚТАР

19.11.2018

Б.Сағынтаев энергия үнемдеу жобалары бойынша инвесторлармен жұмысты жандандыруды тапсырды

19.11.2018

Энергия үнемдеу жобаларын іске асырудан түсетін жыл сайынғы үнем 3,5 млрд теңгені құрайды

19.11.2018

Үкіметте «Нұрлы жол» мемлекеттік бағдарламасының іске асырылу барысы қаралды

19.11.2018

Жыл басынан бері қазақстандық және шетел әуе тасымалдаушылары 13 жаңа бағытты ашты

19.11.2018

QazaqGeography съезі ұйымның жаңа кеңсесінде өтті

19.11.2018

Қазақстандық делегация Дүниежүзілік төзімділік саммитіне қатысты

19.11.2018

Дін саласының жағдайы туралы баяндаманың қорытындысы жарияланды

19.11.2018

Мемлекеттік басқару академиясы қазақстандық тәжірибені тарату орталығына айналды

19.11.2018

Алматыда ХІV Халықаралық Шәкен Айманов кинофестивалі ашылды

19.11.2018

Алматыда көлік апатынан 10 айда 114 адам ажал құшқан

19.11.2018

Жыр алыбы Жамбылдың өмірі сахналанды

19.11.2018

Павлодарда биыл 349 жол-көлік оқиғасы орын алған

19.11.2018

Абылайхан ЖҮСІПОВ: Токио туралы айтуға әлі ерте...

19.11.2018

Елбасы Шавкат Мирзиёевпен телефон арқылы сөйлесті

19.11.2018

Бай болсаң халқыңа пайдаң тисін

19.11.2018

Түркістанда халықаралық ғылыми-теориялық конференция өтті

19.11.2018

Маңғыстауда «Адал ұрпақ» ерікті мектеп клубтарының облыстық слеті өтті

19.11.2018

Маңғыстауда өткен тарихи турнир өз мәресіне жетті

19.11.2018

Энергия үнемдеу бойынша Қазақстан 32-ші орында

19.11.2018

Көкшетауда жылу ақысы арзандайды

ТАҒЫ ЖҮКТЕУ
КОЛУМНИСТЕР

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу