Қару сату кикілжіңді күшейте ме?

Украинаға мергендер винтов­касын сатуға рұқсат сұраған коммерциялық компанияға АҚШ үкі­меті лицензия бергені туралы Америка мен Ресейдің БАҚ-тары  жарыса жазды.

Егемен Қазақстан
09.01.2018 51

Мемлекеттік де­партамент (АҚШ) бұл сауданы жал­пымемлекеттік қару сату емес, тек жекеменшік фирмаға берілген рұқ­­сат екенін айтып, жақау­ра­туға тырысуда. Сыртқы саясат ведом­ство­сының арнайы өкілі Хизер Науэрт СNN телеарнасына бер­ген сұхбатында Мемлекеттік депар­таменттің Украинаға ататын қа­ру мен оның жарақтарын сату тура­лы экспорттық лицензия беруді ма­құл­дағанын және өз шешімдерін Конгреске жеткізгенін мәлімдеген.

Кім қалай десе де АҚШ-тың Украинаға қару беру кезеңі басталған сияқты. Осыған дейін Ресейдің түрлі қысымымен (соның ішінде жауап шаралар жасалатынын мәлімдеуімен) АҚШ үкіметі Украинаға қару босатудан тайқақсып келген. Енді Ресей тарапынан сәл ғана жұмсақтық лебі ескендей болып еді, қару сату туралы әңгіме қайта шыға келді. Ал жұмсақтық – Ресейдің Санкт-Петербург қаласында теракт жасамақшы болғандардың АҚШ Орталық барлау басқармасы (ОББ) берген деректің арқасында ұсталғанына байланысты жасалған. Ресей президентінің баспасөз қызметі «kremlin.ru» сайтында осы оқиғаға байланысты Владимир Путиннің АҚШ Президенті Дональд Трампқа алғыс айтқаны да жуырда ғана жарияланған. В.Путин АҚШ-қа қарсы террористік әрекет жасалатыны Ресейдің арнау­лы қызметтеріне де белгілі болса, оны дереу Д.Трампқа жеткізетінін атап өткен.

АҚШ-тың хабарламасының ар­қа­сында Ресейдің Федералдық қау­іп­­сіздік қызметі 16 желтоқсанда Санкт-Петербургте бірнеше, соның ішінде Қазан Соборында жарылыс жасамақшы болған жеті бірдей лаң­кест­і ұстады. Бұл жүздеген адамның өмірін сақтап қалды деген сөз.

Әрине, АҚШ ОББ-сының ИЛИМ/ДАИШ (Қазақстанда тыйым салын­ған) баскесерлерінің Санкт-Петер­бур­гте жарылыс жасамақшы болған мақ­сатын қалай біліп қалғаны белгісіз. Сон­дықтан оларды өздері дайындап, ар­тынан Ресейден жақсы ат алу үшін өздері ұстап беруі де мүмкін-ау деген де күдік туады...

Қалай десек те осы оқиға екі алып­тың арасына жылылық ұшқынын жү­гірткендей болған еді, енді мына қару сату жаңалығының алдан шыға келгені сол ұшқынды қайта өшіретін сияқты...

Бір газеттер жекеменшік компа­ния­­ға қару сату туралы лицензия бергенімен, АҚШ әлі нақты шешім қабылдаған жоқ деп жазады. Бірақ The Washington Post газеті Украинаға сатылатын мергендер винтовкасының маркасы Model M107A1 екенін және осы қару мен оның жарақтарының жалпы құны 41,5 млн долларға бағаланған көлемі Украинаға сатылатынын айтты. Бір винтовканың базардағы бағасы 11,9 мың доллар болғанда, оның 41 млн-ға 3500-дейі келетінін де анықтау қиын емес.

Barrett компаниясы жасайтын М107А1 үлкен калибрлі мергендер вин­товкасы – осындай қарулардың ең соңғы, жетілдірілген модификациясы. Ол бұрынғы М107-ге қарағанда 2 кг жеңіл әрі төзімді деп есептеледі. Оның үстіне көздегенді мүлт жібермейді және дыбысты өшіретін құрылғымен жабдықталған.

The Washington Post газетінің жазуына қарағанда, Трамптың жанын­да­ғы және Конгрестің көптеген жоғары шенді шенеуніктері бұл шешімді қолдайтындарын айтқан. Сонымен бірге басылым оның Трамп пен Путиннің арасын салқындатып жіберетінін де атаған.

«РИА Новости» агенттігінің хабарлауына қарағанда, Ресейдің БҰҰ-дағы тұрақты өкілінің орынбасары Петр Ильичев АҚШ пен Канаданың Украинаға қару сатуы – шиеленісті одан әрі ширықтырып, адамдардың өлімін көбейтуге алып келеді деп мәлімдеген.

Айта кететін жайт, «Украинаның бостандық жолындағы күресін қолдау туралы» заңды АҚШ Конгресі тіпті ерте күнде, 2014 жылы қабылдаған. Бірақ Барак Обаманың әкімшілігі оны жүзеге асыруға асықпаған еді. Енді сол заңның қосалқы авторларының бірі, сенатор Боб Коркер әкімшіліктің Украинаға қару сату туралы шешімін қуана қабылдағанын жариялады. «Бұл Украинаны Ресей агрессиясынан ұзақ мерзімді қорғау туралы біздің байламымызды іске асыруға мүмкіндік береді», деді ол. Ал аты-жөнін атауды қаламаған конгрессмен «Біз Украинаға ататын қару-жарақ беретін деңгейге де жеттік. Меніңше, бұл қару-жарақ берудің басы ғана», деген. Сөйтіп Ресей мен Украина арасындағы кикілжің жаңа деңгейге көтерілген сияқты. Әрине Қазақстан барлық кикілжіңнің келіссөз үстелінде шешілгенін қалайды. Бұл екі мемлекеттің де біз үшін маңызы зор.

Жақсыбай САМРАТ,
«Егемен Қазақстан»

СОҢҒЫ ЖАҢАЛЫҚТАР

23.07.2018

Жандарбек Бекшин мектеп формасын қалай таңдау керектігін түсіндірді

23.07.2018

Атырау қаласына кіре берістерге 4 стационарлық полиция бекеті салынады

23.07.2018

Б.Сағынтаев СҚО, Қостанай және Павлодар облыстарын дамыту мәселелері жөнінде кеңес өткізді

23.07.2018

Боксшыларымыз Одессада қос қола алды

23.07.2018

«Астаналық» саябақта балаларға арналған спорт алаңы пайда болды

23.07.2018

Елбасы Владимир Путинмен телефон арқылы сөйлесті

23.07.2018

Әділ Ботпанов. Ақтарылу

23.07.2018

Н.Бекежанов атындағы театр халықаралық «Фриндж» фестиваліне қатысады

23.07.2018

Еліміздегі жоғары оқу орындарының білім беру рейтингісі жарияланды

23.07.2018

Қазақстандық балуандар Түркиядағы турнирде бес жүлде иеленді

23.07.2018

Бокстан ағайынды Әйтеновтердің турнирі аяқталды

23.07.2018

Нью-Делиден олжалы оралдық

23.07.2018

Америкадағы кездесуде Қазақстандағы діни ахуал талқыланды

23.07.2018

Елбасы қысқа мерзімді демалысқа шықты

23.07.2018

Батыс Қазақстан облысында билер кеңесі құрылады

23.07.2018

«Астана» велошабандозы «Тур де Франс» кезеңінде жеңімпаз атанды

23.07.2018

Екібастұзда Естайдың 150 жылдық мерейтойы аталып өтті

23.07.2018

Батыс Қазақстан облысында бірнеше мектеп қазақы атауға ие болды

23.07.2018

Соғыс ойыны немесе «фото мылтықпен» атып алынған кадр

23.07.2018

Құзға құлаған қыран

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Шын талант ұятқа ұйиды

«Адамзат сапарының мейманымыз, бір мезет жер бетіне кетер соғып», деп жырлады Қасым Аманжолов. Қазір жер бетіне мейман болып келгендердің бір шоғыры атақ қуып әлекке түсіп жүрген секілді. Бұлай деуге себеп, атақ қуғандар шын талантқа көлеңкесін түсіріп, оны кейінге ысыра береді. Ал шын талант ұятқа ұйиды. «Адам ақиқатты бас көзімен көрмейді, ақыл көзімен көреді», депті Шәкәрім. Ақыл көзін атақ қуған кезде бас көзі билеп кететіндей болады да тұрады.

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу