Өндірісті технологиялық жаңғырту – өрелі істер бастауы

Еліміздегі мұнайдың 58,5 %-ы Атырау облысында өн­діріледі. Теңіз, Қашаған секілді ең ірі мұнай жобалары да осы өңір­де. Өткен жылы мұнайдың экс­порт­тық көлемі 70 млн тон­наға жуықтады. Атырау мұнай өңдеу зауытын қайта жаңар­ту, жаңғырту жұмыстары аяқтал­ды. Отын-энергетикалық сектор­дағы салалардың былтыр­ғы көрсет­кіштері рекордтық деңгей­ге жетті. Бұл – қиын да қызық кә­сіп иелері мұнайшылардың адал ақы, маңдай терлерінің жемісі.

Егемен Қазақстан
28.02.2018 1482
2

Мемлекет басшысының ха­лыққа биылғы Жолдауының негізгі ережелерін түсіндіру мақ­сатында құрылған респуб­лика­лық ақпараттық топ құрамын­да Атырауға келген Энергети­ка вице-министрі Болат Ақшо­лақов осындай же­тістіктерді атап айтты. «Елбасы Жол­дауында көрсетіл­ген 10 мін­­дет Үкіметтің нақты іс-шара­ларында көрініс табады, – деді ол аймақтағы энер­гетика саласында еңбек ете­­тін ұжымдармен кездесуде. – Мысалы бірінші міндет – өн­ді­рісті технологиялық жаңарту және цифрландыру. Энергетика ми­нистрлігі өз құзыреті шегінде 2017 жылдан бастап энергетика секторында және экология саласында цифрландырудың бірқатар жобаларын жүргізеді. 2018 жылы Атырау және Шым­кент мұнай өңдеу зауыттарында автоматтандырылған өндірісті басқару ТОРО жүйесін енгізу аяқ­талады. Нәтиже ретінде жаб­дықтың сенімділігін 8-10%-ға арттыруға, жөндеу шығындарын 10%-ға төмендетуге, жоспарлы жылдық жөндеу жұмыстарының мерзімін 45 күннен 25 күнге дейін төмендетуге мүмкіндік береді. Жолдаудың міндеттерін орын­дау шеңберінде бізге ши­кі­затты өңдеуді тереңдету қажет. Сондай-ақ биыл «Ембі­Мұ­найГаз», «ҚазгерМұнай» меке­м­елерінің кен орындарында «Интеллектуалды кен орны» және «Қазатомөнеркәсіп» кен орын­дарында «Цифрлы кеніш» қанат­қақты жобалары жүзе­ге асы­­ры­лады. 2018 жылдың «Же­ңіл жеңістер» жоспарына «ҚазМұнайГаз Өнімдері» базасында Астанада «Байланыс­сыз ав­то­жа­нармай құю станса­ла­ры» қа­­нат­қақты жобасы пысық­талуда».

Жиында білгеніміздей, атал­­­ған министрлік «Цифрлы Қазақстан» мемлекеттік бағдар­лама­сына бірқатар жобаларды қосуды қарастырып жатыр. Олар­дың қатарында «Цифрлы кеніш», «Цифрлы электр стансасы», «Электр энергияны комм­ер­циялық есептеудің автомат­тан­ды­рылған жүйесі», «Ақылды желі­лер» секілді жаңашылдықтар бар.

Атырауда энергия тапшылығы жоқ

Алайда өңірлік электр ком­паниясының желілері мен құры­лыстарының 20 %-ы тозған. Жыл соңына дейін иесіз қалған электр желілері мен барлық трансформаторлық станса энергия тасымалдау ұйымдарының балансына беріледі. «Соның нәтижесінде электрмен жаб­дықтау сенімділігінің артуы мен ауытқу төмендеуі тиіс, – деді вице-министр. – Осы бағыттағы жұмысты жалғастыру қажет. Елбасы қойған міндетті орындау үшін электрмен жабдықтау саясатын қайта қарастыру және деректерді цифрландыру, үр­дістерді автоматтандыру бойынша жаңа технологиялар енгізуге ерекше назар аударатын мезгіл жетті».

Табиғи ресурстарды тиім­д­і пайдаланып, экологиялық қауіпсіздікті қамтамасыз ету бо­йынша да қолға алынатын шаралар қатары көп. Тұрмыстық қатты қалдықтарды қайта өңдеу мәселесі де күн тәртібінде тұр. Энергетика вице-министрі Болат Ақшолақов Атырау облысында өндірістік қалдықтардың көлемі 81,7 мың тоннадан 72,5 мың тоннаға дейін азайғанына тоқталды. Аймақта әртүрлі қатты қалдықтар полигондарының саны 71-ге жеткен, бірақ соның оны ғана экологиялық талаптар мен санитарлық нормаларға сәйкес келеді. Экологиялық қауіпсіз­дікті қамтамасыз ету мақсатында биыл министрлік пен облыстық әкімдік бірлесіп, біраз шараларды жоспарлап отыр. Болат Ақшо­лақов Энергетика министрлігін­де қол­даныстағы Экологиялық кодекске толықтырулар мен өзгерістер енгізу үшін мүдделі органдар өкілдерінен жұмыс тобы құрылғанын хабардар етті.

Мұнайшылар Жолдауды қолдайды

Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» атты Қазақ­стан халқына Жолдауы атырау­лық мұнайшылар қауымына да жігер берді. «ЕмбіМұнайГаз»АҚ бас­қар­ма төрағасының бизнесті дамыту жөніндегі орынбасары Бауыржан Балжановтың айтуынша, «Цифрлы Қазақстан» мем­лекет­тік бағдарламасын жүзе­ге асы­рып, өндіріске жаңа техно­логия­ларды енгізу мақ­сатын­да компанияда 2016 жылдан бас­тап «Цифрлы кен орны» жобасы жүзеге асырылып жатыр. Жол­дауда айтылған адами капи­тал­ды дамыту мәселесіне де «Ембі­МұнайГазда» айрықша көңіл бөл­інеді. Соңғы екі жылда акцио­нерлік қоғамның құрылымдық бөлімшелерінде дуалды білім беру арқылы 64 жас тәжірибеден өтіп, 16-сы қыз­метке қабылданған. Ел эконо­микасының дамуына елеулі үлес қосып келе жатқан кәсіп­орын қайырымдылық жасауды да қа­пер­ден шығармайды. Айталық, соң­ғы бес жылда 2 млрд теңгеден ас­там қаражат демеушілік пен қайы­рым­дылық шараларына жұмсалды.

Энергетика вице-министрі барлық өңірлерде балалар технопарктері мен бизнес-инкубаторлар желісі құрылатынын да айтты. Жыл соңына дейін бар­лық медициналық мекеме­лер ақпараттық жүйемен толық­тай қамтамасыз етіледі. «Ат­қарылған істің бәрі өңір халқы­ның ынтымағы мен Ел­басының көреген саясатының нәтижесі, – деді Болат Ақ­шолақов. – Мүм­кін­діктерді бел­сен­­ді пайдала­нып, ел дамуына үле­сі­мізді қосу, кәсіпқойлық, іс­кер­­лік деңгейімізді жоғарылату бәрімізге ортақ мін­дет». Бұл мін­деттен атыраулық мұнай­­шылар да тыс қалмақ емес.

Бақытгүл БАБАШ,

«Егемен Қазақстан»

АТЫРАУ

СОҢҒЫ ЖАҢАЛЫҚТАР

16.11.2018

Сарысудың музыкалық мұрасы

16.11.2018

Жалақаны өсіру үдерістері тездетілуде

16.11.2018

Жастар жылынан не күтесіз? Сауалдамадаға қатысқандар пікірі

16.11.2018

Режиссер Рүстем Есдәулетов атындағы фестивальдің жеңімпаздары марапатталды

16.11.2018

Майқайың кентінде сатылатын жеке меншік 110 үй бар

16.11.2018

Тартпай қоймас негізге...

16.11.2018

Жастар жылынан не күтесіз? Сауалдамадаға қатысқандар пікірі

16.11.2018

Тозған жерді тыңайтудың тиімді тәсілі

16.11.2018

Қазақтың қара есептері

16.11.2018

Диқандар неге басқа дақылды таңдауда?

16.11.2018

С.Алексиевич. «Біз болашаққа мүлдем дайын емеспіз»

16.11.2018

Ветеринария мұраты – адам саулығы

16.11.2018

Қостанайда оқушылардың «Мәриям оқулары» байқауы өтті

16.11.2018

Қарағандыда қара фонға салынған картиналар көрмесі ашылды

16.11.2018

Асыл болуға асыққандар

16.11.2018

Денсаулық сақтау саласында қол жеткізілген келелі келісім

16.11.2018

Павлодарда архив құжаттары цифрлық  жүйеге көшетін болды

16.11.2018

Шығын азайып, табыс арта түсті

16.11.2018

Жетісу туризм орталығына айналады

16.11.2018

Партияның әлеуетін арттыру ісі жалғаса береді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу