Университет түлегі науқас балаға 200 мың теңге табыс етті

Алғыс айту күні мерекесі мен оқу орнының 60 жылдығына орай Өскемендегі Д.Серікбаев атындағы Шығыс Қазақстан мемлекеттік техникалық университетінде «Нұрлы жүрек» қайырымдылық клубының ұйымдастыруымен «Мейірім шуағы» атты көңілді толқытқан, өзгеше концерт өтті. Өзгешелігі сол, мүмкіндігі шектеулі балалар қаладағы Шалқар Мұхамғалиев, Влад Лоскутов секілді әнші жастармен бірге ән шырқап, би биледі. 

Егемен Қазақстан
03.03.2018 20875

Әсіресе Айзар Айдос «Қайтер едік өмірге келмегенде» әнін айтқандағы мұңды дауысы залдағы жұртшылықтың көзіне жас үйірді. Қайырымдылық концерт басталмас бұрын С.Аманжолов атындағы университеттің «Шабыт» театрының студенттері мылқау қыздың тағдырын баяндайтын шағын қойылымды көрермен назарына ұсынды. Мәдени шара аяқталғаннан кейін «Үлбі» мүмкіндігі шектеулі балалар орталығының тәрбиеленушісі, церебральды сал ауруымен ауыратын Роллан Сымбатов сахнаға шақырылып, оған осы университеттің түлегі, жеке кәсіпкер Мирас Сайнолдин 200 мың теңгені табыс етті.

«Нұрлы жүрек» қайырымдылық клубының жетекшісі, оқу орнының сәулет факультетінің 3-курс студенті Нұргүл Базылқызының айтуынша, Роллан емделу үшін жақында Қытай еліне бармақ. Онда барып, тек тіркелу үшін ғана 2 жарым миллион теңге қаржы керек екен. «Былтыр «Нұрлы жүректің» мүшелері Ролланның өз елімізде емделуіне 500 мың теңге қаржы жинап берген болатын. Ал 2 жарым миллион теңге сәуір айына дейін жиналуға тиіс. Одан кейін қанша рет шақырады, қанша қаржы жұмсалады. Ол жағы әзірге белгісіз», - дейді Нұргүл.

«Нұрлы жүрек» қайырымдылық клубы осыдан тура бір жыл бұрын жұмысын бастапты. Клуб мүшелерінің барлығы да - Д.Серікбаев атындағы Шығыс Қазақстан мемлекеттік техникалық университетінің студенттері. Елуге жуық мүшесі бар клуб мүмкіндігі шектеулі, ата-ана қамқорлығынсыз қалған балалар мен әлеуметтік тұрғыдан аз қамтылған отбасыларға көмек көрсету мақсатында құрылыпты. «Өздеріңіз көргендей, бүгін сахнаға мүмкіндігі шектеулі балаларды шығарып, ән салғыздық. Олар өздерін ешкімнен кем сезінбесе, қоғамнан оқшау қалмаса дейміз. Клубымызды айналамыздағы көмекке мұқтаж, тағдыр тауқыметін тартып жүрген жандарға аз да болса септігімізді тигізсек деген ниетпен құрған едік.

Біз қайырымдылық акцияларын, қайырымдылық концерттерін, қайырымдылық жәрмеңкелерін жиі ұйымдастырамыз. Жәрмеңкеде өз қолымызбен пісірген тамақтарымызды сатып, түскен қаржыны науқас балалардың қажетіне жұмсаймыз. Жақында мүмкіндігі шектеулі балалар арасында спорттық сайыс өткіздік. Студенттер бәріне үлгеруге тырысады. Сабақты да оқиды, жұмыс та істейді, қайырымдылық та жасайды. Бір әттеген-айы, бір жыл ішінде қайырымдылық шараларына демеушілерді тарта алмадық. Бұл үшін біздің клубқа заңды түрде тіркелу керек екен. Қазір осы мәселемен шұғылданып жатырмыз», - дейді қайырымдылық клубының жетекшісі. Осы шараға Айзар Айдос есімді мүмкіндігі шектеулі баланың әжесі Маржан Шәбиева арнайы келіпті. «Менің немерем жүре алмайды. Арбаға таңылған. Мына студенттерге мың алғыс. Келіп, жағдайымызды біліп, сыйлықтарын әкеп тұрады», - деп ризашылығын жеткізді.

Кеш соңында «Үміт» балалар үйі, «Үлбі» мүмкіндігі шектеулі балалар орталығы мен «Ақниет» мектеп-интернатының 130 тәрбиеленушісіне сыйлықтар табыс етілді.

Азамат ҚАСЫМ,

«Егемен Қазақстан»

ӨСКЕМЕН

СОҢҒЫ ЖАҢАЛЫҚТАР

25.06.2018

Нұрсұлтан Назарбаев Түркия Президенті Режеп Тайип Ердоғанмен телефон арқылы сөйлесті

25.06.2018

Сенат комитетінде білім беру мәселелері туралы заң жобалары қаралды

25.06.2018

Бақытжан Сағынтаев Ақмола облысының Мамандандырылған Халыққа қызмет көрсету орталығында болды

25.06.2018

«Біліммен – болашаққа» түлектер кездесуі өтті

25.06.2018

Қырымбек Көшербаев: Цифрлық технологиялар жаңа заманның «мұнайы»

25.06.2018

Тартылыс заңы немесе туристерді тамсандырған шаһар

25.06.2018

Ұлттық домбыра күні Астанада «Домбыра – асыл мұра» көпшілік серуені өтеді

25.06.2018

Сенат Төрағасы журналистерді кәсіби мерекесімен құттықтады

25.06.2018

Қорғаныс министрлігінің басшылығы республикалық БАҚ жетекшілерімен кездесу өткізді

25.06.2018

Бессайыстан әлем кубогы аяқталды

25.06.2018

Маңғыстаулық мемлекеттік қызметшілер қос мерекені атап өтті

25.06.2018

1 шілдеден бастап зейнетақы мөлшері артады

25.06.2018

Тәртіпті таксидің жұлдызды шағы

25.06.2018

Сағынтаевтың қатысуымен Ақмола облысының денсаулық сақтау жүйесі талқыланды

25.06.2018

Семейде Сабантой мерекесі облыстық деңгейде тойланды

25.06.2018

Мың бояулы шаһардың бір күні

25.06.2018

ҚР ЕХӘҚМ базалық зейнетақы қалай есептелетінін түсіндірді

25.06.2018

Премьер-Министр жұмыс сапарымен Ақмола облысына барды

25.06.2018

Ақтауда университет түлектеріне диплом табысталды

25.06.2018

77 жылдан соң оралу

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Асқақтатам деп, аласартып алмайық

Бір әріптесіміз көгілдір экраннан «тақыр жерде тұрғызылған қала» туралы көсіліп сөйлеп тұр. Тақырып Астана туралы екен. Мерейтойы иек астына келіп қалған шаһарды мақтауға теңеу таппай қатты қиналса керек, тілінің ұшына оралған тіркестің түрі әлгіндей.

Жолдыбай БАЗАР, «Егемен Қазақстан»

Бас ауырып, балтыр сыздағанда...

Халықты әлеуметтік тұрғыда қолдау ісі мемлекеттік саясаттың басым бағыттарының бірі екені дау тудырмайды. Дегенмен қолға алынған әлеуметтік шаралардың ойдағыдай жүзеге асуына кейбір келеңсіз жағдаяттардың кедергі келтіріп, тұрғындардың көңіл-күйіне кері әсерін тигізіп жататыны жасырын емес.

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сотқа жүгінбейтін адам жоқ. Бірақ солардың дені «Мен сүттен ақ, судан тазамын» дейді. Яғни «Мен кінәлімін, мен ұры­мын, мен парақормын» деп ешкім айта қоймайды. Және тараптардың қай-қай­сының да сотта келтірген уәждері сенім­ді көрі­неді. 

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу