Нағашысына тартқан жиендер

Жуырда «Егемен Қазақстан» газетінде жат елдердің намысын қорғап, көз арбаған биіктерді бағындырған қандастарымыз туралы мақала жарияланған еді («Жаттың намысын жыртқан қазақтар», «ЕҚ», №64, 05.04.2018 ж.). Бүгінгі мақаламыз соның жалғасы іспеттес. Бұл жолы біз шет мемлекеттердің туы астында өнер көрсеткенімен, қазаққа жиен болып келетін әйгілі спортшылар жайында жазуды жөн көріп отырмыз. Расында да «Алып анадан туады» деген аталы сөз тегін айтылмаған ғой...

Егемен Қазақстан
17.04.2018 5423
2

2016 жылдың тамыз айында Бра­зилияның Рио-де-Жанейро қаласында өткен Олимпия ойындарын тамашалап отырып, қызықты бір жайтқа қанық болдық. Жағажай волейболынан жарыс өтіп жатты... Сол додада Италия құрама командасының мүшелері – Паоло Николай мен Даниэле Лупоның өнері көпшіліктің көңілінен шықты. Барлық қарсыластарын қоғадай жапырған олар жартылай финалда Ресей жұлдыздары – Вячеслав Красильников пен Константин Семеновқа сан соқтырып, ақтық айқасқа жолдама алды. Финалда бразилиялық Алисон Серутти мен Бруно Оскар Шмидтен ұтылған Апеннин түбегінің түлектері күміс медальді иеленді.

Айтпағымыз, Олимпиаданың күміс жүлдегері атанған Даниэле Лупоның (суретте) анасы қазақ екен. Даниэле 1991 жылдың 6 мамырында Римде дүниеге келді. Анасының аты-жөні – Гүлсім Жұмағұлова. Атақты спортшының әке-шешесі 1980 жылы Мәскеуде Олимпия ойындары өтіп жатқан кезде танысыпты. Ол кездері Гүлсім апайымыз КСРО астанасындағы институттардың бірінде оқып жүрген. Екі жастың сезімі махаббатқа ұласып, қазақ қызы Карло Лупомен бірге Апеннин түбегіне аттанады.

Бұл күндері жиеніміз жағажай волейболындағы марқасқалардың бірі әрі бірегейіне айналып отыр. Оның бойы – 194 сантиметр, салмағы – 77 кило. 2012 жылғы Лондон Олимпиадасында Италия құрамасы ширек финалға дейін жетті. Өзінің командалық әріптесі Паоло Николаймен бірге Даниэле Лупоның екі рет Еуропа чемпионы атанып, бірқатар аса ірі халықаралық жарыстарда жеңіс тұғырына көтерілді.

2013 жылы Алматыдағы Балуан Шолақ атындағы спорт сарайында бокс­шы­лардың әлем чемпионаты дүркі­реп өткені есімізде. Жергілікті жанкүйер­лер өз жерлестеріне барынша қолдау көрсетіп, күн сайын оларды жі­гер­лендіріп отырды. Сондай-ақ қазақ­стандық көрермендердің әзербай­жандық Теймур Мамедов пен ресейлік Артем Чеботаревқа да ықыласы ерекше болды. Себебі олар да біздің жиендеріміз. Әлем чемпионатының қола жүлдегері атанған қос саңлақтың аналары – қазақтың қарапайым қыздары.

Теймурдың ата-анасы Шымкентте туып, өсті. Екеуі осы жерде танысып, Кеңес Одағының іргесі сөгілгеннен кейін Қап тауы бөктеріне қоныс аударды. 1993 жылдың 11 қаңтарында Теймур дүниеге келеді. Отағасы Физули де кезінде тәуір боксшы болған көрінеді. 13 жасында ол ұлын бокс үйірмесіне жетектеп әкеледі. Жастар арасындағы жарыстарда жасындай жарқыраған жігерлі өрен ересектер дуына да еркін қосылып, түрлі додаларда даралана бастайды.

91 кило салмақта өнер көрсететін Мамедов 2012 жылы Лондон Олимпиа­дасының күміс медалін мойнына тақты. 2011 жылы Баку және 2013 жылы Алматыдағы әлем чемпионатында жүлдегерлер қатарынан көрінді. 2011 жылы Еуропа біріншілігінде топ жарса, 2013 жылы айтулы жарысты кү­міспен қорытындылады. Ал 2015 жылы Әзербайжанның астанасында тұңғыш рет ұйымдастырылған Еуропа ойындарында Теймурға тең келер ешкім болған жоқ.

Артем Чеботарев 1988 жылдың 26 қазанында Саратов облысында дүниеге келді. Әкесінің есімі – Николай, анасы – Дина. Бокс әліппесін ол нағашысы Еділбай Қазиевтен үйре­неді. 75 кило салмақ дәрежесінде жұдырық­тасқан Артем 4 рет Ресей чемпионы атанып, 2010 жылы Мәскеуде өткен Еу­ропа біріншілігінде алтын тұғырға көтерілді. 2013 жылы Алматыда жалауы желбіреген әлем чемпионатының жартылай финалында ирландиялық Джейсон Куиглиге жол беріп, қола медальді иеленді. 2016 жылы Рио Олимпиадасына қатысқанымен, бұл жарыста оның жолы болмады.

Былтырдан бері Артем кәсіпқой рингте бақ сынап жүр. Сол аралықта төрт рет шаршы алаңға көтерілген ол барлық бәсекеде басымдық танытып, үш қарсыласын есінен тандырды. Жиеніміздің ендігі арманы – кәсіпқой бокстағы ең белді нұсқалардың бірі бо­йынша әлем чемпионы атану.

Қысқа қайырсақ, спорт әлемінде есімі көпшілікке жақсы таныс жиен­деріміздің жүріп өткен жеңісті жолдары осындай. Қазіргі кезде де қазақ жан­күйерлері олардың жолына үлкен үміт­пен қарап, әркез тілекші болуда. Өйт­кені жиендеріміздің жеңісі бізге де ортақ!

Ғалым СҮЛЕЙМЕН,
«Егемен Қазақстан»

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу