Головкин-Мартиросян жекпе-жегінен не күтеміз?

Орта салмақта WBC, WBA (Super), IBF және IBO тұжы­рым­дары бойынша әлем чемпионы Геннадий Головкин (37-0-1, 33 КО) мен америкалық боксшы Ванес Мартиросян (36-3-1, 21 КО) 5 мамыр (Астана уақытымен 6 мамыр) күні АҚШ-тың Калифорния штатындағы Карсон қаласында орналасқан Stub­Hub Center аренасында жекпе-жек өткізеді.

Егемен Қазақстан
04.05.2018 7389
2

Биылғы көктемнің ең ма­ңыз­ды жекпе-жегі мексикалық Сауль Альварес пен отандасы­мыз Геннадий Головкин арасында өтуі керек болатын. Алай­да мексикалық боксшы кленбутеролмен ұсталып, Невада ат­летикалық комиссиясы оны тыйым салынған дәрі қолданды деп, жарты жылға бокстан шет­тетті. Бесінші мамырдағы Голов­кин-Альварес кездесуі кейінге шегерілген соң, Головкин жанкүйерлеріне уәде еткендей дәл сол күні жекпе-жек өткізуге ниетті болды. Сөйтіп Геннадий 5 мамыр күнгі айқасқа өзі­не қарсылас іздей бастады. Отан­дасымызға қарсы шығуға Демет­риус Андраде, Джермалл Чар­ло, Сергей Деревянченко мен Гарри О’Салливан сынды бокс­шылар дайын екендіктерін жет­кізгенімен, оларға ұсынған сыйа­қы өте аз мөлшерде болған­дық­тан және тағы басқа себептермен бірқатары айқастан бас тартты.

Ал Геннадий Головкиннің IBF белбеуіне негізгі үміткер боксшы Сергей Деревянченконың командасы Головкиннің промоутеріне бірнеше рет жекпе-жек өткізуге ұсыныспен шыққанымен, оны Том Леффлер қайтарып тастады. Себебі дәл қазіргі жағдайда Головкин үшін Деревянченко қаржылық жағынан, көрермен тарту мен билет сату жағынан және тағы басқа талаптар бойынша өте тиімсіз қарсылас. 

Негізі Головкин әу бас­та Аль­вареспен жекпе-жек өт­кі­зе­тін болып келіскен соң, бүкіл дайындығы мен жоспарын соған қарай құрған болатын. Ал қысқа мерзім ішінде Голов­кинге қайтадан жоспар құру тиім­сіз еді. Сондықтан ол жұды­рық­тасу стилі мексикалық бокс­шыға сай келетін қарсылас іздеді. Іздегенге сұраған дегендей, Головкинге Мартиросян табы­ла қалды және оның шартына да көнді. Сондай-ақ Головкин үшін үміткерлердің ішіндегі ең қауіпсізі Мартиросян болды. Ванес 2016 жылы Эрисланди Ларадан жеңілгеннен кейін екі жылдай жекпе-жекке шықпаған және орта салмақта ешқашан жұдырықтасып көрмеген. 

Қалай қарасақ та, 5 мамыр­ға жоспарланған үлкен жек­пе-жектің орнына Том Лефф­лер Головкинге кездесу ұйым­дас­тырып берді. Дегенмен Голов­кин бәрін шегеріп қойып, алдағы Альварес, Сондерс немесе Деревянченкомен үлкен жекпе-жек дайындауы керек еді. Жалпы, 5 мамырда бізді алдамшы айқас күтіп тұр. Себебі екі боксшы да жақсы ақша табады және екеуі де тәуекелге бармайды. Былайша айтқанда, балықсыз жерде Мартиросян да шортан бола алады.

Жанкүйерлер арасында «Го­лов­кин неге дәл бұл датада жек­пе-жек өткізбекші?» деген заңды сауал туындайтыны анық. Бұл сұрақтың жауабы мынадай: 1862 жылы 5 мамырда Пуэбло түбінде Мексиканың 4000 әс­кері 6500 адамы бар француз әс­керіне қарсы тұрып, жеңіске жеткен-тұғын. Головкинге де осы күні жекпе-жек өткізу үшін мексикалық боксшы керек болды. Дегенмен жанкүйерлердің де, ұйымдардың да көңілінен шығатын мексикалық боксшы табылмаған соң, бұл жолы мексикалықтың рөлінде Головкин, ал Ванес Мартиросян күтпеген жерден бас салған француз әскерінің рөлінде болмақ. Жанкүйерлердің Головкиннен күтетіні де осы – аяусыз жекпе-жек, афишада жазылғандай «mexicanstyle». 

Жекпе-жек қарсаңында әлемдік және отандық бокс сарап­шы­лары мен мамандар өз пікір­лерін айтып жатыр. Қазақстан кәсіп­қой бокс федерациясының вице-президенті Виктор Демья­ненконың айтуынша, Головкин күзге дейін рингке бір рет болсын шығып, шаршы алаңға бойын үйретіп алу керек дейді.

«Бұл Головкиннің карье­ра­сын­дағы орта деңгейлі бокс­шы­ның бірі. Дегенмен Головкиннің ұсынысына кім келісті, ол соны таңдады. Геннадий – орта салмақтың чемпионы және ол кім­мен жұдырықтасатынын өзі шешеді. Әрине Деревянченко Мартиросянға қарағанда лайық­ты қарсылас. Бірақ Геннадий тәуекелге барған жоқ. Ал жекпе-жекті 5 мамырда өткізуін дұрыс шешім деп қабылдаймын. Өйт­кені оған іс жүзінде тәжірибе ке­рек. Головкин былтырғы қыр­күйек­тен бері шаршы алаңға шық­қан жоқ. Сондықтан ол алда­ғы күзге дейін рингке бір рет бол­сын шығып, шаршы алаңға бойын үйрету керек», дейді ол. 

Ал америкалық бокс комментаторы Джек МакКаферри Головкин Мартиросянды таң­дап, дұрыс шешім қабылдады дей­ді. «GGG өте дұрыс шешім қабылдады. Ол барлық мүмкін­дігін іске салып, өзіне лайықты қарсылас тапты деп ойлаймын. Жалпы, «Канелоның» допинг-дауына іліккені Головкиннің бүкіл жоспарын жоққа шығарды. Сондықтан оның қазіргі таңда кез келген қарсыласты таңдауына құқығы бар». 

Головкин Мартиросянға қарсы жекпе-жекке барлық белдігін ортаға салып отыр. Бұған дейін Халықаралық бокс фе­де­рациясы (IBF) өздерінің бел­дігін Ванеске қарсы қорғауға қарсылық білдірген. Ұйымның айтуынша, қазақстандық боксшы міндетті қарсылас украиналық Сергей Деревянченкомен кездесуі керек болған. Алайда Геннадийдің командасы IBF ұйымынан белбеуді қорғау мерзімін кейінге шегеруге рұқсат сұрап, аталған ұйымға 20 мың доллар өтемақы төлеген. Дегенмен IBF украиналық боксшымен қағаз жүзіндегі келісімшарт 3 тамызға дейін жасалуы тиіс. Бұл шарт орындалмаған жағдайда Головкин IBF белбеуінен айырылып қалуы мүмкін.

Сонымен қатар Головкин мен Мартиросянға Дүниежүзілік бокс кеңесі (WBC) арнайы белдік жасатқан. Bats'il Ajaw Chiapas деп аталатын белбеу ресми нұсқасы бойынша «Нағыз батыр белбеуі» деген мағынаны білдіреді және ол WBC негізін қалаушы, Мексика президенті Адольфо Лопес Матеостың құрметіне арналған.

Бүгінге дейін Головкин-Мартиросян айқасына алты мыңға жуық билет сатылған екен. Бокс кешінің ең арзан билеті 53 доллар болса, ең қымбат билет 767 доллар көлемінде. Ресми мәлімет бойынша StubHub Center аренасының сыйымдылығы 8 мың орын. Демек әлі де екі мыңға жуық билет сатылымда деген сөз.

Головкин-Мартиросян бокс кешінде бірінші жартылай орта салмақта жұдырықтасатын отандасымыз Руслан Мәдиев те өзінің кезекті кездесуін өткізеді. Бүгінге дейін 11 кездесу өткізіп, барлығында жеңіске жеткен Мәдиев мексикалық Хесус Переспен айқасады. 

Перес те өте қарымды бокс­шы. Кәсіпқой бокста 21 жекпе-жек өткізіп, 16 қарсыласын мер­зі­мінен бұрын жеңген. 

Кеше StubHub Center аренасында жұдырықтасатын бокс­шылардың барлығы баспасөз мәс­лихатына қатысып, жекпе-жек алдындағы көз арбасу рәсі­мінен өтті. Жекпе-жекті аме­­ри­калық HBO телеарнасы тіке­лей эфирде көрсетеді. Өкініш­ке қарай, қазақстандық жан­күйерлер Головкин мен Марти­росянның қатысуымен өтетін бокс кешін отандық телеарна­лардан көре алмауы мүмкін. Өйткені еліміз бойынша бүкіл аймаққа таралатын, айқасты көрсетеді-ау деген негіз­гі үш телеарнаның бағдарла­малар кестесінен Головкин-Мар­ти­росян көрсетілімін таба алмадық. 

Сонымен екі боксшы айқасқа тас-түйін дайын. Сіз бен біз секілді жанкүйерлерге нағыз бокс кешін сыйлауға дайын екендіктерін де жеткізді. Ал енді Гена жеңе ме, Ванес басым бола ма, оған 5 мамырда куә боламыз. 

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

16.01.2019

Сыртқы істер министрлігіне жаңа вице-министр тағайындалды

16.01.2019

Елімізде әлеуметтік кәсіпкерліктің дамуына қолдау көрсетеді

16.01.2019

Қазақстандықтар азық-түлікке қанша жұмсайды

16.01.2019

Зәуреш Ақашева: үстел теннисінен Ресей суперлигасы үлкен тәжірибе сыйлады

16.01.2019

Биатлоннан Қазақстан кубогі: екінші жарыс күнінің нәтижесі

16.01.2019

Әзербайжан мен Армения Сыртқы істер министрлері кездесті

16.01.2019

«Татулық» орталығының пайдасын дауласқандар көреді

16.01.2019

Атыраулық кәсіпкерлерді не алаңдатады?

16.01.2019

Соңғы технологиялар темекімен күресте жеңіп шықты

16.01.2019

Салықтық рақымшылықты жүргізуді қарастыратын Заң күшіне енді

16.01.2019

Сақтағанның жұмыртқалары лайкқа зәру емес

16.01.2019

Ресей, Иран, Әзербайжан үшжақты саммитке дайындалып жатыр

16.01.2019

Асқар Мамин Түркістандағы құрылыс жұмыстарымен танысты

16.01.2019

Бақтияр Зайнутдинов «Ростов» сапында алғашқы ойынын өткізді

16.01.2019

ШҚО Риддер қаласында «Көшбасшы болғың келе ме?» атты шара өткізілді

16.01.2019

Алматыда сымбатты ескерткіш орнатылды

16.01.2019

Алматыда аудармашылар мен авторлар кездесті

16.01.2019

Жанкүйерлер «Астана Опера» балет труппасын Нұрсұлтан Назарбаев әуежайында қарсы алды

16.01.2019

Депутат «Астана-Арена» стадионындағы кемшіліктерді атап көрсетті

16.01.2019

Ең белсенді салық төлеуші 126 084 түбіртек жіберген

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

Қарашаш ТОҚСАНБАЙ, «Егемен Қазақстан»

Ataý men aqaý

Dúken, meıramhana, qonaq úı, shashtaraz, sulýlyq, sán salondary, basqa da túrli nysandardyń ataýy mańdaıshaǵa japsyryla salǵan jáı ǵana jazý emes, ulttyq bolmysymyzdy, ulttyq rýhymyzdy, qoǵamdyq sanany qalyptastyratyn, tárbıelik máni zor mańyzdy faktor sanalady. Solaı degenmen ókinishke qaraı, bul qurǵyryń túbiri sýyrylmaı qalyp qoıatyn aramshópti qansha otaǵanyńmen qaıta-qaıta qaýlap shyǵa beretini sıaqty áli kúnge deıin sheshimin tappaǵan túıini kóp túıtkildiń birine aınalyp otyr.

ҰҚСАС ЖАҢАЛЫҚТАР

Тағы да оқу

Пікір қосу