Бес әлеуметтік бастаманың орындалуы бақылауда

Елбасы Н.Назарбаевтың «Президенттің бес әлеуметтік бастамасы» атты Үндеуінде «жоғары білім алудың қолжетімділігі мен сапасын арттырып, студент жастардың жатақханадағы жағдайын жақсартуға» қатысты нақты ұсыныстар айтылып, міндеттер жүктелген болатын. Бұл орайда бастамаларды жүзеге асыру бойынша жауапты органдар анықталып, іс-шаралар айқындалды. Сондай-ақ Мемлекет басшысының тапсырмаларын іске асыруды «Нұр Отан» партиясы бақылауына алды.

Егемен Қазақстан
04.05.2018 1026
2

Мемлекет басшысының тапсырмасы өңірлерде қалай орындалуда? «Нұр Отан» партиясының Оңтүстік Қазақстан облыстық филиалында «Білім беру» бағыты бойынша партиялық куратордың комиссиясы көшпелі отырыс өткізіп, жоғарыдағы сұраққа жауап іздеді. Отырыста Мәжіліс депутаты, комиссия төрағасы Ә.Бектұрғанов, Білім және ғылым министрлігі Техникалық және кәсіптік білім департаментінің директоры Н.Оспанова, облыс әкімінің орынбасары Е.Садыр, Мәжіліс депутаты, комиссия мүшесі Б.Хаменова баян­дама жасап, өзекті мәселелер бойынша өз ұсы­ныстарын ортаға салды. Мысалы, Мәжіліс депутаты Ә.Бектұрғановтың айтуына қа­рағанда, еліміздегі колледждерді материал­дық-техникалық қамтамасыз ету 50 пайыз­дың маңында. Кәсіптік білім алушылар­ды шәкіртақымен, жатақханамен, тамақ­пен қамтамасыз етуде де бірқатар мәселе бар. Жоғары оқу орындары, мектеп тура­лы көп айтылады, ал колледждердің жағ­дайы көлеңкеде қалуда. Ал Мәжіліс депу­таты Б.Хаменова өз баяндамасында тех­ни­калық және кәсіптік білім беруде бағдар­лама ескіргенін, жергілікті жерлерде элек­тронды оқулық құралдары жеткіліксіз екенін атап өтті. Еліміздегі 824 колледждің 41%-ы ғана талапқа сай. 2011 жылдан бері кол­ледждерге республикалық бюджеттен қаржы бөлінбеген. Тек жергілікті бюджет қаржысымен және гранттармен күн көріп келеді. Мүмкіндігі шектеулі балалардың кәсіптік білім алуы ескерілмеген, яғни арнайы оқу орны да, мамандар да жоқ.

Техникалық және кәсіптік білім беру бойынша Оңтүстік Қазақстан облысында да шешімін күткен мәселелер аз емес. Елбасы биылғы Жолдауында жұмыс берушілерді тарту арқылы халықаралық талаптар мен цифр­лы дағдыларды ескере отырып, техникалық және кәсіптік білім беру бағдарламаларын жаңартуды тапсырған болатын. Облыс әкімінің орынбасары Е.Садыр осы бағытта бірқатар жұмыс қолға алынғанын атап өтті. Өңірде 12 жоғары, 94 арнаулы оқу ор­ны бар. Арнаулы оқу орындарының 43-і мем­лекеттік болса, 51-і жекеменшік. Облыста жұ­мыс берушілерді тарту арқылы дуалды оқы­ту жүйесі 2 жоғары оқу орнында және 38 колледжде 33 мамандық бойынша 173 кәсіп­орынмен меморандум жасалған. «Кәсіпкер­лер палатасымен бірлесіп құрылыс, техни­калық, ауылшаруашылық және қызмет көр­сету салалары бойынша дуалды оқыту жүйе­сі енгізілді. Дегенмен заман­ауи жабдықтал­ған ірі кәсіпорындар жастарды оқытуға келісе бермейді. Осы орайда студенттерді тәжірибеден өткізу, оқыту үшін оларға түрлі салық жеңілдіктерін қарастыру қажет секілді. Сондай-ақ барлық колледждердің ма­териалдық-техникалық базасын жабдықтау мүмкін емес. Өйткені техника мен технология күнде дамып жат­қан­дықтан, биыл жабдықталған колледж келесі жылы ескіріп қалуы мүмкін», дейді Е.Садыр.
Президенттің бес әлеуметтік бастамасында жоғары оқу орындары мен колледждердің студенттерін жатақханамен қамтамасыз ету мәселесі өте өзекті екені айтылған болатын. Бұл орайда облыста ағымдағы жылдың екінші жартысында 2 жоғары оқу орны – Сырдария университеті (254) және Оңтүстік Қазақстан педагогикалық университеті (500) тарапынан 754 орындық 2 жатақхана пайдалануға бе­рілетін болады. Сонымен қатар колледж студенттеріне 11 жатақхана салу жоспарланып, оның 9-на жер телімі бөлінген, тиісті жұмыстар атқарылуда. Қолданыстағы 21 жатақханада күрделі және ағымдағы жөндеу жұмыстарын жүргізу жоспарлануда. Облыс әкімінің орынбасары келтірген деректерге қара­ғанда, өңірдегі 12 жоғары оқу орнының күн­дізгі бөлімінде білім алатын 45 мыңнан астам студенттің 15 мыңы жатақханаға мұқ­таж. Бүгінде олардың 48 пайызы немесе 7200 студент жатақханамен қамтылған. Ал кәсіп­тік-техникалық колледждерде күндізгі бөлім­де білім алатын 67 мың студенттің 11500-і жа­тақ­ханаға мұқтаж, қазіргі таңда олардың 70,4 пайызы немесе 8105 студент жатақха­нада тұрады. 

Комиссия отырысында жастардың мамандық таңдауы, ұсыныс пен сұраныстың сәйкессіздігі сынды мәселелер талқыланып, қорытындысы бойынша мемлекеттік органдарға жолдау үшін ұсыным қабылданды.

Ғалымжан ЕЛШІБАЙ,
«Егемен Қазақстан»

Оңтүстік Қазақстан облысы
 

СОҢҒЫ ЖАҢАЛЫҚТАР

20.09.2018

«Жаңа еңбекақы төлеу жүйесіне көшу - оңтайландыру нәтижелеріне тікелей байланысты болады» Алик Шпекбаев

20.09.2018

Кесенелер тұрғызу жарысқа айналып бара ма?..

20.09.2018

Бүгін елімізде машина жасаушыларының VI форумы басталды

20.09.2018

Атырауда халықаралық ғылыми-тәжірибелік конференция өтті

20.09.2018

Бакуде дзюдодан әлем чемпионаты басталды

20.09.2018

Қоқыс өңдейтін цех ашар едім - Сергей Привалов

20.09.2018

Доллар бағамы 358 теңгеге түсті

20.09.2018

Ұрпақ сабақтастығының үлгісі

20.09.2018

АҚШ-тағы «Флоренс» дауылынан зардап шегушілер саны артты

20.09.2018

«Хат қоржын» (20.09.2018)

20.09.2018

Еурокомиссия Амазонға қатысты антимонополиялық тексерулерін бастауы мүмкін

20.09.2018

Әлеуметтік мәртебесі рәсімделеді

20.09.2018

Көкірек көзіміз қайтсек ашылады?

20.09.2018

Оралда бұқаралық домбыра тартудан рекорд жасалды

20.09.2018

Ұлттық ұлан командирлері біліктілігін шыңдады

20.09.2018

Қызылордада «Үздік анықтаушы» анықталды

20.09.2018

Балуандар Бухаресте бақ сынайды

20.09.2018

Кенияда жаттығып жүрген қазақ қызы

20.09.2018

Ақын Сараның 165 жылдығына арналған айтыс өтті

20.09.2018

Кинематографияға қатысты құжат мақұлданды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

Александр ТАСБОЛАТОВ, «Егемен Қазақстан»

Tо́relik qyzmetke tо́r qashan beriledi?

Abaı atamyz: «Burynǵy qazaq jaıyn jaqsy bilgen adamdar: «bı ekeý bolsa, daý tórteý bolady» dep aıtypty», deıdi. Rasynda, bul sózdiń ómir tájirıbesinen alynǵanyna esh kúmán joq. О́ıtkeni bul arada hakim bıdiń sany emes, sapasy daýdy azaıtatynyna mán bergeni anyq. Al endi bul búgingi kúni de elimiz aýmaǵyndaǵy tórelik qyzmet prosesinde týyndaıtyn qoǵamdyq qatynastardy sheshýde eń basty eskerer jaıt bolyp tur. Sebebi azamattyq daýlardy qaraýda qara qyldy qaq jaratyn ádil sheshimge qol jetkizý áli de arman.

ҰҚСАС ЖАҢАЛЫҚТАР

Тағы да оқу

Пікірлер(8)

Орынбасар (04.05.2018 16:42:49)

Әрбір еліміздің азаматы Елбасының осы 5 бастама реформасынан көп жақсылық күтіп отыр, қазірдің өзінде де 7-20-25 тұрғын үй бағдарламасы жүзеге асырыла бастады, алдағы уақытта студенттерге жатақаналар салынса, бұл тіптен жастарға үлкен көмек болар еді.

Жорабек (04.05.2018 16:36:39)

Алдағы уақытта 5 әлеуметтік бастама бағдарламасы жаңа сатыға шығып, халыққа пайдасы мол болады.

Орынбасар (04.05.2018 16:33:49)

Бес әлеуметтік бастама бұл Елбасымыздың қарапайым халық үшін бағытталған реформаларының бірі, сондықтан да алдағы уақытта ол өзінің жақсы нәтижесін береді деген ойдамыз.

Нурсая (04.05.2018 14:05:41)

все эти 5 инициатив думаю очень хорошо повлияет на наше будущее, главное надо идти в этом темпе

Айман (04.05.2018 14:03:34)

талапқа сай колледждер, университеттер, жатақханалар өте көп. бұл мәселені қарастыру керек

Айдар (04.05.2018 14:01:15)

осы бастаманың халыққа берері мол, барлығымыз бақытты өмір сүріп кетеміз деп ойлаймын

Айнагуль (04.05.2018 13:37:17)

Бес әлеуметтің бастаманың орындалуын қадағалау керек, гранттың көптеп бөлінуі, жатақхананың салыну, қолжетімді баспана бәрі де тиімді.

Ереке (04.05.2018 12:30:43)

Бес әлеуметтік бастаманың орындалуын бүкіл халық та бақылап отыр, себебі, бұл бағдарлама қазіргі кезде барлығының қызығушылығын алған. Мейілінше тезірек орындауға тырысу керек.

Пікір қосу