Үкіметте жылу беру маусымының қорытындысы қаралды

Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында 2017/2018 жылғы жылу беру маусымының өту қорытындысы және алдағы жылу беру маусымына дайындық мәселелері қаралды.

Егемен Қазақстан
15.05.2018 2180
2

Энергетика министрі Қанат Бозымбаев күзгі-қысқы кезең тұрақты өткенін атап өтті. Қысқы ең жоғары қуат көрсеткіші 28 қаңтарда белгіленді және 14 615 МВт-ты құрады, бұл 2017 жылғы деңгейден шамамен 4,5% артық.

Энергия кәсіпорындарының негізгі жабдықтарында жоспарланған жөндеулер толық көлемде орындалды. Электр стансалары бойынша 10 энергия блогы, 59 қазан және 39 турбина жөнделді. Сондай-ақ, 638 орталықтандырылған қазандық, 24,3 мың шақырым электр беру желілерінің жөндеу жұмыстары жүргізілді.

Өткен күзгі-қысқы кезеңде электр стансаларында және электр желілерінде өткен кезеңмен салыстырғанда технологиялық бұзылулардың саны 12% төмендеді.

«Энергия жүйесінде өткен жылыту маусымында ірі технологиялық бұзушылықтарға жол берілмеді. Жылыту маусымында электр стансаларында электр генерациясының толық төмендеуінің 26 жағдайы белгіленді, бұл өткен жылғы деңгейден 26% аз», — деді энергетика министрі.

Қаңтардың екі аптасында, ең төменгі сыртқы ауа температурасы -45 ºC, ал еліміздің оңтүстік өңірлерінде -40 ºC-ге дейін болып, 2012 жылғы тіркелген минимумнан 2 ºC-қа төмен болған кезде, энергетикалық кәсіпорындар тұтынушыларды тұрақты электрмен қамтамасыз етті.

Өткен жылыту маусымында жалпы алғанда энергия көздерінде пайдаланылатын отын қорының қажетті мөлшері қамтамасыз етілді. Оперативтік штаб көмірді энергия көздеріне жеткізу жағдайын тұрақтандыру жұмысын орындады.

Қ. Бозымбаев Үкімет қорынан 2017–2018 жылдардағы жылыту маусымына отынды сатып алу үшін Қостанай, Шығыс Қазақстан, Жамбыл облыстарының энергия көздеріне 1178, 7 млн теңге қаражат бөлінді.

Биылғы қаңтар айында ауа-райы жағдайының нашарлауына байланысты өндіру және тиеу жұмыстарының шектелуіне қарамастан, көмір өндіру кәсіпорындары осы жылдың төрт айында 36 млн тонна көмір өндірді.

Сонымен бірге, Қ. Бозымбаев алдағы күзгі-қысқы кезеңге дайындық жұмыстары бекітілген кестеге сәйкес жүргізіліп жатқанын атап өтті.

Энергетика министрлігі Үкіметтің өкіміне сәйкес энергетика кәсіпорындарындағы жөндеу жұмыстарының мониторингін ұйымдастырды және айына екі рет алынған ақпаратты Үкіметке жібереді.

Біртұтас электр энергетикалық жүйесіндегі электр стансаларының негізгі жабдықтарын жөндеу кестесіне сәйкес биыл 8 энергия блогын, 56 қазанды, 45 турбинаны жөндеу жоспарланған. Мамырдың бірінші онкүндігіне 2 энергия блогының, 4 қазанның және 4 турбинаның жөндеу жұмыстары аяқталды. Жөндеу жұмыстары 2 энергия блогында, 17 қазанда және 8 турбинада жүргізілуде. Жалпы, жөндеу жұмыстары кестеге сәйкес жүргізілуде.

Министрлік орталық және жергілікті атқарушы органдармен бірлесіп, энергия кәсіпорындарының алдағы жылыту маусымын өткізуге дайындық жұмыстарын жүргізетін болады.

Өз кезегінде, инвестициялар және даму министрі Жеңіс Қасымбек жалпы 2017/2018 жылдардағы жылыту маусымы республика бойынша тұрақты режимде өткенін айтты. ҚР ИДМ жылыту маусымының өту барысына автономдық қазандықтардың, жылумен жабдықтау, сумен жабдықтау және су бұру желілерінің жұмысындағы технологиялық ақаулар бөлігіне мониторинг жүргізді. Әкімдіктер технологиялық бұзушылықтарды қысқа мерзім ішінде шешіп отырды.

Сондай-ақ, Ж. Қасымбектің айтуынша, жылыту маусымының басында тұтынушылардың коммуналдық қызметтер үшін дебиторлық берешегі 14,5 млрд теңгені құраған. Биыл сәуір айындағы жағдай бойынша берешек 1,3 млрд теңгеге азайған.

Алдағы 2018/2019 жылдары жылыту маусымына уақытылы әрі сапалы дайындалу мақсатында ҚР ИДМ жылыту маусымына дайындық жөніндегі жұмыс Жоспарын бекітті.

«Жоспарға сәйкес облыстардың, Астана және Алматы қалаларының әкімдіктеріне: 2018 жылдың 1 қыркүйегіне дейін білім беру нысандарының 100% дайындығын, 15 қазанға дейін барлық коммуналдық шаруашылық, әлеуметтік сала нысандарының, тұрғын үйлердің дайындығын аяқтап, автономдық қазандықтарды отынның нормативтік қорымен қамтамасыз ету қажет», — деді Ж. Қасымбек.

Қазіргі таңда жоспар әкімдіктерге жеткізіліп, оны жүзеге асыру бойынша жұмыстар жүргізіліп жатыр.

Өңірлерде жылыту маусымына дайындық бойынша қабылданып жатқан шаралар туралы Ақмола облысының әкімі М. Мырзалин, Қарағанды облысының әкімі Е. Қошанов, Павлодар облысының әкімі Б. Бақауов, Астана қаласының әкімі Ә. Исекешев баяндады.

Мәселені қарау қорытындысы бойынша ҚР Премьер-Министрі Бақытжан Сағынтаев жалпы жылу беру маусымы тұрақты өткенін айтып, орталық және жергілікті атқарушы органдарға алдағы күзгі-қысқы кезеңге дайындық бойынша бірқатар нақты тапсырмалар берді.

Энергетика, инвестициялар және даму министрліктеріне жылу беру маусымына дайындық жөніндегі іс-шаралардың орындалу барысына мониторинг жүргізу тапсырылды. Өңір әкімдеріне барлық жылыту және электрмен жабдықтау, коммуналдық сектор және әлеуметтік сектор нысандарының жоспарлы жөндеу жұмыстарының орындалуын қамтамасыз ету тапсырылды.

Премьер-Министр өткен жылы кейбір өңірлерде көмір тапшылығы мен көмір бағасының қымбаттауы орын алған қолайсыз жағдайдың қайталанбауын тапсырды. Әкімдерге Энергетика министрлігімен бірлесіп, көмір тапшылығын болдырмау мақсатында жылу беру маусымы басталар уақытқа қарай коммуналдық-тұрмыстық қажеттіліктер үшін тиісті отын қорын қамтамасыз ету тапсырылды.

Монополияға қарсы комитетке көмір бағасының негізсіз өсуі және ықтимал алып-сатарлық элементтерін шектеу тапсырылды.

Бақылау жұмыстары ҚР Премьер-Министрінің бірінші орынбасары А. Маминге жүктелді.

СОҢҒЫ ЖАҢАЛЫҚТАР

23.01.2019

Ресей 2020 жылғы Олимпиада ойындарына қатыспауы мүмкін

23.01.2019

Қытайдың ІЖӨ-нің өсу қарқыны ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Данияр Елеусінов шаршы алаңға наурызда шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Г.Әбдіқалықова Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу