Елбасы шетелдік жетекші сарапшылармен кездесті

Нұрсұлтан Назарбаев ХІ Астана экономикалық форумына келген шетелдік жетекші сарапшылармен кездесті, деп хабарлады Президенттің баспасөз қызметі.

Егемен Қазақстан
17.05.2018 3971
2

Дөңгелек үстел форматында өткен кездесу барысында экономикалық дамудың және сауда қатынастарының жаһандық үрдістері, «жасыл» экономикаға көшу, баламалы энергия көздерін пайдалану, Қазақстанның көлік-транзит әлеуетін дамыту және экономиканы цифрландыру мәселелері талқыланды.

Кездесуде Эстонияның бұрынғы Президенті Тоомас Ильвес ұлттық экономиканы цифрландыру тәжірибесі жөнінде айтып, цифрлы экономикаға тиімді көшу үшін саяси ерік-жігердің болуы маңызды екеніне тоқталды. Т.Ильвес цифрлы қызметтер көрсетуді дамытудың, желі қолданушыларының цифрлы сауаттылығын арттырудың және ақпараттық қауіпсіздікті қамтамасыз етудің маңыздылығын атап өтті.

Дүниежүзілік сауда ұйымы бас дирек­торының орынбасары Алан Вольф халықаралық электронды сауда жүйесін дамытудың қазіргі ахуалы мен перспективалары жөнінде әңгімеледі.

Еуропа қайта құру және даму банкінің бірінші вице-президенті Юрген Ригтеринк Қазақстан экономикасының өсімін және оның қайта құрылып келе жатқанын атап өтіп, еліміздің көлік-транзит әлеуетін, агроөнеркәсіп кешені мен «Астана» халықаралық қаржы орталығының мүм­кін­діктерін пайдаланудың маңызды екенін айтты.

Біріккен Ұлттар Ұйымы Сауда және даму жөніндегі конференциясының Бас хатшысы Мухиса Китуйи Қазақстандағы кедендік декларациялаудың жеңілдетілуі есебінен қол жеткізілген оң нәтижелерге тоқталды.

Бейбітшілік жөніндегі Нобель сыйлы­ғының лауреаты Раджендра Кумар Пачаури климат өзгерістері салдарынан туындаған проблемаларға тоқталып, «жасыл» технологияларды дамытудың және кеңейтудің маңыздылығын атап өтті. Раджендра Кумар Пачаури Астанада өткен халықаралық ЭКСПО-2017 мамандандырылған көрмесінің тақырыбы мен оның нақты нәтижелерінің өзектілігіне назар аударды.

Бейбітшілік жөніндегі Нобель сыйлы­ғының лауреаты Рае Квон Чунг та «жасыл» экономикаға көшудің қажеттігін айтып, баламалы энергия көздерін қолданудың жағымды тұстарын атап өтті.

«DP World» компаниясы басқар­ма­сының төрағасы Сұлтан Ахмед бин Сулайем логистикалық жобаларды іске асыру саласындағы ынтымақтастықты одан әрі нығайта түсуге мүдделілік танытты. Сұлтан Ахмед бин Сулайем Ақтау қаласындағы порт пен «Қорғас» шекара маңы ынтымақтастығы орталығын пайдаланудың тиімділігі жөнінде айтты.

Доктор Энтони Таунсенд «ақылды қалаларды» дамыту және қалаларды басқару үдерісінде жасанды интеллект технологияларын қолдану жөніндегі ойын ортаға салды.

Әлемнің жетекші сарапшыларының баяндамалары тыңдалған соң Қазақстан Президенті жиынға қатысушыларға Астана экономикалық форумына қатыс­қаны және дөңгелек үстел отырысында айтқан идеялары үшін ризашылық білдірді.

– Еуропада Давос форумы, бізде Астана экономикалық форумы, ал Тынық мұхитының жағалауында Боао Азия форумы бар. Бұл форумдар бір ғана мақсатты – қалыптасқан ахуалдан шығу жолын іздеуді көздеп отыр. Біз әлемдік форумдардың бәрімен ынтымақтастық орнатып, мемлекеттер мен халықтардың игілігі үшін жұмыс істегіміз келеді. Бұл – даму, ілгерілеу және түсіністік мүм­кіндігі, – деді Мемлекет басшысы.

Нұрсұлтан Назарбаев жиынға қатысқан сарапшылардың бәрі Астана эконо­микалық форумының беделін нығай­туға және оны дамытуға үлес қос­қанын атап өтті.

Мемлекет басшысы Қазақстанның даму тарихына тоқталып, елімізде этносаралық және ұлтаралық келісімді сақтау және нығайту жолында атқарылған жұмыс тәжірибесі жөнінде айтты.

– Біз Конституцияда, заңнамалық деңгейде және іс жүзінде барлық азаматтар құқықтарының теңдігін қамта­масыз еттік. Қазақстанда барлық діни конфессиялардың өкілдері тұрады. Оларға діни наным-сенім бостандығы берілген. Дәстүрлі діндердің әлемдік көшбасшылары өздерінің съездерін дәл осы Астанада өткізуге шешім қабылдады. Биыл кезекті VІ съезд өткелі отыр, – деді Қазақстан Президенті.

Нұрсұлтан Назарбаев Қазақстанның барлық көршілес елдермен достық және әріптестік қарым-қатынас орнатқанын атап өтті.
Мемлекет басшысы еліміздегі барлық азаматтардың тұрмысын жақсартуға бағытталған шаралардың арқасында біздің қоғамда тұрақтылық пен келісімге қол жеткізілгенін айтты.

– Тәуелсіздік жылдарында экономикамыз 25 есе өсті. Жан басына шаққанда ішкі жалпы өнім 12 мың АҚШ долларына жетті. Енді Ұлттық қорда жинақталған қаржының арқасында инфрақұрылымдық және индустриялық даму, сондай-ақ білім беру мен денсаулық сақтау салаларына арналған бағдарламаларды жүзеге асы­рып келеміз. Елімізде өмір сүру ұзақ­тығы 7 жылға ұзарды. Біздің жас ұрпа­ғы­мыз білімді және өршіл мақсатпен бола­шақ­қа көз тігеді, – деді Қазақстан Президенті.

Соңында Қазақстан Президенті Ас­тана экономикалық форумына қатысу­шы­ларға тағы да ризашылық білдіріп, олардың ұсыныстары мен идеялары елімізді одан әрі дамыту үшін маңызды екенін атап өтті.
 

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу