Үкімет басшысы табиғатты қорғау және орман мекемелерінің өртке қарсы техникасын арттыруды тапсырды

Бүгін ҚР Премьер-Министрі Бақытжан Сағынтаевтың төрағалығымен өткен Үкімет отырысында ішкі істер министрі Қ. Қасымов пен ауыл шаруашылығының бірінші вице-министрі А. Евниев орман және дала өрттерінің алдын алу және оларды жоюға даярлық мәселелері жөнінде баяндады.

Егемен Қазақстан
22.05.2018 3778
2

ІІМ басшысы атап өткендей, жыл сайын табиғи өрт деңгейі айтарлықтай артып келеді. Сонымен қатар, бүгінде өңірлерде орман және дала өрттерінің алдын-алу шаралары басталды.

«Мамыр айының соңына дейін Төтенше жағдайлар комитетінің өрт сөндіру инспекциясы Ауыл шаруашылығы министрлігі мен әкімдіктерге қарайтын ұлттық парктерді, табиғи қорықтарды тексеруді аяқтайды. Балалар лагерлерін тексеруге де ерекше назар аударып отырмыз», — деді Қ. Қасымов.

Орман-дала алқаптары мен демалыс орындарын күн сайын патрульдеу қолға алынған. Осы мақсатта мемлекеттік өрт бақылау, орман шаруашылығы мекемелері мен жергілікті полиция қызметкерлерінен тұратын мобильді топтар құрылуда.

Қазіргі таңда шекаралас аймақтарда бірлесе әрекет ету мәселелері қаралып жатыр. Осыған орай, Ресей Федерациясының Төтенше жағдайлар министрлігінің көршілес жатқан бес бөліністерімен тактикалық оқу-жаттығулар өткізу жоспарланған.

Ішкі істер министрі, сондай-ақ, қосымша пысықтауды талап ететін бірқатар мәселелерді атап өтті. Олардың қатарында — өңірлердің автоцистерналармен аз қамтылуы, техниканың ескіруі, мемлекеттік өртке қарсы қызмет бөлімшелері жоқ елді мекендердің болуы.

Бұдан өзге, Қ. Қасымов «Семей орманы» резерватындағы кешегі өрттің салдарын жою барысы туралы хабарлады. ІІМ басшысының айтуынша, Семей маңындағы қарағай орманында 21 мамырда сағат 14.30-да өрт шыққан. Өртті сөндіру кезінде 8 бірлік техника және табиғи резерваттан 79 адам тартылған. Сонымен қатар, қосымша 244 адам мен 55 бірлік техника тартылған. Өскеменнен МИ-8 тікұшағы келді. Сағат 21:00-де жалпы күштердің көмегімен өрт толық сөндірілді.

«100 гектар орман өртке оранды, қазіргі кезде өрт сөндірілген, өрттің таралу қаупі жоқ, тергеу тобы өрттің пайда болу себептерін анықтау жұмыстарын жүргізіп жатыр», — деді Қ. Қасымов.

Сонымен қатар, Қ. Қасымовтың айтуынша, өрттің негізгі себебі — адам факторы, белгіленген ережелер мен шараларды сақтамау.

Шығыс Қазақстан облысының әкімі Д. Ахметов, Ақтөбе облысының әкімі Б. Сапарбаев, Жамбыл облысының әкімі А. Мырзахметов, Солтүстік Қазақстан облысының әкімі Қ. Ақсақалов, Павлодар облысы әкімінің орынбасары Ұ. Жазылбек өңірлердегі орман және дала өрттерінің алдын алу және оларды жоюға даярлық мәселелері жөнінде баяндады.

Осы жылдың өрт қаупі бар маусымында мемлекеттік орман иеленушілердің орман өрттерін жоюға дайындығы туралы ауыл шаруашылығы бірінші вице-министрі А. Евниев баяндады.

Еліміздің мемлекеттік орман қорының (МОҚ) жалпы көлемі 29,8 млн гектарды құрайды. Өрт таралуының негізгі себебі — орман мекемелерінің әлсіз материалдық-техникалық базасы, сондай-ақ өрт бақылау мұнараларының жоқтығы.

2018 жылдың өрт қаупі бар маусымына дайындық кезінде АШМ әзірлік іс-шараларының кешенін өткізді. 

ҚР аумағында орман және дала өрттерінің алдын алу және жою жөніндегі іс-шаралар жоспары бекітілді, сондай-ақ облыстар әкімдіктерінің орман шаруашылығы құрылымдық бөлімшелерінің, АШМ табиғат қорғау мекемелерінің және ҚР ІІМ Төтенше жағдайлар комитетінің ведомстволық бағынысты ұйымдарының орман өрттерімен күрес бойынша өзара іс-қимыл жоспарлары келісілді.

А. Евниевтің айтуынша, 244 дана өрт сөндіру автомашинасы жөнделіп, дайындық жағдайына келтірілді, сондай-ақ 460 дана дөңгелекті тракторлар пайдалануға дайын.

«Ғарыш сапары» АҚ–мен бірлесіп орман өрттері мен орман қоры алқаптарына ғарыштық мониторинг жүргізу мәселесі пысықталды.

«Орман өрттерін уақытылы анықтау және жою мақсатында ағымдағы жылы «Қазавиаорманқорғау» РМҚК күшімен республиканың сегіз облысында 8,869 млн гектар алқапта немесе республиканың мемлекеттік орман қоры аумағының 30%-ында авиациямен қарауылдау жүзеге асырылатын болады», — деді А. Евниев.

Ішкі істер және ауыл шаруашылығы министрліктерінің есептерін қарағаннан кейін, ҚР Премьер-Министрі Бақытжан Сағынтаев, биыл Қазгидромет болжамына сәйкес республиканың кейбір өңірлерінде жаз мезгілінде ауа температурасы нормадан жоғары болатынын атап өтті. Бұл жағдайлар еліміздің орман және дала аймақтарында өрт қауіпсіздігін қамтамасыз ету мәселелеріне көбірек назар аударуды талап етеді.

Ауыл шаруашылығы министрлігіне, Инвестициялар және даму министрлігіне облыстарының, Астана және Алматы қалаларының әкімдіктерімен бірлесе отырып, табиғатты қорғау және орман мекемелерінің өртке қарсы техникамен қамтамасыз етілу деңгейін арттыру шараларын қабылдау тапсырылды.

Әкімдіктер мен Ішкі істер министрлігіне балалар сауықтыру лагерлерінің, санаторийлер мен демалыс орындарының өртке қарсы қауіпсіздік шараларына ерекше назар аудару тапсырылды.

Ішкі істер министрлігі мүдделі мемлекеттік және жергілікті атқарушы органдармен бірлесіп, орман және дала өрттерінің алдын алу және оларды жою жөніндегі ведомствоаралық іс-қимыл жоспарының сапалы орындалуын қамтамасыз етуі қажет.

Аталған мәселе бойынша үйлестіру жұмыстары Премьер-Министрдің орынбасары – ауыл шаруашылығы министрі Ө. Шөкеевке тапсырылды.

СОҢҒЫ ЖАҢАЛЫҚТАР

19.02.2019

Салық төлеушілердің 20 миллион теңге өсімпұлы кешірілді

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол-көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу