Үкіметте менингиттің алдын алу шараларын күшейту мәселесі қаралды

Кеше Премьер-Министр Бақытжан Сағынтаевтың төраға­лығымен өткен Үкімет отырысында Қазақстанның «жасыл» экономикаға көшу жөніндегі тұжырымдамасын іске асыру барысы нақтыланып, электронды коммерцияны дамыту және де VII азаматтық форумның ұсынымдарын іске асыру мәселелері талқыланды. Жоспардағы күн тәртібінен тыс Денсаулық сақтау министрі Елжан Біртанов елдегі менингококк инфекциясының таралуына байланысты баяндама жасап, бүгінгі ахуалдың мән-жайын түсіндіріп өтті. 

Егемен Қазақстан
06.06.2018 1965
2

Менингиттің алдын алу шаралары күшейтіледі

Е. Біртановтың мәліметінше, 2018 жылдың басынан бері менин­гококк инфекциясын жұқ­тыр­ды деген күдікпен 593 адам қаралып, 213 адам емдеуге жат­қыз­ылған. Олардың арасында 58 науқастан менингококк инфекциясы расталды. Олардың арасында 14 жасқа толмаған 21 бала бар. Бүгінге дейін емханадан он адам емдеп шығарылса, 55 науқас әлі дәрігерлердің қатаң бақылауында. 

Аталған сырқаттан 13 адам қайтыс болды. Оның ішінде Алматы облысында − 4, Қызы­л­орда облысында − 1, Оңтүс­тік Қазақ­стан облысында − 2, Алма­ты қаласында − 6 адам. Өкі­ніш­ке қарай қайтыс болғандар арасында алты бала бар деді министр. Сондай-ақ ол менингитпен күрес бойынша арнайы штаб құрылғанын хабарлап, Премьер-Министрден штаб жұмысына көмек беруді сұрады. Атаған мәселеге қатыс­ты Премьер-Министр Бақытжан Сағын­таев халық арасында үрей тудырмау үшін, менингококк инфекциясының жағ­дайына қатысты ақпараттық-түсін­діру жұмыстарын жандандыруды, құрылған штабтар жұ­мыс­тарының толық ашықтығын қамтамасыз етуді, өңірлердегі вакцина бағаларын реттеу мәсе­лелерін тез арада шешуді тапсырды. Бұған қоса, менингококк инфекциясының күдігімен жүгінген барлық науқастарға шұғыл медициналық қызмет көрсету және олардың аумақтық тіркелуіне қарамастан жақын емхана­ларда қабылдау жұмыс­тарын жеделдету тапсырылды. 

«Жасыл» экономиканың дамуы қарқынды

Жиын барысында Энер­ге­тика министрі Қанат Бозым­баев 2014-2017 жылдарға арнал­ған Қазақстанның «жасыл» эко­­номикаға көшуі жөні­н­дегі тұжы­­рымдаманың қорытын­­ды­ларымен таныстырды. Министр­дің мәлімдеуінше, өткен жылы шамамен 1,1 млрд кВт/сағат «жасыл» энергия өндірілсе, биыл қуаттылығы шамамен 138 МВт жаңғырмалы энергия көздерін қосу жоспарланып отыр. Республика бойынша жалпы қуаттылығы 352 МВт балама энергия көздерін пайдаланатын 58 нысан жұмыс істейді. Жыл соңына дейін жаңғырмалы энергия қуаттылығын 490 МВт-ға дейін жеткізу көзделген. 

Келешекте жаңғырмалы энер­­гия көздерінің құнын тө­мен­­детуді біз аукцион­дық ме­ха­низмді ендірумен бай­ланыс­­­тырып отырмыз. Бұл өз кезе­гінде инвесторлар мен жо­ба­ларды іріктеу процесін ашық әрі түсінікті етуге, екінші жағы­нан тарифтерді азайтуға ық­пал ететін технологиялар мен жобаларға басымдық береді деді Қ.Бозымбаев. Сонымен қатар қалдықтарды басқару сала­сында қайталама шикізат, қал­дық­тарды бөлек жинау, қайта өңдеу және кәдеге жарату талап­тарын анықтау бойын­ша нормативтік-құқықтық база құрылып, биыл­ғы жылғы жоспар бойын­ша өндірістік қалдықтарды қайта өң­деу үлесін 32 пайызға, тұрмыс­тық қатты қалдықтардың үлесін 11 пайызға жеткізу көзделген. 

Ауыл шаруашылығы вице-министрі Ерлан Нысанбаев өз баяндамасында Қазақстанның «жасыл» экономикаға көшу тұжы­рымдамасына сәйкес таби­ғи экожүйелерді, оның ішінде орман шаруашылығының дамуы қарқын ала бастағанын айтты. Оның айтуынша, Қазақстан орманы аз мемлекеттер қатарына жатқызылады. Орман алқаптары жалпы ел аумағының 4,7 пайызын ғана құрайды. Жасыл желек­терді көбейту мақсатында ел аумағында жасыл аймақтар құру жұмыстары басталған. Соңғы 7 жылда мемлекеттік орман қоры аумағында орман өсіру көлемі 453 мың гектарды құраған. Ал биыл жоспарланған көлем 68 мың гектарды құрайды. «Жасыл қалалардың» көшін бастайтын  Астанада 78 мың гектарлық жасыл аймақ құрылып, 2023 жылға қарай оның көлемін 100 мың гектарға жеткізу жоспарланып отыр.

Электронды саудадан келер пайда мол

Үкімет отырысындағы күн тәртібіне енгізілген екінші та­қы­рып − электронды коммер­цияны дамыту мәселелері бойынша Ұлттық экономика министрі Тимур Сүлейменов пен Ақпарат және коммуникациялар министрі Дәурен Абаев баяндама жасады. Т. Сүлейменовтің ай­туынша, «Цифрлы Қазақстан» мемлекеттік бағдарламасы мен Электронды сауданы дамытудың жол картасы аясында негізгі іс-шараларды жүзеге асыру бас­талған уақыттан бері оң үр­діс байқалады. Ресми статис­ти­ка деректеріне сәйкес, 2017 жылы электронды сауда нары­ғы­­н­ың көлемі 106,9 млрд тең­гені құраған. Бұл бөлшек сауда­дағы тауар айналымы жалпы көле­мінің 1,2 пайызын құрап, атал­ған саладағы өсім 36,2 па­йы­зға жеткен. «Қазпошта» АҚ жедел деректері бойынша, 2018 жылдың 5 айындағы электронды сауда нарығының көлемі 101 млрд теңгені құрап отыр. Биылғы жылдың басынан бері 110 жаңа электронды сауда субъектілері тіркеліп, қазіргі уақытта нарықта 1658 интернет-дүкен жұмыс жасайды. Сатып алушылар саны да өткен жылмен салыстырғанда 5 пайызға өсіп отыр. Электронды сауда нарығы арқылы 71,6 мың адам жұмысқа орналасқан.

Ақпарат және коммуникациялар министрі Дәурен Абаев жасаған баяндамада «Цифрлы Қазақстан» мемлекеттік бағдар­ла­масының басты бағыттарының бірі – электронды сауданы, қар­жылық технологияларды және қолма-қол төлемді дамыту екен­дігі айтылып, аталған бағытта жасалып жатқан жұмыстар кеңінен сөз болды. Халық арасында интернетті пайдаланушылар санын көбейту жұмыстарының қарқынды жүргізіліп, заман талабына сай телекоммуникация­лық инфрақұрылымды құру нәти­же­сін­де елімізде интернетті пайдаланушылар саны 2017 жылы 78,8 пайызға жеткен. Бұған қоса, ауылдық елді мекендер­дегі талшықты оптикалық байланыс желілері технологиясы бойынша кең жолақты интернетпен қамтамасыз ету жобасы іске қосылған. 2021 жылы тұрғындардың саны 50-ден асатын 6000 ауылдық мекенді интернетпен қамту да жос­парланып отыр. Сондай-ақ Д.Абаев электронды сауда-сат­тық­ты реттеуде, электронды төлемдер қабылдауда халық пен кәсіпкерлердің цифр­лық сауат­тылығын арттыруға, инфра­­құрылым мен логистиканы дамытуға бағытталған шаралар жүргізіліп жатқанын атап өтті. Халықтың цифрлық сауаттылығын арттыру бойынша аталған министрлік «Зерде» холдингі, Азаматтарға арнал­ған үкімет, Ұлттық ақпараттық тех­но­логиялар, «Қазпошта» АҚ және жергілікті атқару­шы органдармен бірлесіп оқыту бағ­­дар­­ламаларын әзірлеген. «Цифр­лы Қазақстан» мемлекет­тік бағ­д­арламасы және оның жекелеген бағыттарын ақпараттық қолдау бойынша отандық телеарналарда 18 телехабар таратылып, электронды коммерцияны енгізу, интернет-дүкен ашу алгоритмін, онлайн-бизнесті дамытуды ақпараттық қолдау мақсатында «Қазпошта» АҚ 2018 жылға арналған медиажос­пар дайындаған. Еліміздегі интернет-ресурстарда электронды коммерция тақырыбы бойынша 88 материал жарияланғанын да атап өтті министр. 

Азаматтық сектордың белсен­ділігін арттыру көзделеді

Қазақстанның VІІ азамат­тық форумының ұсынымдарын іске асыру туралы Дін істері және азаматтық қоғам министрі Дархан Кәлетаев баяндады. Д.Кәлетаевтың айтуынша, 2017-2018 жылдарға арналған VІІ азаматтық форум ұсынымдарын орындау бойынша іс-шаралар жоспары ҮЕҰ ұсыныстары негізінде әзірленген. Жалпы, жоспардың 53 тармағының 18-і орындалып, 35-і жүзеге асу үстінде. Айта кетерлігі, өткен жылы ұсы­нымдарды жүзеге асыру шең­берінде жалпы сомасы 12,8 млрд теңгені құрайтын ҮЕҰ-ның 2 333 әлеуметтік жобасы жүзеге асырылды. Орталық деңгейде 7 министрлік, жергілікті деңгейде 102 облыстық және 198 қалалық, аудандық мемлекеттік органдармен бірлескен жоба жүзе­ге асырылды. Биыл мемле­кет­­тің әлеуметтік тапсырыс­ты қаржыландыру көлемі 19,3 млрд теңгені құрап, мемлекеттік әлеуметтік тапсырыс көлемі де ұлғаймақ. 

Еркежан АЙТҚАЗЫ,

«Егемен Қазақстан»

СОҢҒЫ ЖАҢАЛЫҚТАР

24.09.2018

Ұлы Дала Еліне саяхат — «Жаңа Жібек жолы» бағыты бойынша экспедиция Таразға келіп жетті

24.09.2018

Қыздар Университетінің студенттері республикалық турнирдің жеңімпазы атанды

24.09.2018

Талдықорған қаласы әкімінің жаңа орынбасары тағайындалды

24.09.2018

25 қыркүйекте Үкімет үйінде Қазақстан Үкіметінің отырысы өтеді

24.09.2018

Ақтауға үлкен футбол оралды

24.09.2018

Үш дзюдошымыз да алғашқы айналымда ұтылды

24.09.2018

Оралда бокстан халықаралық турнирдің жеңімпаздары анықталды

24.09.2018

Қазақстанда ұшақ билеттері арзандауы мүмкін

24.09.2018

Қазақстанда 14 миллион тоннаға жуық астық жиналды

24.09.2018

«Түн құдайы» фильмі Парижде өткен ретроспектива барысында көрсетілді

24.09.2018

Универсиада алауы Алматы арқылы өтті

24.09.2018

Бүгін Бакуде үш дзюдошымыз белдесуде

24.09.2018

Бизнес салымдар үшін қай қаржы ұйымы тиімді?

24.09.2018

Юлия Путинцева WTA жаңартылған рейтингінде 46-орынға көтерілді

24.09.2018

БҰҰ Бас Ассамблеясының 73-ші сессиясы өз жұмысын бастады

24.09.2018

Виктория көліндегі апатта қаза тапқандар саны 225 адамға жетті

24.09.2018

Солтүстік Қазақстанда Жансүгір батырға еңселі кесене тұрғызылды

24.09.2018

Музей қызметкерлеріне үстемеақы төленгені жөн

24.09.2018

Жергілікті ерекшеліктер ескерілсе игі

24.09.2018

Қайрат «қаһарына» мінді

ТАҒЫ ЖҮКТЕУ
КОЛУМНИСТЕР

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу