Мәжілістің үшінші сессиясы қорытындыланды

Алтыншы шақырылған Парламент Мәжілісінің үшінші сессиясының соңғы жалпы отырысының күн тәртібіне төрт мәселе шығарылды. Мәжіліс Төрағасы Нұрлан Нығма­тулин­нің төрағалығымен өткен бұл отырыста депутаттар бірнеше заң жобасын тұтастай мақұлдады.

Егемен Қазақстан
28.06.2018 3195
2

Депутаттар алдымен «Еура­зиялық экономикалық одақ шеңберінде ауыл шаруашылығы өсімдіктері тұқым­дарының айналысы туралы келісімді ратификациялау туралы» заң жобасы бойынша қорытынды әзірлеу жөнінде шешім қабыл­дады. Бұл келісімнің мақ­саты – Еуразиялық эконо­микалық одақ шеңберінде тұ­қымдардың жалпы нары­ғын дамыту, аталған одаққа мүше мемлекеттердің өсім­дік тұқымдарының жалпы ақпараттық ресурсын қалып­тастыру, сонымен қатар тұқым­ның сұрыптық және егу сапасын айқындаудың бір­ың­ғай әдістерін қолдануды қам­тамасыз ету. Келісімді іске асыру сұрыптарды сынау, тұқым саласындағы заңна­маны жетілдіру, еліміздің Еуразиялық экономикалық одақ шеңберінде тұқымдар­дың жалпы нарығына шығу мүмкіндігін кеңейтуге, селек­ция­ны және тұқым шаруа­шы­лығын дамытуды қамтамасыз етуге, сондай-ақ отандық ауыл шаруашылығы өнімдерін бәсекеге қабілеттілігін артты­руға мүмкіндік бермек.

Жалпы отырыста сондай-ақ «1996 жылғы 12 маусымдағы Табыс пен мүлікке қосарлан­ған салық салуды болдырмау туралы Қазақстан Респуб­ли­­касының Үкіметі мен Өз­бек­стан Республикасының Үкіметі арасындағы келісімге өзгерістер мен толықтырулар енгізу туралы Қазақстан Рес­публикасының Үкіметі мен Өзбекстан Республикасының Үкіметі арасындағы хаттаманы ратификациялау туралы» заң жобасы да мақұлданды. Аталған мәселе бойынша баяндама жасаған Қаржы министрі Бақыт Сұлтанов заң жобасының негізгі баптарына тоқталып өтті.

«Заң жобасында бірінші­д­ен, алдағы уақытта салық­тың барлық түрлері бо­йынша ақпарат алмасуды қалып­тастырып, салық қызметтері арасындағы ынтымақ­тастық­ты нығайту қолға алынады. Екінші­ден, ішкі заңнамада көзделген салық төлеуден жалтаруға қарсы шараларды қолдану; үшіншіден, заңды тұлғалар бо­йынша қосар­ланған резиденттік проблемаларын жою; төртіншіден, кейбір қызмет түрлерін жүзеге асырған кезде, олардың табыстарына бірінші күннен бастап салық салу көзделген», деді Б.Сұлтанов.

Қаржы министрінің айтуына қарағанда, Қазақстан мен Өзбекстанның тауар айналымы соңғы 10 жылда (2008-2017 жылдар) 17,8 млрд АҚШ долларын құрады. Өткен жылдың көрсеткіші бойынша отандық экспорттың негізгі баптары қара металдар (22,6%), мұнай өнімдері (18,9%), бидай (16,7%), бидай ұны (9,1%) болып отыр. Ал импорт құрылымында жемістер мен жаңғақтар (32,5%), табиғи газ (15,5%), көкөніс (10,2%) басымдыққа ие.

Депутаттар «Еуразиялық экономика­лық қоғамдастыққа мүше бір мемлекеттің азаматтары Еуразиялық экономикалық қоғамдастыққа мүше екінші мемлекеттің аумағында еңбек қызметін жүзеге асыру кезінде ұшыраған өндірістегі жазатайым оқиғаларды тергеп-тексеру тәртібі туралы келісімді ратификациялау туралы» заң жобасын да тұтастай мақұлдады.

Бұл құжат бойынша баян­дама жасаған Еңбек және ха­лықты әлеуметтік қор­ғау министрі Мәдина Әбіл­қасымова:

«Келісім Еуразиялық экономика­лық қоғамдастық­қа мүше мемлекеттер­дің өнді­ріс­тегі жазатайым оқи­ға салдарынан зардап шек­кен азаматтардың еңбек құқық­тарын қорғауға бағытталған. Келісім қызметтік іссапар кезеңінде еңбек қызметін жүзеге асыратын азаматтармен ғана емес, өз бетінше жұмысқа орналасқан азаматтармен, сондай-ақ мекемелер жұмысқа қабылдап алған жұмыскерлермен де болған жазатайым оқиғаларды тексеру тәртібін бекітуге арналған. Жалпы алғанда, Еуразиялық экономикалық қоғамдастыққа мүше бір мемлекеттің азаматтарымен екінші мемлекеттің аумағында еңбек қызметін жүзеге асырғанда ұшыра­ған өндірістегі жазатайым оқиғаларды тексеру тәртібі жұмысқа орналастырушы мемлекеттің заңнамасына сәйкес белгіленеді», деді.

Бұл ретте, келісімде қатысу­шы елдер үшін өндірістегі жазатайым оқиға туралы актінің бірыңғай формасын бекіту көзделген. Ал тексеру аяқталғаннан кейін, жұмыс беруші жазатайым оқиғадан зардап шеккен қызметкерге жазатайым оқиға туралы актіні беруге міндеттелмек. Сондай-ақ актінің бір данасы жұмысқа орналастырушы мемлекеттің еңбек инспекциясына жолданады.

«Топтық, ауыр немесе адам өліміне әкеп соққан жазатайым оқиғаларды тексеру аяқталғаннан кейін, актіні тексеру материалдарымен бірге зардап шегуші азаматтың тұратын мемлекетінің уәкі­лет­ті органына жолданады. Қатысушы мемлекеттің аума­ғындағы болған жазатайым оқиғаны тексеруге байланыс­ты берілген құжаттар немесе екінші қатысушы елдің біреуінің аумағында жасал­ған құжаттардың көшірме­­­лері қоғамдастықтың басқа елдерімен заң­дастырусыз қабылданады», деп атап өтті министр.

Мәжілісте осыдан тура бір жыл бұрын бірінші оқылымда мақұл­данған «Қазақстан Рес­публикасының кейбір заң­намалық актілеріне жарнама мәселелері бойынша өз­герістер мен толықтырулар енгізу туралы» заң жобасы да екінші оқылымда мақұлданды. Жарнама қызметін мемлекет­тік реттеуді жүйелендіруге және жарнама саласындағы заң­наманы жетілдіруге ба­ғыт­талған құжатқа осы уа­қыт аралығын­да жұмыс тобы шамамен 200 түзетуді қараған.

Жалпы отырыс соңында депутаттар орталық және атқару­шы органдардың басшыларына депутаттық сауалдарын жолдаған соң Мәжіліс Төрағасы Нұрлан Нығматулин биылғы сессия жұмысын қорытындылады. Мәжіліс Төрағасы өз сөзінде:

– Бұл сессия Елбасымыз Нұрсұлтан Әбішұлы Назарбаевтың Мәжілістің алдына қойған маңызды міндет­тері мен тапсырмаларын орын­дауға арналды. Ең бас­тысы, Президентіміз Парламентте өзінің Бес әлеуметтік бастамасын жариялаған болатын. Сондықтан осы бастамаларды сапалы заңдармен қамтамасыз ету біздің депутаттарымыздың осы сессиядағы негізгі міндет­терінің бірі болды. Бұл жолда көптеген заң қабыл­данып, көптеген парламенттік шара өтті, – деді.

Атап айтар болсақ, осы сессияда Мәжілістің 38 жалпы отырысы өтіп, 200-ден астам мәселе қаралды. Осы кезеңде палата қарауында 128 заң жобасы болып, оның 91-і мақұлданып, Сенатқа жолданған. Сонымен бірге 18 «Үкімет сағаты» мен 2 парла­менттік тыңдау, 21 көш­пелі отырыс және 3 халық­ара­лық конференция ұйымдас­тырылды. Палата Төрағасы атап өткендей, осының барлы­ғы – депутаттық корпустың Үкіметпен, тиісті мемлекеттік органдармен және қоғамдық ұйымдармен бірлесе атқарған жұмысының нәтижесі.

Ал ертеңге жоспарланған Парламент палаталарының бірлескен отырысында Парла­мент­тің үшінші сессиясы қоры­тындыланып, алдағы жоспарлар белгіленетін болады.

Серік ӘБДІБЕК,

«Егемен Қазақстан»

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу