Астанада халықаралық XIV «Еуразия» кинофестивалі ашылды

Астананың «Қазақстан» Орталық концерт залында 1-7 шілде аралығында өтетін халықаралық XIV «Еуразия» кинофестивалі салтанатты түрде шымылдығын түрді. Қазақ жерінде өтетін кинодуманға дүниенің түкпір-түкпірінен ат терлетіп жеткен отандық, голливудтық, ресейлік кино дүлдүлдері дәстүр бойынша қызыл кілемнің үстімен жүріп өтті.  

Егемен Қазақстан
03.07.2018 3961
2 Суреттерді түсірген Орынбай БАЛМҰРАТ, «Егемен Қазақстан»

Отыздан аса мемлекеттен кел­ген құрметті қонақтарды кинофестивальдің президенті, Қазақстанның халық әртісі Айман Мұсақожаева құшақ жая қарсы алды. Орталық Азия­дағы ең ауқымды кино бәй­гесінің ғасырлардың қуа­тын, тағылымын, кеңістігін сим­воликалық атау аясына сыйдыра отырып «Еуразия» айдарымен әлемге танылғанына да биыл тұп-тура он төрт жыл. 1998 жылы Алматыда алғаш рет халықаралық «Еуразия» кинофестивалі қанат қаққаннан бастап Қазақстанға көптеген Голливуд жұлдыздары, Еуропа кинематографтары, Азия ре­жиссерлері мен Ресей про­дю­серлері қонақ болып келеді. Еу­разияның жүрегінде, Батыс пен Шығыстың тоғысқан жерінде бой көтерген Астана Еуразия құрлығының барша мәдениетін өз бойына сіңірген қала бол­ғандықтан да өнер арқылы ынтымақтасуды мақсат тұтып, дәл осы фестивальдың тұсауын өз аспаны астында кес­кен еді. Соңғы жиырма жылда Қазақстан киносы әлем­­дік өнер додасына белсене араласа бастады. Ауқымды ки­но­жобаларға қатысып, абырой биігіне көтеріле бастаған Еу­разия кинофестивалінің та­нымалдылығы мен деңгейі жыл­дан-жылға артып келеді. Қазір ол әлемдік кинопродюсерлер қауымдастығы мойындаған Орталық Азиядағы ең ірі өнер алаңы. 2012 жылы Британия ки­но академиясы Еуразия кино­фестивалін әлемнің 35 көш бас­­таушы фестивальдардың қа­тарына қосты. «Еуразия» ки­нофестивалінің мақсаты – отан­дық кино өндірісті қолдау, оны дамыта отырып, Орталық Азия ай­мағындағы киноөндірісі өр­кендеген жетекші рөлге ие болу. Қоян-қолтық қарым-қатынасты дамытып, мәдениеттер алма­суы мен Азия мен Еуропа ара­­сындағы кинобизнесті өр­кендетуге қолайлы жағдай туғы­зу да осы фестивальдың бас­ты мін­деттерінің бірі. 

Астанада өткен былтырғы кинофестивальға әлемнің түкпір-түкпіріндегі елдерінен 150-ден артық фильм ұсынылса, Ас­тананың 20 жылдық мерейто­йына арналып отырған биылғы XIV халықаралық кинофестивальда дүние жүзіндегі ең танымал режиссерлерден 1000-ға тарта ұсыныс келіп түскен. Фес­­тиваль комиссиясының ірік­­­теуінен өткен 80-нен аса мем­­­лекеттің 95 картинасы кө­рермен назарына ұсынылады. 2017 жылы және биылғы жыл­дың бастапқы алты айында түсірілген бұл фильмдердің 12-сі негізгі байқауға, 36 қысқа метражды фильм және бәйге аясында көрсетілетін арнайы бағ­­дарламалық байқауларға қа­тысады. 

Кинофестиваль қонақта­ры­ның алдында сөз алған Мәде­ниет және спорт министрі Арыс­танбек Мұхамедиұлы мен «Еуразия» кинофестивалінің президенті Айман Мұсақожаева Астананың 20 жылдығына арналған халықаралық «Еу­разия» кинофестиваліне қаты­сушыларды құттықтап, сәт-сапар тіледі. 

Фестиваль деңгейінің биік­теуі қазылар алқасының құ­ра­мына байланысты да артып ке­леді. Биылғы бәйге қоржынына келіп түскен фильмдерді төрт құрамнан тұратын қазылар алқасы саралап, анықтайтын болады. Негізгі қазылар алқа­сы, қысқаметражды фильм­дер алқасы және екі тәуелсіз қа­зы­лар алқасы бір апта бойы жұ­мыс істейді. Тәуелсіз қазылар дегеніміз, мұндай маңызды фес­тивальдарда алтын арыстандармен, пальмалармен немесе басқа да сыйлықтармен қатар ФИПРЕССИ, қарапайым тілмен айт­қанда, киносыншылардың да халықаралық сыйлығы беріледі. Сондай-ақ  биылғы фестивальдың екінші тәуелсіз қазылары қата­рында, әлемнің 5 құрлығында өтетін 28 халықаралық фести­вальға қатысып, Азия кино­сының эталонын анықтау ке­зінде шешуші рөл атқаратын НЕТПАК қазылар алқасы да өзінің меншікті сыйлығын та­ға­йындап отыр. Міне, осын­дай ауқымдағы қазылар құра­мында туындылары «Үлкен үш­тік» кинофестивальдардың бай­қауларына 8 рет іріктеліп, Пекин, Канн, Берлин кино­байқауларында жүлдегер болған қытай режиссері Ван Сяошуай, халықаралық деңгейде аса беделді кинофестивальдардың ұйымдастырушысы және бағ­дарлама директорларының бірі Питер Скарлет, Иран ки­но­академиясының үздік фильм­дерін іріктеу комис­сиясының төрағасы, продюсер Амир Эс­фандиари, Қазақстан кинематографистер одағының төрағасы Ермек Тұрсынов, Италия кино жұлдызы Габриэлла Кристиани, ал қысқаметражды фильмдерді іріктейтін қазылар құрамында Түркияның атақты жазушысы, заманауи киносының бел­ді режиссер-продюсері Се­мих Капланоглу, Клермон-Фер­ран­дағы Халықаралық қыс­қа­метражды фильмдер фес­тивалінің негізін қалаушы Джордж Буллон, сингапурлік өнер кураторы және режиссері Джереми Чуа, сербиялық актер Милош Бикович, Канн фес­тивалінің үздік актрисасы Самал Еслямовалар бар. Сал­­­танатты шарада құрметті қазылар сарапшылық ететін таң­дау­лы фильмдерден үзінділер көр­сетілді.

Кинофестивальдың құрметті қонағы югослав және сербиялық ки­норежиссер, белгілі актер Эмир Кустурица, КСРО халық әр­тісі Асанәлі Әшімов сахнаға ша­­қырылып, сайысқа түсетін барлық үміткерлерге ақ жол тіледі.

Еуропалық кино академияның «Көрермендер көзайымы» сый­лығының екі мәрте иегері, шы­ғар­машылық қорына 200-ден аса кино картина жинақталған, «Кино тек шындыққа құрылуы тиіс» деген ұстанымның иесі, әйгілі француз актері Венсан Кассель – биылғы фестивальдың басты меймандарының бірі. Қазақ­стандықтарға жүрек­жар­ды лебізін жолдаған ол 71-нші Канн фестивалінде Сер­гей Дворцевойдың «Айка» фильмін­дегі рөлі үшін үздік актриса атанған Самал Еслямоваға ки­нофестивальдың жүлдесін табыс­тады. 

Фестивальдың алғашқы күні қазақстандық режиссер Қуат Ахметовтің «Әруақ» фильмнің тұсаукесері болды. Онда басты рөлді Асанәлі Әшімов сомдаған.

Халықаралық «Еуразия» ки­но­фестивалі – әлемдік дәре­же­дегі жұлдыздарды бір жерге шоғырландырған алаң ғана емес, сондай-ақ қазақстандық ки­но­өндірістің жыл сайын дамып, жаңа фильмдер қатарының толығып келе жатқандығының да дәлелі. 

Айгүл АХАНБАЙҚЫЗЫ,
«Егемен Қазақстан»

АСТАНА

СОҢҒЫ ЖАҢАЛЫҚТАР

20.02.2019

Елбасы Сауд Арабиясының Королімен телефон арқылы сөйлесті

20.02.2019

Елбасы «Самұрық-Қазына» акционерлік қоғамы басқармасының төрағасы Ахметжан Есімовті қабылдады

20.02.2019

Жас журналистер клубы құрылды

20.02.2019

Алексей Луценко тағы да топ жарды

20.02.2019

«Амурға» әліміз жетпеді

20.02.2019

Асанәлі Әшімов: «Театрды ашудағы мақсатым – талантты жастарды қолдау»

20.02.2019

Бақыт Сұлтанов автобус паркін жаңарту жоспарлары туралы айтып берді

20.02.2019

Қарағанды облысында 2 күнде 41 жол-көлік оқиғасы тіркелді

20.02.2019

Бейсенбі күні Қостанай облысы мен СҚО-да дауылды ескерту жарияланды

20.02.2019

Тілсіз жаудан зардап шеккен отбасыға тәртіп сақшылары көмектесті

20.02.2019

Ақмола облысының 5 ауданында «Еnglish for jastar» жобасы жалғасатын болады

20.02.2019

Бурабайда қысқы президенттік көпсайыстан облыстық біріншілік өтті

20.02.2019

Көкшетауда «Бояулар құпиясы» жас суретшілер байқауы өткізілді

20.02.2019

Еліміз Иранға 42 тонна сиыр етін экспорттайды

20.02.2019

Қарағандыда жемқорлық құқық бұзушылықтар бойынша брифинг өтті

20.02.2019

Алматыда ережесіз жекпе-жектен жарыс өтеді

20.02.2019

Ақтөбе облысында «Агрогектар» жобасы жүзеге асырылуда

20.02.2019

Қырғыз Республикасынан кіргізілетін өнімдерге шектеу қойылмақ

20.02.2019

Мемлекеттік қызметшілер декларациясын тапсыру мерзімі 31 наурызда аяқталады

20.02.2019

Астанада кәсіпкерлер мен инноваторларды біріктіретін алаң ашылады

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

ҰҚСАС ЖАҢАЛЫҚТАР

Тағы да оқу

Пікір қосу