«Ресейге қарсы өткізген ойыным Испания құрамасы сапындағы соңғы матч болды. Осылайша ұлттық құрамадағы «бақытты сәтімді» де аяқтауға тура келді. Құрамамен қоштасу мен қалағандай болған жоқ. Арманым – Испаниямен тағы бір рет әлем чемпионы атану болатын. Бірақ футболда күтпеген жағдайлар жиі кездесіп тұрады», деді Иньеста.
34 жастағы Иньеста Испания құрамасы сапында 2006 жылдан бері доп теуіп келеді. Ол 12 жылдың ішінде 133 ойынға қатысып, 13 рет гол соққан. Андрес Испаниямен екі рет Еуропа чемпионатында (2008, 2012) және бір рет әлем чемпионатында (2010) жеңімпаз атанған.
Дайындаған Әли БИТӨРЕ,
«Егемен Қазақстан»
