Шетелдегі мүліктерге жүргізілетін мониторингті күшейту туралы баспасөз мәслихаты өтті

Орталық коммуникациялар қызметінде «Қазақстандықтардың шетелдегі мүліктеріне жүргізілетін мониторингті күшейту» тақырыбында Салық салу әдіснамасы департаментінің директоры Қайрат Жолмұхамбетовтің қатысуымен баспасөз мәслихаты өтті.

Егемен Қазақстан
27.07.2018 13250
2

Ол Мемлекет басшысының тапсыр­масы аясында халықаралық стандарт­тарға, соның ішінде Экономикалық ын­ты­мақтастық және даму ұйымының стандарттарына сай болу мақсатындағы шаралардың орындалып жатқанын алға тартты.

«Осы қадам шеңберінде ЭЫДҰ-мен ынтымақтастықтың жол картасы қабылданды. ЭЫДҰ-ның негізгі кон­венцияларының бірі – 1988 жылы Страсбургте бекітілген салықтық мәсе­лелер бойынша өзара әкімшілік көмек туралы конвенция. Бұл қатысушы ел­дердің салық органдары арасында салықтық ақпарат алмасу тәжірибесінің тиімділігін арттыруға бағытталған. Оның тетігі ағымдағы конвенциялармен және келісімдермен салыстырғанда бір­қатар маңызды артықшылыққа ие. Ал екіжақты келісімдердің мүм­кіндіктері шектеулі, себебі, тек кор­поративтік және жеке табыс салы­ғына қолданылады. Ақпарат алмасу жазбаша өтініштер негізінде жүзеге асырылады, бұл процесті едәуір баяулатады. Страсбург конвенциясы салықтың барлық түрімен және қатысушы елдер­дің салық төлеушілеріне қатысты кез келген ақпаратпен өзара алмасуға мүм­кіндік береді. Қажетті ақпаратты алу әдістері жеңілдетілген. Жазбаша сұ­раулардан басқа Страсбург конвенциясы жеке сұраулар мен хаттарды жіберместен автоматты түрде алмасу мүмкіндігін ұсынады. Конвенция ережелерi қатысушы елдердің өз аума­­ғында салық қарыздарын алу мә­селесінде көмек көрсету туралы өзара міндеттемелерін қарастырады. Мүд­делі әр елдің аумағында бір мезгілде салық­тық тексеру жүргізудің құқықтық негізін белгілейді. Қажет болған жағ­дайда, қазақстандық салық қыз­метінің өкіл­дері конвенцияға қатысушы елде жүргізілетін салықтық тексерулерге қа­тыса алады. Осыған байланысты Қа­зақстан Страсбург конвенциясын қысқа мерзімде қабылдауға қызығушылық білдірді. Нәтижесінде Страсбург конвенциясына Қазақстан 2013 жылы қол қойып, 2014 жылдың желтоқсан айында ратификацияланды. Бүгінде ха­лық­аралық келісімге 124 ел қосылды. Олар­ға ЭЫДҰ, G20 елдері кіреді», деді ол.

Қайрат Жолмұхамбетов Страсбург конвенциясының шеңберінде осы елдердің салық қызметтерімен байланыс орнату маңызды екенін тілге тиек етті.

«Страсбург конвенциясына қаты­сушы елдердің тізіміне оффшорлық 45 юрисдикциялар кіреді. Аталған жайт әлемдегі салықтық ақпаратпен алмасу мәселесі бойынша ашықтыққа бет алу үрдісін куәландырады. Конвенцияның маңызды элементі – автоматты алмасу. Осыған байланысты G20 елдері ЭЫДҰ-мен бірлесіп Қаржылық ақпаратты автоматты алмасу туралы көпжақты келісімшартты (CRS) әзірледі. Бұл келісім 2014 жылы Берлин қаласында жүзеге асырылды. Келісімнің мәтіні мен түсініктемесі G20 елдері тарапынан 2014 жылдың маусым айында мақұлданды. Нәтижесінде, ағымдағы жылдың 26 мау­сымында Мемлекеттік кіріс комитеті көп- жақты келісімге қол қойды. Келісімді жүзеге асыру мақсатында Қазақстан ЭЫДҰ-ның салықтық ақпаратты алмасу стандарттарын жүзеге асыру бойынша жұмыс тобына кірді, сондай-ақ еліміздің ішкі заңнамасына қосымшалар мен өзгерістер енгізетін өзгертулер жобасы әзірленді. 2020 жылдың қыркүйек айында 102 елден және салық юрисдикцияларынан біздің барлық қаржы шоттары туралы ақпарат алынады. ЭЫДҰ елдерінде, оның ішінде Гернси, Джерси, Мэн, Бермуд және Кайман аралдары, Швейцария, Люксембург, Лихтенштейн және басқа да елдерден ақпарат алынады. Қазақстан жағы біздің банктерден резидент еместердің шоттары туралы ақпараттар сұрайды және оны жеке деректерді қорғау туралы заңдарды сақтай отырып, шетелдіктер тұратын мемлекеттердің салық органдарына жібереді. Бұл ақпаратта шот ұстаушысының аты-жөні және салық нөмірі, сондай-ақ депозиттерден, дивидендтерден, активтерді сатумен және сақтандырудың жекелеген түрлерінен түскен кірістер туралы ақпарат болады», деді Салық салу әдіснамасы департаментінің директоры.

Статистикалық деректерге қарасақ, 2017 жылы 68 мыңнан астам адам 240 нысан бойынша декларация тапсырған, оның ішінде 27 мыңнан астамы әлемнің 108 еліндегі шетел банктерінің шоттарына жалпы сомасы 820,9 млрд теңгеге ақша жариялаған. Негізгі елдер – Сингапур, Швейцария, Ливан, Оңтүстік Корея және Ресей. Бұдан басқа, декларацияларда 69 елде орналасқан 12 мыңнан астам жылжымайтын мүлік көрсетілген. Қазақстан азаматтарына тіркелген жылжымайтын мүліктің ең көбі Ресей Федерациясының аумағында. Негізгі елдер – Ресей, Болгария, Түркия, Испания, Ұлыбритания, АҚШ, Франция.

«Салық нысандарында көрсетілген ақпараттың толықтығы мен уақтылығын қамтамасыз ету мақсатында Страсбург конвенциясына қатысушы елдердің барлық салық органынан Қазақстанның азаматтарында жылжымайтын мүліктің болуы туралы ақпаратты сұратуға мүм­кіндігіміз бар. Мысалы Францияның құзыретті органының мәліметі бойынша, Қазақстан резиденттеріне тек 60-қа жуық жылжымайтын мүлік тиесілі. Осы мүмкіндікті пайдаланып, санкцияларды болдырмау үшін шетелде қолда бар активтерді декларациялау туралы салық заңнамасының талаптарын қатаң сақтау керектігін еске салғым келеді», деді Қ.Жолмұхамбетов.

 

Рауан ҚАЙДАР,

«Егемен Қазақстан»

СОҢҒЫ ЖАҢАЛЫҚТАР

22.02.2019

Асыл тұқымды 5 мың сиыр әкеледі

22.02.2019

ИИДМ көлік комитеті 2018 жылдың жұмысын қорытындылады

22.02.2019

Алматы облысында бекіре тұқымдас балық өсіріледі

22.02.2019

«Хромтау – Алтынсарин» темір жолы қалай салынды?

22.02.2019

Кәсіподақ федерациясы көпбалалы аналарды қолдау тетіктерін ұсынуда

22.02.2019

2019 жылы республикалық маңызы бар 4,4 мың км автожол салынады және қайта жаңғыртылады

22.02.2019

Озық білімді жастар – өркениетті елдің өзегі

22.02.2019

Түркістан: Бәйдібекте жылына 70 млн кірпіш өндіретін зауыт салынады

22.02.2019

Түркістан спортшылары Токио олимпиадасына дайындықты бастады

22.02.2019

Есімғалидың алмағайып әлемі

22.02.2019

Жұмада Астана, Алматы мен Шымкент айырбас қосынында доллар бағамы түрлі бағытта өзгерді

22.02.2019

Оралдық оқушылар Гонконг университетінің грантына ие болды

22.02.2019

Мұқтаж отбасылар баспаналы болуда

22.02.2019

Жұма күні Қазақстанның батысы мен солтүстік-батысында жауын-шашын болуы мүмкін

22.02.2019

Мүгедек жандар үшін құнды құрылғы

22.02.2019

Қазақстанның футболшылары Молдованы ұтты

22.02.2019

Жекешелендірілген балабақшаларды неге қайтармайды?

22.02.2019

Конькиден әлем чемпионаты басталады

22.02.2019

Жамбыл өңіріндегі жақсы бастама

22.02.2019

Бағдарламаның жемісі айқын аңғарылады

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу