«Хат қоржын»

Егемен Қазақстан
15.08.2018 7505
2

...ұсыныс жасайды

                                                 Су айдындары таза болсын десек...
Табиғи ресурстарды сақтау мен молайтудың басты жолы – тұр­ғындар тарапынан жасалатын жанашырлық. Осы орайда өткен мамыр айында өңірде су айдындары мен жағалауларын тұрмыстық қалдықтардан тазарту жұмыстары жүргізілді. Бұл іске өсімдіктер мен жануарлар дүниесінің жанашырлары, жергілікті атқарушы органдар мен жоғары және арнаулы оқу орындарының студенттері қатысты. Міне, ел аумағындағы өзендер мен көлдерде балықтардың уылдырық шашатын мерзімі де аяқталды. Осы уақыттың аралығында балықты қорғау шаралары мен оны заңсыз түрде аулауға жол бермеу жөнінде бірнеше акциялар өткізілді. Бүгінгі күн биігінен қарастырғанда оның тиісті нәтижесі болды деп айта аламыз. 

Таза су айдындары экологиялық тепе-теңдікті сақтаудың басты кепілі. Оған деген аялы көзқарас пен байыпты қамқорлық тұтастай қоршаған ортаны сауықтыруға септігін тигізеді. Осы қағиданы еліміздің әрбір азаматы назарынан тыс қалдырмаса екен дегім келеді.

Ақзираш ЖАМАНОВА,
Ақтөбе облыстық орман шаруашылығы және жануарлар дүниесі аумақтық  инспекциясының бас маманы
АҚТӨБЕ

...ой қозғайды

                                            Тәрбие балабақшадан басталады
Әрбір баланың  балабақшаға барғаны дұрыс. Себебі бала ұжымда тәрбие алып, әсіресе, тілін дамытуы керек. Мен өзім «Аружан» мектебіндегі «Нұрай» тобында тәрбиеші болып жұмыс істеп келемін.

«Бала естігенін айтады, көргенін істейді»  деген бар. Ең алдымен, мектеп жасына дейінгі балаларды адамгершілікке тәрбиелеудің маңызы зор. Кішкентай сәбилеріміз ата-анасының, тәрбиешісінің, достарының мінезінен, жүріс- тұрысынан, сөйлеген сөзінен, істеген ісінен үлгі алуға тырысады.

«Менің баламның тәрбиешісі кім болады екен» деп әр ата-ана ойланады. Бала  балабақшаға алғаш рет келгенде біз оны жылы жүзбен қарсы аламыз. Ең әдемі ойыншықтарды көрсетіп, жұбатамыз. Әрбір тәрбиеші ата-ананың көңілінен шығуға тырысады. Баланың балабақшаға келуінің жақсы жақтары – мұнда ол өз-өзін күтіп үйренеді, өзі тамақ ішіп, өзі шешініп, киініп, мәдени-гигиеналық қабілеттері артады.

«Нұрай» тобында жиырма бес бала тәрбиеленуде. Мұнда әр түрлі ұлттың балалары бар. Осы бүлдіршіндеріміз әр мерекелік іс-шараларға белсене атсалысып, өз өнерлерін көрсетуге тырысады. 
                                                                           

Әсел  ӘУБӘКІРОВА, 
«Аружан» мектепке дейінгі шағын орталығының тәрбиешісі
Семей 

...сүйсініс білдіреді

                                            Жүрекке жылу сыйлаған мейірімділік
Өткен жылы аудандық «Ауыл айнасы» газетінің тілшісі Жұлдыз Асқардың жергілікті жастарды ұйымдастыруымен «Жүрекке жылу сыйлаған мейірімділік» атты қайырымдылық жобасы өмірге келген болатын. Сол жоба аясында аудан округтеріндегі мүмкіндігі шектеулі балаларға арналған қайырымдылық кеші өтіп, одан түскен 700 мың теңге қаражат сол балалардың  дәрігерлік ем алуына жұмсалған болатын. Ал биыл Жұлдыз Асқар аудандық  жастар кеңесінің төрайымы қызметіне сайланғаннан кейін  бұл жоба қайтадан жалғасын тапты. 

Жақында аудандық мәдениет үйінде «Қазталов аудандық жас­тар кеңесі» қоғамдық бірлестігінің ұйымдастыруымен «Жүрекке жылу сыйлаған мейірімділік» атты қайырымдылық  шарасы  өтіп, ол кішкентай  Гүлназым Тілекқызына арналды. 

Кештің барысында қайырымды жүректердің арқасында 250 мыңдай теңге жиналып, бұл қаражат Гүлназдың  апасы Мөлдірге  табысталды. Қолына қаражатты алып отырып сөз алған Мөлдір: «Бүгін туған сіңлім Гүлназым дүниеге қайта келгендей сезіндім, өзінің құрдастарымен бірге құлдыраңдап жүгіріп жүргендей болды. Осындай шараны ұйымдастырған жастарға мың да рақмет!»  деп көзіне жас алды. 
 
Әсем  БОЛАТ
Батыс Қазақстан облысы, 
Қазталов ауданы

...сақтандырады

                                                  Сөзді дұрыс қолданайық
Айтпағымыз – сөзді дұрыс қолдана білу, дәлірек айтқанда, сөз мәдениеті жайлы. Жасыратыны жоқ, соңғы кездері кейбіреулердің күнделікті өмірде немесе алқалы жиындарда, радио мен теледидардан сөйлеген кезде «керекпіз» деген сөзді жиі қолданатынын байқап жүрміз. Айталық, айту керекпіз, тыңдау керекпіз, бару керекпіз, көру керекпіз деп, осы секілді құлаққа бір түрлі тосындау естілетін сөздер қолданылып жүр. Не керек, әйтеуір толып жатқан «керекпіз». Ал біз болсақ тыңдай отырып, осынау қаптап кеткен «керекпіздің» мағынасын дәл ұға алмай дал боламыз.
Қалай сөйлеу  әркімнің өз еркі. Десек те, тілді шұбарламай, әр сөздің мағынасына тереңірек мән берсек болмас па. Мәселен, әлгі «керекпіздің» орнына оның «керек» деген түбірінің бұрыннан-ақ айтылып келе жатқанын неге ескермейміз? Олай болмаған күнде «тиіс, тиіспіз» деген қалыптасқан  сөздер лексиконымызда бар емес пе? 

Қазіргідей кириллицадан латын қарпіне көшуге дайындық жасап жатқан кезде әр сөздің орнымен, дұрыс қолданылуына ерекше назар аудару – әрбір азаматтың төл міндеті, парызы. Олай болса, ана тілімізге құрметпен қарап, оны шұбарламай, сөзді орнымен қолданып, тіл мәдениетін сақтай білейік.

Кәрібай ӘМЗЕҰЛЫ,
зейнеткер
 Түркістан облысы

...мақтан тұтады

                                               Қарттар мен жасөспірімдердің қамқоршысы
Шарбақты аудандық мәслихатының депутаты Қисамиден Машеновты оқушы кезінен білемін. Қазіргі уақытта өзі туып өскен Есілбай ауылын көркейтіп, тұрмысы төмен отбасыларына материалдық көмек беріп, халық алдында зор беделге ие болғанына ұстазы ретінде қуанамын және мақтаныш етемін. 

Алдымен «Ақниет» атты азық-түлік дүкенін, тігін шеберханасын, шаштараз, наубайхана ашып жұмыссыздарға еңбек етуге жағдай туғызды. Өз қаржысы есебінен Есілбай ауылында Ұлы Отан соғысы құрбандарына «Ерлер есімі – ел есінде» – атты ескерткіш құлпытасын орнатып, құлпытасқа Есілбай ауылынан соғыста қаза болған боздақтардың есімдері ойып жазылған. Мектеп ауласын жасылдандырып, балалардың ойын алаңын жабдықтады. Есілбай ауылының көшесін көріктендіріп, жарық орнатып елдің еңсесін көтерді. 2016 жылы Есілбай ауылының 150 жылдық тойын өткізу кезінде еліміз Тәуелсіздігінің 25 жылдық мерекелік датасына байланысты «Мәңгілік ел» монументін ашты. 

Шегірен селолық округінің сайлаушылары Қисамиденнің еңбегін бағалап, қатарынан үш рет Шарбақты аудандық мәслихатының депутаты етіп сайлады. Ауданның қоғамдық саяси өміріндегі белсенді қызметтері үшін Шарбақты ауданының құрмет тақтасына ұсынылды. Облыс алдында сіңірген еңбегі үшін мәслихаттың төс белгісімен және құрмет грамоталарымен марапатталды. Шегірен селолық округінің ардагерлер кеңесі ауылдың аптал азаматының еңбегін жоғары бағалайды. 

Табылды АХМЕТОВ
Павлодар облысы 

СОҢҒЫ ЖАҢАЛЫҚТАР

23.01.2019

Ресей 2020 жылғы Олимпиада ойындарына қатыспауы мүмкін

23.01.2019

Қытайдың ІЖӨ-нің өсу қарқыны ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Данияр Елеусінов шаршы алаңға наурызда шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Г.Әбдіқалықова Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу