ШҚО Көкпекті ауданында «Жігіт сұлтаны-2018» байқауы өтті

Шығыстың білекті де жүректі, өнерлі де білімді жігіттері Толағай тауы баурайындағы Көкпекті ауданында бас қосты. Аудан әкімдігі мен облыстық Ішкі саясат басқармасына қарасты «Жастар ресурстық орталығы» ұйымдастырған «Жігіт сұлтаны-2018» байқауында өңірдің әр аймағынан келген, әр салада еңбек ететін 12 жігіт бар өнерлерін паш етті.

Егемен Қазақстан
27.08.2018 7196
2

Шараның ашылу салтанатында сөз алған облыстық ішкі саясат басқармасы басшысының орынбасары Айдар Садырбаев «Жігіт сұлтаны» байқауы «Рухани жаңғыру» бағдарламасының аясында осымен екінші мәрте ұйымдастырылып жатқанын, мұның алдында Абай ауданында «Аяулы келін» сайысы өткенін айтты. «Жастар бәсекеге қабілетті болуы үшін ең әуелі өз тарихын, төл мәдениетін, салт-дәстүрлерін жақсы білуі қажет. «Рухани жаңғыру» бағдарламасының да негізгі өзегі осы болса керек. Сайысты өткізудегі мақсат – жастардың бойына ұлттық құндылықтарымызды сіңіру. Мұндай іс-шаралар алдағы уақытта да жалғасын табады», - деді ол.  

Көкпекті ауданы әкімінің орынбасары Дәурен Қойгелдин Жастар ресурстық орталығымен бірлесе отырып бұл шараны өткізуге мұқият дайындалғандарын, ауыл сыртына киіз үйлер тігіліп, алтыбақан орнатылғанын жеткізді. «Әр ауданнан келген жігіттердің өнерінен бөлек аудан халқына арналған бағдарламамыз да бар. Ол бағдарламамыз бәйге, бұқа тартыс, қой көтеру, асық ату, ләңгі тебу сынды ұлттық ойындарға құрылған», – деді Д.Қойгелдин.

Қатысушылар бірінші кезеңде теңге ілу, аударыспақ, қазақ күресі, қол күресі сынды ұлттық ойын түрлерінен бақ сынады. Теңге ілу сайысында 12 жігіттің төртеуі ғана (Абай, Зайсан, Күршім, Көкпекті) талап үдесінен шығып, жерде жатқан ораулы теңгені көкке лақтырды. Бәрінен де аударыспақ бәсекесі тартысқа толы болды. Әсіресе Тарбағатайдың Ақжар ауылынан келген қарға бойлы Абзал Бекбаевтың қарымы көрерменді тәнті етті. Әккі, әдісқой Абзал біресе қарсыласын ат үстінен жұлып алса, біресе қулыққа басып, қарсыласының аяғынан үзеңгіден шығарып жіберіп, басымдығын танытты. Ол ақтық сында күршімдік Ерасыл Ахметовпен кездесіп, жеңіп тұрып жеңіліп қалды деуге болады. Абзал әдеттегідей өзінің сүйікті әдісіне салып, қарсыласының аяғын үзеңгіден шығарып, ары аударып жіберген. Аттан құлады деп сенген болуы керек, өзі де жеңісіне масаттанып жерге секіріп түскен. Сөйтсе Ерасыл аттың бір жағына ауғанымен, жерге аяғы тимеген екен. Содан не керек, аударыспақ ережесі бойынша күршімдік Ерасыл жеңіске жетті. Қол күресінде Көкпекті ауданының Тассай ауылының тумасы Саяхат Тұрлыбеков сәтті өнер көрсете білді. Ал қазақ күресінен өткен тартыста Айбек Нұғымаров, Мұхит Тұрсынов сынды атақты балуандардың жерінен келген Айдос Үркімбаев қарсылас шақ келтірмеді. Екінші кезеңде жігіттер Қалихан Алтынбаев атындағы аудандық Мәдениет үйінде білімдері мен біліктіліктерін таразыға салды.

Сонымен, байқау қорытындысында бас жүлдені ұлылар мекені - Абай ауданынан келген Айдос Үркімбаев иеленіп, «Жігіт сұлтаны» атанып, ат мініп, шапан киді. Бірінші орынды көкпектілік Саяхат Тұрлыбеков, екінші орынды зайсандық Рауан Саханов, үшінші орынды күршімдік Ерасыл Ахметов қанжығаларына байлады.

Азамат ҚАСЫМ,

«Егемен Қазақстан»

Шығыс Қазақстан облысы,

Көкпекті ауданы

Суреттерді түсірген – Дархан БЕРДІБЕК

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу