Семейде газ баллондарын пайдалану қауіпсіздігі сақталмаған

Соңғы жылдары мейрамхана бизнесі кеңінен қанат жайды. Түні бойы дүркіреген музыка, одан қалса тарсылдата атылған отшашулар сол ауданның тұр­ғындарына маза бермейтіні белгілі. Тіпті жолдың жиегінен асып кетіп, жаяу жүргінші жолына жақын жерден заңсыз түрде созыла салынған сауда үйлері де айтыла-айтыла жауыр болды. Бір жағынан шағын және орта кәсіпкерлік – экономика тірегі. Десек те, кәсіпкерлер қарапайым тұрғындардың пікіріне құлақ асуы керек сияқты. Өйткені қалада өрт қауіпсіздігі мен газ шаруашылығының мәселесі ушығып тұр. 

Егемен Қазақстан
07.09.2018 3878
2

Жуырда Семей қаласының қоғамдық кеңес отырысында ірі сауда орындары мен ойын-сауық орталықтарындағы осы мәселе туралы кеңінен айтылды. Кемшіліктер өте көп. Айталық, қаладағы көптеген сауда орындары, дәмханалар бұқаралық орындарда, халық демалатын, көпшілік тамақтанатын нысандарда қолдануға болмайтын газ баллондарын пайдаланып отыр. Тексеріліп, ескерту берілсе де, сыннан қорытынды шығарып жатқан кәсіпкерлер жоқ. 

«Сәулет, қала құрылысы және құрылыс қызметi субъек­тi­­лерiнiң құқықтары туралы» Заңға біршама өзгерістер енгі­зілгені мәлім. Семей қала­лық төтенше жағдайлар басқар­ма­сына қарасты өрт сөндіру қыз­меті мамандарының айтуынша, 2016 жылы заңға енгізілген өзгерістерге сәйкес, төтенше жағдайлар басқармасы шағын және орта бизнес өкілдері салған жаңа нысандарды өрт қауіпсіздігі бойынша тексеру құқығынан айрылған. 

Соңғы жылдары жекемен­­­шік – мемлекеттік әріптестік негі­зін­­де балабақша ғимараттары тұрғы­зылып жатыр. Яғни, кә­сіпкер өз қолымен салған, заң бойын­ша тексеруге болмайтын нысан қатарына балабақша ғима­рат­тары да кіріп отыр. Осыған орай өрт сөндірушілер балалар бақшасының тілсіз жауға қауіпсіздігін мүлде тексере алмайтын болған.

Семей қалалық білім бөлі­мінің бастығы Наталия Фе­сен­коның айтуынша, осыдан біраз жыл бұрын өрт сөндірушілер кез келген балалар бақшасы мен шағын орталықтардың құ­рылысы аяқталып, пайда­лануға берілген кезде, ғимаратты қа­былдап алатын комиссия құра­мында бірге келіп, қауіпсіздік шаруашылықтарын тексеретін еді. «Қазір өрт сөндірушілер жаңа нысанды қабылдап алмайтыны, тексермейтіні өте өкінішті. Семейде кәсіпкерлер тұрғызып, қолданысқа беріп отырған 300-400 орындық бала­бақшалар бар. Биыл жаңадан 39 шағын орталық пен балабақша ашылып, пайдалануға берілді. Бұл ғимараттарды өрт қауіп­сіздігіне неге тексермеске? Өрт шығып кететіндей ақаулары бар ма, жоқ па, қорытындысын берулері керек қой», дейді ол.

Семей қалалық Төтенше жағ­­дайлар басқармасының мем­лекеттік өртке қарсы күрес қыз­­меті бөлімінің бастығы Ер­нар Жалеловтың айтуынша, 2016 жыл­дан бері заңнамадағы өзге­ріске орай, басқарма мамандары шағын және орта бизнес нысандарын тексеруге тиісті комиссия құрамына кірмейді. Ал Ресейдің Кемерово қаласында қаншама бала отқа оранып, көз жұмғаны белгілі. Бұл оқиғадан еліміз де сабақ алып, әсіресе балалар жүретін жерде өрт қа­уіп­сіздігін күшейтуі керек еді. «Бір өкініштісі, бұл мәселелер ел заң­намасында өзгерістер болған кезде ғана шешілмек», дейді өрт­к­е қарсы қызмет бөлімінің басшысы.

Расында, қалада газ шаруа­шылығының жұмыстарын тек­се­ретін инспекцияны құру өте өзекті. Осы мәселе жөнінде журналист Вера Кропачева да өз пікірін білдірді. Оның уә­жінше, өртке қарсы күрес қыз­ме­тінің мамандары көптеген олқылықты осы уақытқа дейін тек сауда орталықтары мен ойын-сауық нысандарынан ғана анық­таған. Ал балалардың өмірі үшін кім жауап береді? 

 Қазіргі уақытта көпқабатты үйлердің барлығында дерлік тұрғындар үйлеріне газ баллон сатып алып, ай сайын ауыстырып отырады. «Жаман айтпай жақсы жоқ», рұқсат қағазы жоқ үй­лерде газ баллон жары­лып жатса, тұрғындардың өмі­ріне қауіп төнері анық. Сон­дық­тан да қала әкімдігі, қоғамдық кеңес және төтенше жағдайлар басқар­масы өкілдері құрамына кіре­тін арнайы инспекция құр­ған абзал. Өскеменде газ шаруа­шылығының инспекторы жұмыс істейді. 2012 жылдан бастап жаңа заңға орай, Семейде газ мәселесін қадағалау жергілікті әкімдік құзырына берілген. 

– Семейде қазір екінің бірі газ сатумен айналысады, – деді Ер­нар Жалелов, – бұрыш-бұ­­­­­­­­рыш­та баллондарын қарбыз сат­­­қандай қысы-жазы сатып жа­тады. Ондағы баллондардың қа­уіп­сіздігін қарап жатқан еш­кім жоқ. 

– Семей қаласында газ қыз­метін бақылайтын инспектор штаты әзірше жоқ болып тұрғаны өкінішті, – деді Семей қаласы әкімінің орынбасары Николай Ушаков, – біз облыстық әкімдікке газ инспекторының штатын беру жөнінде өтініш жазған едік. Әзір жауап жоқ. Расында да газ баллондарды сату және тасумен айналысатын жеке кәсіпкерлік нысандарды тексеруге құқымыз жоқ. Олар рұқсаты болса да, болмаса да көппәтерлі үй иелеріне баллон сатып жатады. Рұқсатсыз жерде газ баллон ұстағаны үшін тағы да қанша айыппұл салынуы керек, оны қалай жүзеге асырамыз, осының бәрі белгісіз болып отыр. Себебі нақты осы іспен айналыcатын инспектор жоқ. Бұрын табиғи газ семейліктердің үйіне дейін жеткізілетін. Газгольдерлер жұмыс істеп тұратын және көппәтерлі үйлер арасында газ құбырлары тартылып, бұл шаруашылықтың өзіндік жүйесі бар еді. Бүгінде осы газ баллондар рұқсат етілмеген жағдайда пайдаланылады. Газгольдері бар үйлер өз өтініштерімен пә­терлеріне сұйық газ түрін тар­тып алды. Ал көп жерде газ­голь­дерлер босқа тұр. Газ құ­быр­лары қиылып тасталған. Сондықтан ондай орындарда газ­гольдерлерді алып тастап, орнына балалардың ойын алаңын да салған жөн сияқты. Айта кетер мәселе, егер газ баллон рұқсат етілмесе, пәтер ішіне электр плиталары қойылады. Бұл үшін электр қуаты сапалы берілуі керек. Электр сымдары төзімді, заманауи түрі таңдалынып алынғаны жөн. Біз электр плиталарына орай Шығыс Қазақстан аймақтық энергетика компания­сы өрт қауіпсіздігі үшін пәтер иелері кооперативіне салған айыппұлдарын, ескертпелерін дұрыс деп есептейміз. Бұл да тұрғындар қауіпсіздігі үшін жасалып отырған шара. 

Қалалық қоғамдық кеңес мүшесі Николай Исаевтың айтуынша, көптеген дүкендер, бизнес нысандары көппәтерлі үйлердің бірінші қабатында орналасқан. «Өрт қауіпсіздігі бойынша, бұл дүкендердің есігі сыртқа қарай ашылуы керек. Мәселен, төтенше жағдай орын алғанда сыртқа қарай лап қойған жұртқа есік ішке қарай ашылып, бөгет болмауы тиіс. Себебі өрт кейде санаулы минутта адам өмірін жалмап кететіні анық. Бірақ Семейдегі дүкендердің көпшілігінің есігі ішке қарай ашылады. Кәсіпкерлікті дамыт­­­қан да, қолдаған да, қор­ға­ған да жөн, бірақ ең алдымен адам­дардың игілігіне, қауіпсіздігіне қызмет етуі керек», деді Н.Исаев.

– Біз Үкіметке және Парла­ментке қала құрылысы, сәулет мәселесіне орай заңнамаға өзгерістер енгізуді сұрап хат жазып отырмыз, – деді қалалық қоғамдық кеңес төрайымы Жан­на Жибраева, – тым болма­ған­да балабақша, шағын орта­лық­тар сияқты орындар пайда­лануға берілген кезде өрт қауіп­сіздігіне тексеруге мүм­кіндік берілсе дейміз. Газ бал­лондарды көппәтерлі үйлер­де пай­дала­нудың дұрыс-бұрыстығын тек­серетін инспектор қызметінің қажеттігі, балабақша мен шағын орталықтардың қауіпсіздігі, есік алдында қаңтарылып тұрған газгольдерді алып тастаудың керектігі, бір сөзбен айтқанда, қаламыздың қауіпсіздігі, ты­ныштығы осы мәселелерге тіке­лей байланысты екендігін мо­йындап, көптеген дүниені қайта қалыпқа келтіру бағытындағы жұмыстарды қолға аламыз.

Раушан НҰҒМАНБЕК,

«Егемен Қазақстан»

СЕМЕЙ
 

СОҢҒЫ ЖАҢАЛЫҚТАР

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу