Өзара серіктестікке – өрісті қадам

Елімізге екі күндік жұмыс сапарымен Ирина Костевич бастаған Беларусь Республикасының Еңбек және әлеуметтік қорғау министрлігінің делегациясы келді.  

Егемен Қазақстан
11.09.2018 2735
2

Бүгінгі таңда Еуразиялық эко­номикалық одақ пен Тәуелсіз мемлекеттер достастығы аясында, сонымен бірге Қазақстан-Беларусь үкіметаралық сауда-экономикалық ынтымақтастық жөніндегі комиссия шеңберінде әлеуметтік-еңбек саласы бо­йын­ша екі ел арасында ынтымақ­тас­тық жүзеге асырылып келеді.  

Қос елдің ведомство басшылары Мәдина Әбілқасымова мен Ирина Костевичтің кездесуінде тараптар өзін өзі жұмыспен қам­тыған халықты формализациялау, әлеуметтік қызмет көрсету жүйесін жаңғырту, әлеуметтік-еңбек саласында мемлекеттік қыз­мет­терді оңтайландыру және авто­мат­тандыру,  екі елдің зейнет­ақы жүйесі және басқа да мәсе­лелер бойынша қазақстандық тәжі­рибе төңірегінде бірқатар өзекті мәселелерді талқылады. 

Екі жақты кездесуде жалпы еңбек нарығын дамытудың келешегі және «Еуразиялық электронды еңбек биржасы» цифрлы жобасын құру жөніндегі Қазақстанның бастамасы да жан-жақты сөз болды. Бастаманың не­гіз­гі басымдығы – цифрландыру тәр­тібінің көздеген мақсаттарына қол жеткізу. Бұл – Еуразиялық экономикалық одақ шеңберінде цифрлы экономиканы дамыту жолындағы еңбек ресурстарының еркін айналымы, біртұтас еңбек нарығын қалыптастыру және аталған одаққа мүше елдердегі еңбеккерлердің жұмыспен қам­тылуын жеңілдетуді көздейді.

«Аталған бастаманы іске асыру Еуразиялық экономи­ка­лық одақ аясында бизнеске, мем­лекеттік органдарға және қыз­меткерлерге уақыт пен ресурстарды үнемдеуге, қағазбастылықты азайтуға, өзара іс-қимыл кедер­гі­лерін жеңілдетуге, жұмыс­п­ен қамту процедураларын оңтай­ландыруға, қос тараптың ақпа­рат­тық мүмкіндігін арттыруға кеңінен жағдай туғызады. Соны­мен бірге,  кәсіпкерлердің осал топтары мен көлеңкелі нарық көрсеткіштерінің төмендеуіне сеп болады», деді еліміздің Еңбек және әлеуметтік қорғау министрі М.Әбілқасымова. 

Сонымен қатар екіжақты кездесуде министрліктер арасында әлеуметтік және еңбек сала­сындағы ынтымақтастық тура­лы меморандумға қол қойылды.   

Тараптар әлеуметтік еңбек және халықты жұмыспен қамту саласында бірлескен жобаларды дайындау, осы бағыттағы мем­лекеттік саясатты жүзеге асыруда өзара ақпарат, тәжірибе және білім алмасу, сондай-ақ ғылы­ми-зерттеу мен  оны дамыту бағытын­да ынтымақтастықты жандандыру бойынша уағдаласты. 

Сонымен қатар Беларусь делегациясы Астана қаласының Есіл ауданының халыққа қызмет көрсету, жұмыспен қамту, «Нұр­лы жүрек» әлеуметтік қыз­мет көрсету орталығы» МКМ, «Қарт­тар мен мүгедек балаларды оңал­ту орталығы» секілді бір­қа­тар әлеуметтік нысандарды аралады.  

«Екі күндік бағдарлама аясында әлеуметтік қорғау мен зейнетақыны дамытудың, сон­дай-ақ нәтижелі жұмыспен қамту­дың және халық табысын көтерудің өзекті мәселелері бо­йынша тәжірибе мен пікір алмас­тық. Бүгінгі таңда проблемалар­ды барынша тиімді шешуге ық­пал ететін әлеуметтік еңбек саласын цифрландыру маңызды. Бұл ең алдымен қос ел Үкіметінің негізгі басымдығы деп білемін. Әрине, біз сіздердің осы саладағы тәжірибелеріңізді бағалаймыз. Атап айтқанда, бүгінде Беларусь Республикасының әлеуметтік-экономикалық дамуының көп­теген индикаторларында алдың­ғы қатарлы тәжірибелер бар. Біз­дің тараптан оған қызығу­шы­­лық жоғары және оны өзімізде қолдана аламыз», деді еліміздің Еңбек және халықты әлеуметтік қорғау министрі М.Әбілқасымова. 

«Біз «бір терезе» қағидасымен жұмыс істеп жатқан жұмыспен қамту орталықтарына барып оң әсермен оралдық. Сонымен қатар еңбек нарығын реттеу жүйесінде Қазақ елінен үйренеріміз бар. Қазақ­стандағы еңбекақы төлем­дерінің тәсілдеріне ерекше көңіл аудардық. Бұл бағытта көш ілгері келе жатырсыздар. Менің ойымша, Беларусь Республикасының аумағында жоспарланған келесі кездесу біліктілік жүйесінің ұлттық тақырыбына арналады деп ойлаймын. Бүгінде біз осы бағытта стратегиялық серік­тестік орнаттық. Жуық арада бұл қос ел Үкіметі деңгейінде қабыл­данатын болады», деп атап өтті Беларусь Республикасының Еңбек және әлеуметтік қорғау министрі И.Костевич.

Думан АНАШ,

«Егемен Қазақстан»

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу