Мәселен, Мемлекет басшысы түрік кәсіпкерлерін ел экономикасының шикізаттық емес салаларына инвестиция салуға шақырды. Оның ішінде түркиялық кәсіпкерлердің әлемдік деңгейдегі тәжірибесі бар көлік және коммуникация, ауыл шаруашылығы, шағын және орта бизнес, туризм салаларын бірлесе игеру қай тарапқа болмасын тиімді екендігі рас.
Біріншіден, мұнай мен газ саласына қаржы салатын шақ келмеске кетті. Екіншіден, Қазақстан мен Түркия – даму үдерісі жоғары, бағыттары ұқсас мемлекеттер. Екі ел де экономиканы әртараптандырып, байланыстарын нығайтуға мүдделі.
Алайда Қазақстан мен Түркияның кәсіпкерлері экономикалық қарым-қатынастардың әлеуеті толық қолданылып отырмағандығын сезеді. Сондықтан, Қазақстан Президенті сауда айналымын 5 млрд АҚШ долларына жеткізу қажет екендігін айтқан кезде барша кәсіпкерлер елең ете қалды.
Сондықтан Нұрсұлтан Назарбаевтың ресми сапары екі ел арасындағы қарым-қатынастарға тың серпін беріп, байланыстың көкжиегін кеңейте түспек. Сондай-ақ сауда-экономикалық байланыстарды тереңдете түсуге жол ашады.
Екі мемлекет экономикамен ұштасқан саяси байланыстар арқылы халықаралық аренада тізе қосып әрекеттене бермек.
Санат КӨШКІМБАЕВ,
Саяси ғылымдар докторы
