Кенияда жаттығып жүрген қазақ қызы

Былтыр Шығыс Қазақстанда облыс әкімі Даниал Ахметовтің бастамасымен «Altay Athletics» кәсіби жеңіл атлетика клубы құрылған болатын. Клуб құрамына Лондон Олимпиадасының чемпионы, Азия ойындарының төрт дүркін жеңімпазы Ольга Рыпакова, биылғы Азия ойындарының қола жүлдегері Надежда Дубовицкаямен қатар, Нора Джеруто, Дэйзи Джипкемей, Каролин Кипкируй секілді кениялық желаяқтар да алынған еді. Жақында Өскеменде облыстық дене шынықтыру және спорт басқармасы клубтың бір жылдық жұмысын қорытындылап, баспасөз мәслихатын өткізді. Осы жиында клубқа жаңа мүшелер қабылданғаны жайында айтылып, клуб директоры Асхат Сейсембеков марафоншы қазақ қызы Гүлжанат Жанатбекті таныстырған-ды. Баспасөз мәслихатынан кейін шетелде жаттығуға мүмкіндік алған жеңіл атлетті әңгімеге тарттық. 

Егемен Қазақстан
20.09.2018 3096
2

– Гүлжанат, Сіз 5, 10 ша­қы­рым қашық­тықтар бо­йын­ша қыздар арасында Қа­зақ­станның үш дүркін чем­пионы, Гонконг­те өткен Азия чемпионатының қола жүл­­де­герісіз. Рио-де-Жанейро Олим­пиа­дасына да қатыстыңыз. Өскемендік «Altay Athletics» кәсіби жеңіл атлетика клубына қашан шақырту алдыңыз?

– Мен Талдықорған қа­ла­­сында дүниеге келгенмін. «Altay Athletics» клубымен келі­сімшарт жасасқалы екі айдан астам уақыт болды. Осы клубқа қабылданғаннан кейін Кенияға барып, сол елдің жеңіл атлеттерімен бірге жаттығу өткізіп келдім. 

– Кениядан алған әсе­ріңіз қандай? Ол жақтың же­лаяқ­тары қалай жаттығады екен?

– Екі айдай сол елде болдым. Кения – желаяқтар елі. Қазір біздің елде де жеңіл атлетикаға, бұқаралық спортқа жақсы көңіл бөлініп,«Астана марафоны», «Алматы марафоны», «Шымкент марафоны» секілді жарыстар өткізіліп келеді. Мен 42 шақырымға жүгіретін марафоншымын. Кения маған кәсіби тұрғыдан дамуыма көмектеседі деп ойлаймын. 

– Сонда сізді Кенияда жат­тығып жүр­ген алғашқы қазақ деуімізге бола ма?

– Болатын шығар. Кения  астанасы Найроби қаласында жаттықтым. Бұл шаһар «чем­пион­дардың қаласы» деп аталады. Екі дүркін Олимпиада, екі мәрте әлем чемпионы Дэвид Рудиша мен жартылай марафоннан әлемнің үш дүркін чемпионы Мэри Кейтани де осы қалада жаттығады. 

– Сіз кімдермен бірге жат­тығасыз?

– Бапкерім – Кеннет Ротич. Мен Нора Джеруто, Дэйзи Джип­кемей, Каролин Кип­кируй, Шэдрак Коеч секілді кениялық желаяқтармен бірге жаттығамын. 

– Кенияда екі айдай бол­дыңыз. Не түй­діңіз? Кения­лық­тардың желаяқ болуының сыры неде?

– Біріншіден, жүгіру олардың қандарына сіңген қасиет. Біздің елде спорттың бокс, ауыр атлетика, күрес сияқты түрлеріне жақсы көңіл бөлінсе, ол жақта жүгіруге айрықша ден қояды. Қай жерге қарасаң да, жүгіріп жүрген адамдарды көресің. Таңғы 5-те тұрсаң да көшеде жүгіріп бара жатқандарға көзің түседі. Әлем­нің көптеген мықты спортшылары осында жаттығады. Бұл жердің ауа райы да өзгеше, теңіз деңгейінен 2500 метр биіктікте орналасқан.

– Екі айда өз нәтижеңізді жақсарта алдыңыз ба?

– Биыл Алматыдағы әл-Фараби атындағы Қазақ ұлттық университетінің магистратурасын бітірдім. Сабаққа көбірек көңіл бөліп, емтихан тапсырып, диплом қорғап, жарыстарға дұрыс қатыса алмадым. Біраз уақыт жаттығуды тоқ­татуға тура келді. «Altay Athletics» клубына шақырту алған­нан бері жаттығуды қолға алып жатырмын. Нәтиже бірден бол­майды ғой. Әуелі Кенияның ауа райына, тамағына бейімделу керек. Келесі жылға дейін нә­тижемді жақсартамын деп ойлаймын.

– Кенияға қайта барасыз ба?

– Бірер күнде ұшамыз. Қа­ра­шаға дейін сол елде жаттығамын. Осы айда 42 шақырымдық үлкен марафон өтеді. Қазір соған қаты­суға әзірленіп жатырмын. Ме­нің жүгірудегі ең жақсы нәти­жем – 2 сағат 38 минут. Бұл – Қазақстан бойынша жақсы көр­сеткіш. Ал әлемдік деңгейге же­ту үшін 42 шақырымды 

2 са­­ғат 30 минутта жүгіруің қа­жет. Демек, 8 минут түсіру керек. Олимпиада ойындарында жақ­­­сы көрсеткіш – 2 сағат 20 минут.

– Алдағы жоспарыңыз қан­дай?

– Ендігі жоспар – халық­аралық деңгейдегі жарыстарға қатысу. 42 шақырымды 2 сағат 35, 2 сағат 30 минутта жү­гіруді мақсат етіп отырмын. Азия ойындарына дейін екі ай Кения спортшыларымен бірге жаттықтым. Олардан үйре­неріміз көп. Өкінішке қарай, Қазақ­станда ұзақ қашықтыққа кәсіби түрде жүгіретін спортшылар саусақпен санарлық. Бұған білікті жаттықтырушылардың жоқ­тығы да себеп. Үлкен қа­шық­тыққа жүгіру үшін кемін­де 6 ай, 1 жыл көлемінде дайын­д­ық керек. Сонда ғана нәти­же шы­ғады. Дегенмен, Токио­ға жақ­сы дайындықпен барамыз деп ойлаймын. Осы мүмкін­дікті пайдаланып, шетелде жат­тығуыма, тәжірибе жинауыма мүмкіндік берген Шығыс Қазақстан облысының әкімі Даниал Ахметовке, облыстық дене шынықтыру және спорт басқармасының басшысы Асқар Можановқа, «Altay Athletics» кәсі­би жеңіл атлетика клу­бының дирек­торы Асхат Сей­сембековке алғысымды біл­дір­гім келеді.

– Әңгімеңізге рахмет. 

Әңгімелескен 

Азамат ҚАСЫМ,

«Егемен Қазақстан»

ӨСКЕМЕН

Суретте: Гүлжанат бап­кері Кеннет Ротич және желаяқ Каролин Кипкируймен бірге

СОҢҒЫ ЖАҢАЛЫҚТАР

12.12.2018

Time журналы Жамаль Хашогджи мен қудаланған журналистерді «Жыл адамы» деп таныды

12.12.2018

Орал-Тасқала-РФ шекарасы бағытындағы күре жол пайдалануға берілді

12.12.2018

Аягөздік оқушылар жалғыз басты қариялардың қарын күреп берді

12.12.2018

Шыңғыс Айтматовтың туғанына 90 жыл толды

12.12.2018

Франциядағы теракт кезінде 4 адам мерт болды

12.12.2018

«Русский силуэт» бәсекесінде жеңіске жетті

12.12.2018

Ұлттық ұлан өнерпаздары мерекелік концерт өткізді

12.12.2018

Алексей Ут­киннің жеке көр­­месі көрерменге жол тарт­ты

12.12.2018

Павлодар облысында 72 көше, 7 ауылдың атаулары өзгерді

12.12.2018

Атырауда ұн тартатын диірмен іске қосылды

12.12.2018

Жаратылыстану пәндерін ағылшын тілінде оқытатын мұғалімдерге қолдау артады

12.12.2018

Қостанайда Ғафу Қайырбековтың 90 жылдығы аталып өтті

12.12.2018

Қарапайым түсінік

12.12.2018

Ағысқа қарсы жүзген жазушы

12.12.2018

Қазақстан тарихы – әлемдік деңгейдегі тарих

12.12.2018

Түркістанды танытатын туындылар

12.12.2018

Шығай хан

12.12.2018

Ерін үндестігі неге таңбаланбайды?

12.12.2018

Nápaqa qaıdan tabylar?

12.12.2018

Сарыбелдің «саумалы» Ұлы даланың ұтымды жобасына айналды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу