Ақиқаттың алдаспаны

Егемен Қазақстан
16.11.2018 1958
2

Шерағаң – шарболаттай­ ша­мырқанып сөйлегенде шын­­­дықтың шырақшысына, ақи­қаттың алдаспанына айналған қазақ баспасөзінің бас баһадүрі, сайыпқыран сардары Шерхан Мұртаза ағамыз бақилық болғалы да қырық күн өтіпті. Қырық күн бұрын қайран Шерағаң өзі айтқан «бір кем дүниеден» озып, ғапылдан ғайыпқа, пәниден бақиға – Айша анасы мен Тұрар көкесі мекен еткен мәңгілік ға­рышқа сапар шеге барды. Сол күні халық қадірлі қайраткер қаламгерімен қимай қоштасты. Ақбас Алатау мен ару Алматы елмен бірге егіліп тұрды... 

Қылшылдаған жиырма-жиыр­­ма бестерінде жасындай жар­­­­­қылдаған, отызында ор­да бұзған, қырқында қамал ал­ған, елуінде халқының арқасүйер Ері болып, алпысында ақыл­ман Абызына айналған Шер­ағаңның ұлттың ұлы мұраты жолында намыс найзағайын шатырлатпаған кезі сірә жоқ шы­ғар. Заңғар жазушылығын былай қойғанда, Шерхан Мұртаза есі­мі тәуелсіздікке дейінгі және кейінгі қазақ баспасөзінің жарты ғасырдан астам дерлік тұтас дәуірін айшықтайтын тұғырлы тұлғасы. Осы жылдар ішінде Шер­ағаңның шекпенінен шыққан жа­зушы-журналистердің толқын-толқын қосыны жасақталды, олардың арасында Фариза Оңғарсынова, Ақселеу Сейдімбек, Оралхан Бөкей сынды көрнекті шоғыры ұлт руханиятының айтулы тұл­ғалары дәрежесіне жетті. Шер­ағаңның шекпенінен шығу қа­зақ журналистері үшін бақыт, мақтаныш. Ал «Шерағаңның шекпенінен шыққан» деген сөз орыс әдебиетінің алтын ға­сы­рындағы Ф.Достоевский айт­қан: «Бәріміз Гогольдің «Шине­лінен» шыққанбыз» дейтін әй­гілі афоризмімен бірдей қазақ қанатты сөздерінің алтын сан­дығын нұрландырады. 

Бізге Шерхан Мұртаза аға­мыздың тәуелсіздіктің елең-алаң арай таңындағы алмағайып өтпелі кезеңде Отанымыздың бас газетінің бағытын айқындап, басында тұрған жылдардағы кәтепті қаранар қызметі айрықша қымбат. Ол басқарған жылдар газетке үлкен серпіліс әкелді. Жолбарыс жүректі, абыз тілекті, балуан білекті Шер­ағаң осы кезде егемендікке бір­­жола бет бұрған елдік сая­саттың батагөй ұраншысы бол­ғаны анық. Кеңестік кердең сая­саттың кетеуі кете қоймаған социалистік қоғамда тұрып-ақ бұл социализмнің ниеті түзу болғанымен, халық сенімін ақтамағанын газет бетінде алғаш айғайлатып ашық айтқан да Шерхан Мұртаза. Елбасы Нұрсұлтан Назарбаевпен елді­гіміз бен бірлігіміз, тәуел­сіздік мұраттары, егемен елдің басқа да сан қилы мәселелері хақында кең көлемді, темірқазық мақсатты айқындар мағыналы сұхбаттар жасап ұйымдастырудың, Мемлекет басшысының шетелдердегі алғашқы сапарларын келісті көрсетудің бұрын болмаған керемет үлгі-үрдістерін бастап берген де Шерхан аға. Сол сапарларда шеттегі қандастарымыз жайлы айтқан да, олардың атамекенге деген шерлі сағынышын алғаш жеткізген де айкөл Шерағаң. 

Бүгінде Шерхан Мұртазаның «редакторлардың редакторы» деп аталуы өте әділ баға! Ол шын мәніндегі халық сүйіп оқи­тын оқылымды, батыл идеялы, өзі сияқты баһадүр газет жа­саудың хас шебері болды. Ре­дактор ретіндегі басты ер­лік­терінің бірі – социалистік қо­ғам­ның сірескен мұзы әлі жі­бі­меген кезде «Социалистік Қа­зақ­стан» газетінің атауын бар қа­жыр-қайратын жұмсай отырып, «Егеменді Қазақстан» деп ауыстыруы дер едік. Бұл 1991 жылдың 18 маусымы болатын. Содан бері ел газеті «Егемен» де ақиқаттың, әділеттің ақ жолынан адаспай, ұлттың мүдде-мұратын ұлықтаумен келеді.

Алаш арыстарының жолын жалғастырған Шерағаңның өмір­шең өнегесі бізге абыройлы ама­нат, сондықтан ол еліміздің жүз­жылдық жылнамасымен бірге жасай береді... 

Рухыңыз пейіште шалқысын, алдаспан аға... 

Дархан ҚЫДЫРӘЛІ

СОҢҒЫ ЖАҢАЛЫҚТАР

26.03.2019

Қостанайдың аудандары мен қалаларында елорданың жаңа атына орай акция өтті

26.03.2019

Қостанай облысында полицейлер азаматтық алып берді

26.03.2019

Сенат Төрағасы Түркия Ұлы Ұлттық Мәжілісі Төрағасымен телефон арқылы сөйлесті

26.03.2019

Мамандар Қаламқастағы апат зардабын өрт ауыздықталған соң анықтамақ

26.03.2019

«Қаламқас» кен орнындағы жағдай бойынша қылмыстық іс қозғалды

26.03.2019

Сыртқы істер министрінің орынбасары тағайындалды

26.03.2019

Мен кешегі шалдарды түгел көрдім

26.03.2019

Қазақстан мен Вьетнам арасындағы өзара құқықтық көмек туралы шартты ратификациялау туралы заң жобасы қаралды

26.03.2019

Сенат комитетінде арнайы экономикалық және индустриялық аймақтар туралызаң жобалары қаралды

26.03.2019

Ақтамберді жыраудың басына кесене орнатыла ма?

26.03.2019

Нұрсұлтан Назарбаев Украина Президенті Петр Порошенкомен телефон арқылы сөйлесті

26.03.2019

Ержан Жылқыбаев еңбек және халықты әлеуметтік қорғау вице-министрі болып тағайындалды

26.03.2019

Алмат Мадалиев Әділет вице-министрі қызметіне тағайындалды

26.03.2019

#NurOtanTrends пікірталас алаңының кезекті отырысы өтті

26.03.2019

Францияның Бас Консулдығы «Франция мәдениеті» байқауын ұйымдастырды

26.03.2019

Алматыда алғашқы «Қыз Жібек аруы» байқауы өтті

26.03.2019

Академик Асқар Жұмаділдаев жасырған есебін шығарған СДУ студентіне 100 доллар сыйақы берді

26.03.2019

Байқау жеңімпаздары оңтүстікті аралайды

26.03.2019

Қазақстан Республикасының Тұңғыш Президенті – Елбасы Алматы қаласына барды

26.03.2019

Нұр-Сұлтан – Токио бағытында рейс ашылды

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу