ШҚО-да бір аптада 125 жиналыс өткізетін әкімдіктер де бар

Халқымыздың әдебиеті мен мәдениетін көп зерттеген орыстың этнограф ғалымы, Шоқан Уәлихановтың досы Григорий Потанин: «Маған бүкіл қазақ даласы ән салып тұрғандай болып көрінеді» деп еді тамсанып. Біз бұл сөзді бүгінгі заманға сәл икемдеп, «бүкіл Қазақстан жиналыс өткізіп жатқандай болып көрінеді» дер едік таң қалып. 

Егемен Қазақстан
20.11.2018 4079
2

Үкімет пен мемлекеттік орган жетекшілері бір жылдың 2380 сағатында, яғни 365 күннің 100 тәулігінде жиналыста отырады

Ақиқаты сол, әйгілі әншіміз Роза Рымбаева шырқайтын бір әндегі «Жарылыстан көз ашпаған далам-ай» деп айтылатындай еліміздің қаласы да, даласы да жиналыстан көш ашпай тұр. Әйтеуір, таусылмайтын жиналыс. «Халыққа бір тиын пайдасы жоқ» деп кесіп айтуға болмас, дегенмен Мөңке би бабамыз жырлағандай, «ай сайын бас қосқан жиынның», ай емес-ау, апта, күн сайын бас қосқан шараның азаяр түрі көрінбейді. Жұрттың алтын уақытын алатын, орынды-орынсыз жиналыстың тым көбейіп кеткені Елбасымыздың қазан айындағы халыққа арнаған Жолдауы кезінде де сөз болған еді. Сол жиында Қазақстан Республикасы Президенті Кеңсесінің бастығы Махмұт Қасымбеков Мемлекет басшысына Үкімет пен мемлекеттік органдар жетекшілері бір жылдың 2380 сағатын, яғни 365 күннің 100 тәулігін жиналыста өткізетіндігін, тіпті, сенбі, жексенбі күндері де жиналыстың тыйылмайтынын айтқанда, Президент: «Заң бойынша мемлекеттік қызметкер 7 сағат жұмыс істеу керек. Түнгі сағат 12, 1-ге дейін отырмау керек жұмыста. Тәжірибелі мемлекеттік қызметкер ретінде жақсы білемін, дайындалған жиынды жарты сағатта, күрделі, түйінді мәселелер болса бір сағатта өткізуге болады. Бюрократизмді қысқарту керек. Адамдарға жұмыс істеуге мүмкіндік беріңіздер», - деген-ді.

Жиналыс өткізуден, қызметкерлерді жұмыстан тыс уақытта жұмыста қалдырудан Шығыс Қазақстан облысы да қалыспай тұрған тәрізді. Жуықта Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментіндегі жиында әсіресе өңірдің Өскемен, Семей қалалары мен Үржар, Бесқарағай, Аягөз, Шемонайха аудандары әкімдерінің аппараттарында жиналыстың көп болатындығы сөз етілді. «Тіпті, бір күнде жеті рет жиналыс өткені белгілі болды. Сонда қызметкерлер қай кезде жұмыс істейді?! Құжат айналымы әлі де сол қағаз түрінде, көп мекемелерде басшылар материалдың түпнұсқасын қағазға шығарып алып қарағанды жөн көреді», - дейді департамент басшысы, әдеп жөніндегі кеңес төрайымы Жанна Қабдолдақызы.

Қызметкерлерін сағат 6-дан кейін жұмысқа жегетіндер 

Департамент облыстағы жиналысты ең көп өткізетін әкімдіктерге сарап жасапты. Үш форматтағы - мекеменің өзінде, басқа мекемеде өтетін және бейнережимдегі жиналыстарды есепке алыпты. Өскемен қаласы әкімдігі бір аптада 125, Семей әкімдігі 56, Үржар ауданы 56, Шемонайха ауданы 50, Бесқарағай ауданы 103 және Аягөз ауданы 51 жиналыс өткізеді екен. Аталған департамент 5 мың мемлекеттік қызметкердің арасында арнайы сауалнама жүргізіпті. Сонда Өскемен қаласы әкімі аппараты мен оған қарасты бөлімдердегі 191 қызметкердің 112-сі (59%) жұмыста бөгелетіні, ал Үржар ауданы әкімінің аппараты мен оған қарасты бөлімдер, ауылдық округ әкімдерінің аппаратындағы 193 қызметкердің 92-сі ((48%) үйіне кеш қайтатыны анықталыпты. Басқармалар арасында облыстық денсаулық сақтау, ауыл шаруашылығы, құрылыс, сәулет және қала құрылысы, кәсіпкерлік және индустриялық-инновациялық даму, қаржы басқармалары «көш бастап» тұр деуге болады.

Мәселен, Денсаулық сақтау басқармасы 18 қызметкердің 11-ін (61 %), құрылыс, сәулет және қала құрылысы басқармасы 28 қызметкердің 12-сін (43%), қаржы басқармасы 19 қызметкердің 8-ін (42%), ауыл шаруашылығы мен кәсіпкерлік және индустриялық-инновациялық даму басқармалары 29 қызметкердің 11-ін (38%) үйіне уақытында қайтармайтын көрінеді. Департаменттер арасында білім саласын бақылау департаменті 7 қызметкердің 4-уін (57%), ал мемлекеттік кіріс департаменті 626 қызметкердің 271-ін (43%) сағат 6-дан кейін де жұмысқа жегетіні белгілі болыпты. Айта берсек, осындай фактілер көп.

Жиналыс дегеннен шығады, бұ шеті мен о шеті 600-700 шақырымға созылатын, тіпті одан да асып кететін, жолдарының көп бөлігі шұрық-тесік біздің облыс үшін жиналысқа қатысу емес, жиналысқа келудің, жетудің қиындығы өз алдына бір әңгіме. Мәселен, Жарма ауданының әкімі облыс орталығы – Өскемендегі бір жиынға қатысу үшін (Қалбатау мен Өскеменнің арасы 110 шақырым) 2 сағат жол жүретін болса, әрідегі Аягөз әкімі 4-5, түкпірдегі Үржардың әкімі 7-8 сағат көлікте отыруға мәжбүр. Бір сағаттық жиналыс үшін бір күн уақыттарын жоғалтады. Зайсан мен Күршім, Катонқарағай, Абай аудандары әкімдерінің басында да осы кеп. Ауыл әкімдерінің қысқа күнде қырық рет ауданға салпақтайтынын қосып қойыңыз бұған.

Былтыр жұмыс сапарымен Өскеменнен шамамен 500 шақырым қашықтықта орналасқан Аягөз ауданына қарасты Шұбартау өңіріне барғанбыз. Сол кездегі Байқошқар ауылының әкімі Саятбек Шымыровтың: «Аягөздегі сағат 10-дағы жиналысқа бару үшін таңғы сағат 3-4 кезінде жолға шығамыз. Әйтіп-бүйтіп үйге жеткенше ымырт үйіріледі. Аудан орталығына 250 шақырым жердегі Емелтау ауылының тұрғындарына тіпті қиын. Олар бізден де қашықта жатыр ғой. Жол жақсы болса, 175 шақырым дегенің 2 сағаттық жол емес пе?!», - дегені есте қалыпты.

Жиналысты былай қойғанда, мемлекеттік қызметтің жүгін сүйреп жүрген әкімдерге ғана емес, нашар жолмен Өскемен мен Семейге жету шалғай аудандарының тұрғындары үшін де оңайға түспейді. Сырқаттанған жандарға мүлде қиын. Айтайын дегеніміз, қазір – техниканың, технологияның дүбірлеген дәуірі. «Цифрлы Қазақстан» бағдарламасы жүзеге асырылып жатыр. Аса маңызды, үлкен, ауқымды жиындар болмаса, Күршім, Үржар, Аягөз, Зайсан, Тарбағатай, Абай секілді облыс орталығынан шалғай жатқан аудандардағы мемлекеттік қызметкерлерді (әкімі бар, маманы бар) қалаға сабылтпай-ақ, жиынды неге онлайн немесе бейнережимде өткізбеске? Аудан әкімдері де ауыл әкімдеріне осы тәжірибені қолданса. Әрине, облыс орталығына жақын аудандардың жарасы жеңіл.

Бір сөзбен айтқанда, жиналыстың өзіне бір реформа керек секілді. 

Азамат ҚАСЫМ,

«Егемен Қазақстан»

Шығыс Қазақстан облысы

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу