Бұл жоба бойынша 2019 жылы Астанада Түркологтардың дүниежүзілік конгресін ұйымдастыру, әлем елдерінің музейлеріне ежелгі түрік жәдігерлерін қойып, халыққа кеңінен таныстыру, Түркі халықтарының мәдени күндерін ұйымдастыру, түркі халықтарына ортақ рухани қазына – онлайн кітапхана ашу секілді ауқымды істер қолға алынса, түркі өркениеті қайта жанданатын болады.
Сондай-ақ көне қала – Түркістанның облыс орталығы болуымен қатар, оның ежелгі беделін қайта көтеру, қаланы рухани һәм экономикалық тұрғыдан дамыту – бүкіл түркі әлемі үшін үлкен жетістік болады деп сенемін!
Қасымхан Бегманов,
ақын, этнограф, «Дәстүр» журналының бас редакторы.