Президент • 18 Наурыз, 2019

Ғизат Нұрдәулетов Бас прокурор болып тағайындалды

1781 рет
көрсетілді
1 мин
оқу үшін

Елбасы Нұрсұлтан Назарбаевтың Жарлығымен Ғизат Нұрдәулетов Қазақстан Республикасының Бас прокуроры қызметіне тағайындалды деп хабарлайды Ақорданың баспасөз қызметі.

Ғизат Нұрдәулетов Бас прокурор болып тағайындалды

Ғизат Дәуренбекұлы еңбек жолын Алматы облысы Жамбыл ауданы прокуратурасында тергеуші болып бастаған. Мемлекеттік тергеу комитетінде 1996 - 1997 жылдары қызмет атқарған. 1997 жылдан бастап ұлттық қауіпсіздік органдарында еңбек еткен. Сонымен қатар департамент бастығының орынбасары, Алматы қаласы және Алматы облысы бойынша департамент бастығы, Тергеу департаменті бастығы лауазымында болды. 2016 жылдың қараша айынан бастап Оңтүстік Қазақстан облысы бойынша ҰҚК департаментін басқарды. 2017 жылы шілде айынан бастап соңғы тағайындалуына дейін Бас прокурордың бірінші орынбасары қызметін атқарды. II дәрежелі «Айбын» орденімен марапатталған.

Қайрат Пернешұлы Қожамжаров басқа жұмысқа ауысуына байланысты Қазақстан Республикасының Бас Прокуроры қызметінен босатылды.

Соңғы жаңалықтар

Су үнемдейтін қондырғы

Технология • Кеше