Фото: https://www.championat.com/
Қазақстан теннисшісі кезінде әлемдік рейтингіде көш бастаған, қазір рейтингіде 38-орында тұрған чехиялық, 31 жастағы тәжірибелі Каролина Плишковамен кездесті.
Бірінші партияда Каролина брейк жасап, 2:0 есебімен алға кеткенімен, Елена таразы басын теңестіре алды.
Тай-брейкте де чехиялық спортшы 6:3 есебімен алға шығып, төрт бірдей сетболын пайдалана алмады. Рыбакина қатарынан бес допты өзіне жазды — 7:6 (8:6).
Екінші сетте есеп 1:1 болған мезетте отандасымыз брейкпен алға озды— 2:1. Алдағы уақытта да өз мүмкіндігін қалт жіберген жоқ — 6:4.
Елена Рыбакина екінші айналымда әлемнің 57-ракеткасы, ресейлік Анна Блинковамен шеберлік байқасады.
