«Далада ұйықтап жатқан». Жетісу облысының тұрғыны әкесін үйден қуып шықты

Далада ұйықтап жатқан 64 жастағы ер адамды көршілер суретке түсіріп алған. Олардың айтуынша, зейнеткерді оның ұлы мен келіні үйден қуып шыққан.

Жетісу облыстық полиция басқармасының баспасөз қызметі оқиға орнына учаскелік полиция қызметкері  барғанын хабарлады.

«Ақпаратты Кербұлақ аудандық ІІБ учаскелік полиция инспекторлары тексерді. Аталған отбасы мүшелері бір-біріне ешқандай шағым мен арыз жазбаған», делінген хабарламада.