Қоғам • 18 Мамыр, 2024
Бейбітшіліктен қашқан босқындар
Бізде шетел көргендердің бәрін жаппай көкжиегі кең, таным-түйсігі толысқандардың қатарына жатқызу бар. Жасыратыны жоқ, білімі мен біліктілігі бір саты жоғары болғанымен, шекара асып келмегені шетелдік дипломы бардың қасында бәсін төмендетіп тұрады. Білім қуғандарын былай қойғанда, моральдық және материалдық құндылық тайталасқа түскен бүгінгі қоғамда адамның қадір-қасиеті мен абырой-беделі шетел көрумен шектеліп қалған секілді. Туған жерден жырақта жүргендердің бәрі тұрмыстың тауқыметінен кетті деуге келмейді. Ал мұхит асуды мақсат еткендердің ертеңгі күні жарық болады деуге тағы ерте…
Сұхбат • 09 Мамыр, 2024
Атырауда өткен Ұлттық құрылтайда Мемлекет басшысы мұрағат материалдарын мұқият зерттеуге бағытталған «Қазақстанның қаһарман майдангерлері» жобасын айрықша атап өткен еден еді. Зерттеушілер бұл жұмыспен отыз жыл бойы табанды түрде айналысып келеді. Осы орайда жоба зерттеушісі Жұмабай ДОСПАНОВТАН осы кезеңге дейін мәлім болған қазақ топырағынан шыққан жауынгерлердің тағдыр-талайы туралы сұрап-білдік.
Айбын • 07 Мамыр, 2024
Құрыштан құйылған қуатты техника
Қауіпсіздіктің тірегі – айбынды әскер мен қуатты техника. Геосаяси ахуал күн сайын құбылып тұрған алмағайып заманда әлем елдері әскерінің әлеуетін арттырып, заманауи технологияға көңіл бөле бастады. Бұл ретте халықаралық сұранысқа сай әскери бронды техникалар шығаратын кешеннің жұмысы жан-жақты қолға алынды. Жақында елордадағы индустриалдық аймақта орналасқан «Kazakhstan Paramount Engineering» зауытында болып, отандық әскери техникалардың жай-күйімен танысып, қатары толықтырылған бронды көліктердің мүмкіндігін көзбен көріп қайттық.
Үкімет • 03 Мамыр, 2024
Қоғам қауіпсіздігін қорғайтын құжаттар
Кеше Мәжіліс төрағасы Ерлан Қошановтың төрағалығымен палатаның жалпы отырысы өтті. Күн тәртібінде бірқатар заң жобасы қаралып, депутаттар өңірдегі өзекті мәселелерді көтерді.
Зерде • 03 Мамыр, 2024
Сексен жылға жуық уақыт өтсе де сұрапыл соғыста қаһармандық танытқан жауынгерлердің ерлігі туралы естеліктер тарих парақтарына әлі де қосылып жатыр. Оның ішінде соғыстың алдыңғы шебінде жүріп, жеңіске жету жолында лайықты үлес қосқандар жайында тың деректер де бар. Кейінгі бірер жылдың өзінде бұрын беймәлім болып келген батырларымызды түгендеп, өшпес ерлігін ұрпаққа жеткіздік. Мәселен, осы уақытқа дейін Кеңес Одағының Батыры атағына ұсынылып, ала алмай қалған 133 адамның есімі жинаққа енгізілді. Бұл бағыттағы жұмыс жалғаса беру керек екенін Мемлекет басшысы Қасым-Жомарт Тоқаев Атырауда өткен Ұлттық құрылтай жиынында да айтты.
Құқық • 24 Сәуір, 2024
Елімізде отбасылық тұрмыстық зорлық-зомбылыққа қатысты кейінгі жылдары қабылданған әкімшілік және құқықтық жауапкершілік жәбірленушілер арыз жазбаса да іс қозғауға мүмкіндік береді. Полицияның түсіндіруінше, көрші үйдегі айқай-шу туралы хабарламаның өзі абьюзердің әрекетіне тосқауыл қойып, жуан жұдырыққа жаза арқалатуға негіз бола алады. Алайда құқыққа нөлдік төзімділік танытқысы келген куәгерлердің басын дауға қалдырған 438-бап отбасы-ошақ қасындағы қылмысты азайтуға септігін тигізе ала ма?
Құқық • 20 Сәуір, 2024
Осы уақытқа дейін тұрмыстық зорлық-зомбылыққа тосқауыл қоюдың түрлі амалы қарастырылып, қылмысқа қарсы заңның нормалары бірнеше рет өзгертілді. Сол себептен де күні кеше Мемлекет басшысы қол қойған жаңа құжат қоғамда қызу талқыланып, бұған дейін қабылданған заң баптары бүге-шігесіне дейін қаралды. Әйел құқығы мен бала қауіпсіздігіне қатысты кез келген сипаттағы зорлық-зомбылық қатаңдатылған жаңа құжаттың ерекшелігі туралы ІІМ Әкімшілік полиция комитетінің ерекше тапсырмалар жөніндегі аға инспекторы Ақмарал СЕРІКБАЕВАДАН сұрап көрдік.
Саясат • 20 Сәуір, 2024
Қарым-қатынастың алтын арқауы – еншісі бөлінбеген бауырластық
Кеше Мемлекет басшысы Қазақстанға ресми сапармен келген Қырғыз Республикасының Президентін Ақордада салтанатты жағдайда қарсы алды. Келіссөз алдында Қасым-Жомарт Тоқаев пен Садыр Жапаров бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт беріп, екі елдің әнұраны шырқалды.
Қоғам • 16 Сәуір, 2024
Жаңа норма жасырын қылмысқа жол бермейді
Тұрмыстық зорлық-зомбылық туралы құжат қоғам тарапынан қызу пікірталас туғызып, заң шығарушы органның алдынан да бірнеше рет өтті. Кеше Мемлекет басшысы Қасым-Жомарт Тоқаев елде ең көп талқыланған заңға қол қойды. Өйткені әйел құқығы аяққа тапталып, бала қауіпсіздігі бас қайғыға айналған қоғамда қылмысты бұдан әрі қылмыссыздандыруға болмайтыны анық байқалып отыр. Заңға сәйкес әйелдер мен балаларға қатысты кез келген сипаттағы зорлық-зомбылыққа жауапкершілік қатаңдатылып, отбасы институтын, кәмелетке толмағандардың қауіпсіздігін нығайтатын жаңа нормалар енгізілді.
Зерде • 11 Сәуір, 2024
Асланбек ҚАНСАРБАЕВ: Тарих – ұрпақты тәрбиелейтін дәйекті құрал
Ұрпақтың білім көкжиегін кеңейтіп, таным-түйсігін қалыптастыруда, ұлттық құндылықты дәріптеу мен тарихымызды танытуда әлеуметтік желінің де алар орны зор. Бізде «әлеуметтік желіде хайп қуғандар жиі отырады» деген түсінік қалыптасқан. Бірақ шындығын айту керек, мұндағы қалың жұрттың арасында халқымыздың өткеніне, ғылым мен білімге қызығатын оқырман көп. Мәселен, тарихшы Асланбек Қансарбаевтың Youtube арнасына жазылған 200 мыңға жуық жазылушы тың деректі талқылап, ұсыныс-пікірін білдіруден жалыққан емес. Жақында «АК-79» деген атаумен белгілі арна авторымен сұхбаттасудың сәті түскен еді.
