Балалар құқықтары жөніндегі қоғамдық қабылдау іске кірісті

Биыл Астанада Бейбітшілік және Келісім сарайында балалар мен жеткіншектердің қоғамдық қабылдау бөлмесі ашылды. Балалар құқықтары жөніндегі уәкілет жанынан ашылған қоғамдық қабылдау жұмысына «Samruk-Kazyna Trust» әлеуметтік жобаларды дамыту қоры демеушілік көрсетіп отыр.  

Егемен Қазақстан
03.09.2017 5150
2

Балалар құқықтары жөніндегі уәкілетінің қоғамдық қабылдау қызметінің басты мақсаты – өскелең ұрпақтың құқықтары мен мүдделерін қорғаушылардың барлығын біріктіретін ақпараттық-кеңестік орталығы ретінде жұмыс істеп, бала құқығы бойынша қоғамда қордаланып қалған негізгі мәселелерді шешуге атсалысу. Egemen.kz орталықтың жұмыс істеу барысымен танысып қайтты. Бізді қарсы алған БҰҰ Балалар қоры ұлттық кеңесшісі Аяш Мәкенова орталықтың жұмыс істеу тәртібі мен маңызы туралы әңгімелеп берді.

Оның айтуынша, Қазақстандағы бала құқығы тұрғысынан бірнеше маңызды мәселелер бар. «Бала құқығын қорғау бойынша мемлекеттік бағдарламалар мен жоспарларды құру кезінде азаматтық ұйымдар мен мемлекеттік мекемелер арасында бірлескен іс-қимыл жеткілікті деңгейде орындалмайды. Сонымен бірге балалар құқығы бұзылу бойынша нақты деректер мен себептері анық көрсетілмей жатады» деген кеңесші бала мәселесіне қатысты бірқатар деректерді алға тартты.

«Қазақстанда бүгінгі күні 5,5 миллион бала бар. Олардың 2,5 миллионы мектеп жасына дейінгі, 2,8 миллион бала мектеп жасында, 220 мың жас жоғарғы оқу орнында білім алып жатыр. Қазақстан Республикасы Бала құқықтары жөніндегі уәкілдігінің мәліметінше елімізде 29 мың бала ата-ана қарауынсыз жетім қалған болса, оралман статусында 11 мың бала, мүмкіндігі шектеулі 141 мың бала бар», дейді БҰҰ Балалар қоры ұлттық кеңесшісі.

Айта кетейік, Балалар құқықтары жөніндегі уәкілет 2016 жылғы 10 ақпан күнгі Президент Н.Назарбаевтың №192 жарлығы бойынша құрылды. Институттың нормативтік құқықтық базасын дайындауда Білім және ғылым министрлігінің бала құқығын қорғау комитеті, Қазақстан Республикасы Президентінің мемлекеттік-құқықтық әкімшілік бөлімі, Премьер-министрдің заң бөлімі белсене атсалысты. Ел Президентінің 2016 жылғы 25 наурыз күнгі тағайындамасымен Бала құқықтары жөніндегі уәкілі ретінде Парламент Мәжілісінің депутаты Зағипа Балиева бекітілді.

Қоғамдық қабылдау үшін Бейбітшілік және Келісім сарайынан аумағы 100 шаршы метр болатын арнайы 4 кабинет берілген. Азаматтарды қабылдауға оңтайландыру мақсатында қоғамдық қабылдау бөлімі бірінші қабатқа кіреберіске орналастырылған. Одан бөлек кішкентай балалар үшін арнайы ойын алаңы да жұмыс істейді.

Қоғамдық қабылдау

 

Бала құқығына қатысты қоңырау қабылдайтын «111» байланыс нөмірі пилоттық режимде тәулік бойы үздіксіз жұмыс істейді. Соңғы мәліметтер бойынша, күніне орта есеппен 3 мыңнан астам қоңырау түседі. Әсіресе Қарағанды облысы, Алматы облысы, ШҚО облысынан хабарласқан азаматтардың саны басым екен. Маманның айтуынша, бала құқығы бойынша негізгі мәселелерінің бірі – өрт қауіпі мен жол-көлік апаты. 2016 жылғы мәлімет бойынша, жол-көлік апатынан 169 бала қайтыс болса, 3159 бала жарақат алған. Ал өрт салдарынан 159 бала қаза тауып, 3096 бала зардап шеккен. Осы негізде балалар мен жеткіншектер Қоғамдық қабылдауға ел азаматтары өздерінің жазбаша немесе ауызша өтініштерін, балалар құқықтарын қорғау саласын дамыту бойынша ұсыныстарын қалдыра алады. Барлық өтініштер сарапталып, тиісті шешімдер қабылданатын болады.

НАЗАР АУДАРЫҢЫЗ!

111 сенім телефонына қоңырау шалып, қандай мәселелерді шешуге болады?

111 сенім телефоны

 

Балалар құқықтары жөніндегі уәкілдің Қоғамдық қабылдауы Омбудсмен мен өскелең ұрпақ кездесетін тұрақты орталыққа айналады. Бұл жерде балалар мен жастарға қатысты өзекті мәселелер талқыланып, елдегі балалар мен жастар өмірінің әртүрлі аспектілері бойынша пікір алмасу өтеді. Қоғамдық қабылдау аясында республикадағы балалар үйлерімен тығыз қарым-қатынас орнатылып, ондағы балаларға көрсетілетін қызмет сапасы сарапталады.

«Балалар үйіндегі қауіпсіздік қызметін жіті бақылау үшін республика бойынша 260 видеокамера орнатылу керек. Жергілікті ұйымдар нұсқаулықты орындауға кірісті. Қаншалықты нәтижелі болатынын күтеміз», дейді Балалар құқықтары жөніндегі уәкіл Зағипа Балиева.

Мұндай қоғамдық бастамалардан бөлек, институт аясында балалар мен жеткіншектердің құқығы мен міндеттерін түсіндіретін түрлі семинар-тренингтер өтіп тұрады. Осы тұрғыда балалар мен жеткіншектер аталған ұйымға өз құқықтары мен мүдделерін қорғайтын өкіл ретінде қарап, мемлекеттік органдар, министрліктер мен Үкіметке өтініштерін білдіруге мүмкіндік ала алады. Сондай-ақ балалар омбудсмені балалар мәселелері мен мүдделеріне қатысты жағдайларды балалардың өз ауыздарынан естіп, жағдайға байланысты оң шешім табуға ықпал етпек. Қоғамдық қабылдау барлық деңгейдегі білім беру мекемелерін, студенттер мен еріктілерді ынтымақтастыққа шақырады.

Ая ӨМІРТАЙ,

«Егемен Қазақстан»

СОҢҒЫ ЖАҢАЛЫҚТАР

18.02.2019

Қостанай ювеналдық сотында «Отбасы бөлмесі» ашылды

18.02.2019

Донецк қаласында бірнеше жарылыс болды

18.02.2019

Үндістан үкіметі  Эверестің биіктігін өлшемек

18.02.2019

Қазақстанда қанша қасқыр бар?

18.02.2019

Әсем Орынбай: Стенд атудан Азия чемпионатында Олимпиада жолдамасын иеленгім келеді

18.02.2019

Осы аптада қандай мәдени және спорттық іс-шаралар өтеді?

18.02.2019

Кәсіпкерлікті дамыту бойынша қабылданған шаралар талқыланды

18.02.2019

Қостанайлық кәсіпкер ханым араб миллионер әйелге сәукеле сыйлады

18.02.2019

Түркістанда газдандыру жұмысы күшейтілді

18.02.2019

«Болашақ» бағдарламасының түлегi Тимирязев ауданының әкiмi болып тағайындалды

18.02.2019

Жұмыс істемейтін аналар үшін берілетін мемлекеттік жәрдемақы қанша?

18.02.2019

Тілекенова мен Абитова көркем гимнастикадан халықаралық сында жүлдегер атанды

18.02.2019

Нысана көздеуден Қазақстан командасы Нью-Делидегі әлем кубогіне аттанды

18.02.2019

Баланың төлемақысы қанша?

18.02.2019

Нұрсұлтан Назарбаев: Жастық шағыңды босқа өткізбе

18.02.2019

Қанша ақша сыртқа кетті?

18.02.2019

Үкімет «Ақжолдың» кәсіпкерлікке қатысты сауалына жауап берді

18.02.2019

Мәжілісте мемлекеттік жастар саясатын іске асыру барысы туралы талқыланды

18.02.2019

Құмшық ата жерасты мешіті мен Жәудір ана мешіт-медресесі қайта қалпына келтірілетін болады

18.02.2019

Алматыда АИТВ инфекциясы бар шетелдіктерді тегін емдеу басталды

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

ҰҚСАС ЖАҢАЛЫҚТАР

Тағы да оқу

Пікір қосу