Бизнесті трансформациялау бағдарламасы қалай жүзеге асырылуда?

«Қазақстан-2050» Стратегиясының басты мақсаттарының бірі Қазақстанды 30 ең дамыған мемлекеттер қатарына кіргізу екені белгілі. Бұл мақсатқа қол жеткізу үшін еңбек өнімділігі мен экономикаға салынатын инвестиция көлемін арттыру көзделген. Оны жүзеге асыру үшін «Самұрық-Қазына» ұлттық әл-ауқат қоры» АҚ 2014 жылы Бизнесті трансфорамациялау бағдарламасын қабылдаған болатын.

Егемен Қазақстан
10.12.2017 11923
2

Бизнесті трансформациялау бағдарламасына «Самұрық-Қазына» әл-ауқат қорына қарасты Қазпошта, ҚТЖ, Қазатомпром, KEGOC, ҚазМұнайГаз, Самұрық-Энерго компаниялары қатысуда. Бағдарлама компаниялардың құнын арттыру, құрылымын өзгерту, инвестициялық қызметін жетілдіру сынды бағыттарды қамтиды.

Үш жыл бұрын осы бастамаға қатысты форумға Президент Нұрсұлтан Назарбаев та қатысқан еді. Елбасы сол жиында сөйлеген сөзінде: «Самұрық-Қазына» қорының алдында ұлттық масштабтағы міндеттер тұр. Трансформация аясында ең алдымен қор компаниялары акцияларының бағасын өсіруге бағытталған жұмыстарды атқаруы керек. Ол үшін өнімділікті арттырып, табысы көп және тиімділігі жоғары жобаларға инвестиция құйған маңызды», деген болатын. Мамандардың айтуынша, бағдарлама аясында атқарылатын жұмыстар нәтижесінде Президент айтқан міндеттер орындалып, «Самұрық-Қазына» әл-ауқат қорының өнімділігі 5 жылда 30-40 пайызға артуға тиіс.

Бизнесті трансформациялау бағдарламасы қызмет тиімділігін арттыру үшін қажетті жобалар жиынтығын қарастырады. Бизнестің трансформациясы бағдарламасының негізгі бағыттарына  процестердің ашықтығын қамтамасыз ету, қызметкерлердің біліктілігін арттыру, қызмет процестерін автоматтандыру кіреді. Яғни, «Адамдар – Технологиялар – Процестер» бағыттары бойынша өзгерістер жоспарланған. Сонымен қатар бағдарлама аясында қызметкерлердің біліктілігін арттыру көзделген. Біз бағдарламаның қалай жүзеге асырылып жатқанын білу үшін «Самұрық-Қазына» әл-ауқат қорына қарасты KEGOC компаниясына хабарласқан едік.

KEGOC – мемлекет үшін стратегиялық маңызы бар ауқымды инвестициялық жобаларды жүзеге асыруда мол тәжірибесі бар инфрақұрылымдық компания. Ол электр желілерін үнемі жаңғыртып отырады. Сонымен қатар бүгінге дейін компания Еуропа қайта құру және даму банкі, Дүниежүзілік банк секілді әлемдік жетекші қаржы институттарының қатысуымен жалпы құны 1 млрд АҚШ долларынан жоғары ірі жобаларды жүзеге асырған.

KEGOC Бизнесті трансформациялау бағдарламасына 2015 жылы кіргені белгілі.  KEGOC-та бизнесті трансформациялау бағдарламасын жүзеге асыру 4 кезеңге бөлінген. «Дайындық кезеңінде» қажетті ресурстар бөлініп, арнайы жұмыс тобы құрылған. Негізгі құжаттар бекітіліп, кеңесшілер жұмылдырылған, компания мамандары оқу курстарынан өткен. Ал «Диагностика және дизайн» кезеңінде компания қызметінің тиімділігін арттыруға бағытталған бастамалар қолға алынып, «Жоспарлау» сатысында жобалар портфелінде көрсетілген барлық бастамалар топтастырылған. Ал соңғы «Жүзеге асыру» кезеңінде жобалар іске қосылады деп жоспарланған. Бүгінгі күні компания төрт кезеңнің үшеуін жүзеге асырған. «Бизнесті трансформациялау бағдарламысның алғашқы сатыларында біз барлық бизнес процестерге қайтадан инжиниринг жүргізіп, жаңа ұйымдастыру құрылымын жасадық. Соның нәтижесінде басқарудың бірнеше сатысы қысқарды. Мысалы, басқарма төрағасының орынбасары, департамент басшысының орынбасары секілді қызметтер алынып тасталды. Филиалдарда экономикалық мәселелер бойынша директордың орынбасары, бас есепшінің орынбасары лауазымы да қазір жоқ», дейді компанияның Басқарма төрағасы Б.Қажиев. Оның айтуынша, компания қазіргі уақытта жеті ірі жобаны іске асырып жатыр. Солардың ішінде ең негізгісі «Кәсіпорын процестерін енгізу» жобасы. Бұл жоба бизнесті басқаруға арналған бағдарламамен қамтамасыз ететін алдыңғы қатарлы әлемдік мердігер саналатын SAP компаниясы шешімдерінің негізінде іске асырылды. Аталмыш компания мен «Самұрық-Қазына» АҚ арасында  жасалған келісімшарт бойынша 5 жылда экономикалық нәтиже 200 млрд. теңгені құрайды деп болжанып отыр. «Бұл жоба бойынша материалдық құндылықтарды, техникалық қызмет көрсету мен басқаруды жетілдіруге болады. Жоба нәтижесінде операциялық және басқару шығындары мен коммерциялық шығындарды азайтып, айналым  құралдарын үнемдеуге жол ашылады», дейді компания мамандары. Олардың айтуынша, осы жоба шеңберінде KEGOC-тың барлық бизнес-процестері бірыңғай ақпараттық платформаға негізделеді.

Бір айта кетерлігі, жоба компания саясаты мен әдістемесі, бизнес процестері мен ақпараттық жүйе салаларына негізделген. Бұл жоба негізінде бірнеше жүйелер қолға алынған. Мысалы, SAP ERP жүйесі негізгі бизнес процестерді автоматтандыруға мүмкіндік береді. Сол арқылы компания активтерін қолдану тиімділігін арттыруға болады. Ал SAP Human Capital Management - адам капиталын басқару қызметі - мамандарды оқыту, біліктілігін арттыру, менеджер мен қызметкерлерге портал арқылы өз-өзіне қызмет көрсетуге мүмкіндік беруді көздейді. Сонымен қатар қызметкерлерге мотивация беріп, бірсарынды жұмысты азайтуды мақсат етеді. Жоба аясында жүзеге асырылатын тағы бір жүйе – еңбек қауіпсіздігін басқару (SAP EHS). Бұл жүйе жұмысшылардың жарақат алуын азайтып, қызметкерлердің бақылау жұмысын автоматтандыруға мүмкіндік береді деп күтілуде. Мамандардың айтуынша, автоматты жоба арқылы кімнің қандай жерде жұмыс істеп жатқанын біліп, қауіпті жерде жүргендерді арнайы белгілеп, оларға қосымша жағдай жасауға мүмкіндік туады. Сонымен қатар әдістеме, бизнес-процесс және ақпараттық жүйелерге негізделген активтерді басқару жүйесі жетілдіріледі.

Жалпы алғанда бағдарламаны іске асыру компанияның тұрақтылығын қамтамасыз етіп, сыртқы және ішкі өзгерістерге тез бейімделуге, ресурстарды бизнестің бағыттарына шоғырландыруға, еңбек өнімділігін арттыруға мүмкіндік бермек. 

Гүлнұр ҚУАНЫШБЕКҚЫЗЫ,

«Егемен Қазақстан»

СОҢҒЫ ЖАҢАЛЫҚТАР

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

21.09.2018

Кәрім Мәсімов терроризмге қарсы орталықтың отырысын өткізді

21.09.2018

Қостанайлықтар жарықдиодты шыны жолмен жүреді (ВИДЕО)

21.09.2018

Қанат Ислам мақтааралдық жас боксшыларға мастер-класс өткізді

21.09.2018

Алексей Луценко: «Алматы турын» апталық жарыс қылса керемет болар еді

21.09.2018

Бурабайда жаңа мешіт ашылды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу