Атап айтқанда, жол картасын іске асыру бойынша келесі іс-шаралар көзделген:
- Техникалық реттеу құралдары арқылы ішкі нарықты қорғаудың жаңа моделін әзірлеу және «Қазақстанда жасалған» белгісімен тауарларды ерікті сертификаттау жүйесін құру.
- «Қазақстанда жасалған» ұлттық стандарттар сериясын әзірлеу (өнімге, отандық өндірушілерге және оны сатушыларға қойылатын талаптар).
- Азаматтарды қазақстандық өнімді сатып алуға ынталандыру мақсатында екінші деңгейдегі банктермен және сауда желілерімен бонустарды есептеу жүйесін (кэш-бэк) енгізу мәселесін пысықтау.
- Бұдан басқа, құжат сауда қызметі туралы заңнаманы жетілдіруді көздейді.
Сондай-ақ «Әкімшілік құқық бұзушылықтар туралы» кодекске сауда қызметі бөлігінде, құқық бұзушылықтың сипаты мен қауіптілігіне байланысты пропорционалды және барабар әкімшілік жауапкершілікті енгізу, сондай-ақ сауда қызметін реттеу туралы заңнаманың сақталуын қамтамасыз ету шеңберінде әкімшілік құқық бұзушылықтардың жаңа құрамдарын белгілеу тұрғысынан өзгерістер мен толықтырулар енгізу жоспарланып отыр.
