Barclays банкі Касперскиймен байланысын үзді

Егемен Қазақстан
07.12.2017 8196
2

Ұлыбританиядағы белді банктер­дің бірі Barclays бұдан былай ре­сей­лік Kaspersky антивирустық бағ­дарламаны қолданбайтынын хабарлады. Банк таратқан мәліметке сүйенсек, мұндай шешімге келуге антивирустық бағдарлама шпиондық әрекет жасады деп күдіктену себеп болған екен. 
BBC арнасының мәліметіне сүйен­сек, Ұлыбританиядағы кибер-қорғаныс өкілдері ресейлік компанияның өнім­дерін қолданбауға шақырған. Осыған байланысты банк өзінің 290 мыңға жуық тұтынушыларына Касперский ан­тивирустық бағдарламасынан бас тартатыны жөнінде ақпарат жі­бе­ріп­ті. Әйтсе де, Barclays ең әуелі үл­­кен бизнес иелерін антивирус­ты қол­данбауға шақырып отыр. Банк та­рат­қан ақпаратта қарапайым қол­да­нушылардың алаңдауына негіз жоқ екені айтылған. 
Кейінгі кезде Касперский компаниясы америкалық медиа тарапынан шпиондық жасады деп айыпталған бо­латын. Осыған байланысты Ұлы­бри­тания үкіметі құрылымдық департаменттерге антивирустық бағдарлама­ның ұлттық қауіпсіздікке нұқсан кел­тіруі мүмкін екенін ескертіп, одан бас тартуды ұсынған. 
Касперский компаниясы айып­таулардың бәрін жоққа шығарып отыр. BBC арнасына берген сұх­батында компания басшысы Евгений Касперский ешкімге шпиондық жасамағанын, Ресей билігінің өзде­ріне сөзі жүрмейтінін жеткізген. Оның айтуынша, Кремль тарапы де­рек­тер сұрататын болса, компания одан бас тартып, шетелге көшіп кетеді. 
Касперскийдің әлемде 400 миллионнан астам тұтынушысы бар. Бұған дейін де америкалықтар компанияны шпиондық жасады деп күдіктенген-ді. Сол кезде де антивирусты жасаушылар тағылған айыптың негізсіздігін мәлімдеген болатын. 

 

Қаржы нарығы дағдарысқа ұшырауы мүмкін

Әлем елдері 2007-2008 жылдар­дағы экономикалық дағдарыстың салдарынан толық құтылған жоқ. Әйтсе де, сарапшылар жаңа экономикалық дағдарыстың шартарапты шарпуы мүмкін екендігін алға тартып отыр.
The Bank for International Settlements-тің (BIS) деректеріне сүйенген The Guardian газеті қазіргі таңда жаһандық экономиканың жағдайы 2007-2008 жылдардағы қаржылық дағдарыстың алдындағы кезеңге өте ұқсас екенін айтады. Басылымның хабарлауынша, АҚШ федеральдық резерві мен Bank of England-тің мұндай жағдайдың алдын алу мақсатында пайыздық мөлшерді көтеруі сәтсіз аяқталған. Нәтижесінде қарыздың көлемі ұлғайып барады. The Guardian басылымы мұның соңы жақсылықпен аяқталмауы мүмкін екенін жеткізген. 
BIS банкінің басшысы Клаудио Борионың пікірінше, орталық банк­тер пайыздық мөлшерді қайта қарап, қарыздың өсуін баяулатуға маңыз беру керек. Өйткені ұзақ мерзімге аз па­йызбен көп ақша алу әлі тоқтаған жоқ. Оның үстіне, жергілікті және шетелдік валютамен қарыз алу да жоғары деңгейде. The Guardian газеті таратқан ақпаратқа сүйенсек, банктердің бір жыл ішінде берген қаржысы мен түскен пайдасы бір-біріне сай келмей тұр. 
К.Борио қазіргі кездегі қаржы на­­рығы үлкен дауыл алдындағы ты­ныштық жағдайында тұрғандығын жоққа шығармайды. Мұндай пікірді Ұлыбританиядағы танымал қордың бірі Woodford Investment Management компаниясының негізін салушы Нэйл Вудфорд та ұстанады. Оның айтуынша, қаржы нарығындағы дағдарыстың кесірінен миллиондаған адам зиян шегуі мүмкін. 
«Қазіргі таңда біз тарихтағы ең үлкен қаржы саясатының сынақтан өтіп жатқанына куә болып отырмыз. Инвесторлар тәуекелді ұмыт­қан­­дықтан, құнды қағаз нарығы ин­фля­цияға ұшырауының ықтималдығы жоғары», дейді Н.Вудфорд.
Сарапшылардың қауіптенуі бекер емес. Бүгінде қаржы және банк жүйесі бұрынғыға қарағанда бір ізге түскендіктен, берілетін қарыз мөлшері де айтарлықтай өскен. Мұның тиімді жағы болғанымен, жа­һандық қарыздың көбеюі қаржы нарығын әлсіретеді. 

 

Ең ірі әскери дайындық

Америкалық және Оң­түстіккорея­лық әуе­ күштері бұрын-соң­ды болмаған ең үл­кен жаттығу жиынын бастап кетті. Не­гізі екі ел бірлесе жасайтын жаттығу жыл сайын желтоқсанда басталып, ақпанға дейін жалғасады. Time журналы бұл жолғы жиынның кең көлемде өтуі Солтүстік Кореяның таяуда тағы бір баллистикалық зымыранды сынақтан өткізуімен байланыс­ты екенін хабарлады. 
«Сергек соққы» деп аталатын жат­ты­ғу жиынына АҚШ-тың маңдайалды F-22 Raptor әскери ұшағының алтауы тартылған. Сонымен қатар радарға түс­пейтін F-35 ұшағы да тәжірибеден өтпек. Жалпы, жиынға 230-дан астам ұшақ қатысады. 
«Әуе және теңіз күштерінен құралған америкалық 12 мың сарбаз Оңтүстік Кореяның әскеріне қосылды. Ұшақтар АҚШ пен Оңтүстік Кореяның бірлескен сегіз полигонында сынақтан өтпек. Жаттығу Корея түбегіндегі бейбітшілік пен қауіпсіздікті қорғауға, әуе күштерінің дайындығы мен қабілетін анықтауға арналған», дейді Time журналы.
Көрші елде болып жатқан әскери жаттығу Солтүстік Кореяның қиты­ғына тиген сыңайлы. КХДР тарапы жиынды арандатушылыққа балап отыр. Рейтер агенттігінің хабарлауын­ша, Пхеньян билігі Америка президенті Дональд Трамп пен «Сергек соққы» аймақтағы жағдайды ушықтырғанын мәлімдеген. 

Шолуды дайындаған 
Абай АСАНКЕЛДІҰЛЫ,
«Егемен Қазақстан»

 

СОҢҒЫ ЖАҢАЛЫҚТАР

18.09.2018

Головкин мен Альварестің үшінші жекпе-жегі болуы мүмкін бе? (ВИДЕО)

18.09.2018

11 жылдан кейін қайталанған тарихи кездесу

18.09.2018

Мемлекет басшысы қосарланған салықты болдырмайтын Өзбекстанмен арадағы келісімге өзгерістер енгізді

18.09.2018

Елбасы Байқоңыр тұрғындарына медициналық көмек көрсету заңына енгізілген өзгерістерге қол қойды

18.09.2018

Студент жастардың жатақхана мәселесі шешілуде

18.09.2018

Батыс Қазақстан облысында Мемлекеттік қызмет мектебі ашылды

18.09.2018

Жеңімпаздар әлем чемпионатына барады

18.09.2018

«Астана» 4 қазан күні өз алаңында Францияның «Ренн» клубымен ойнайды

18.09.2018

Атырауға алғаш рет Елбасының көшпелі көрмесі келді

18.09.2018

Қостанай облысының оңтүстік өңірі егін орағын аяқтап келеді

18.09.2018

Бауыржан Қарағызұлы Мәдениет және спорт министрінің кеңесшісі болып тағайындалды

18.09.2018

Ақмола облысында 61 ІТ сыныбы ашылды

18.09.2018

Әлихан Смайылов Қаржы министрі болып тағайындалды

18.09.2018

«Адырна» республикалық әдеби-көркем ұлттық журналы аламан бәйге жариялады

18.09.2018

Статусты сәйкестендіру керек

18.09.2018

Қостанай облысында адасқан тырна аңшылық шаруашылығына тапсырылды

18.09.2018

Ақмола облысында 2870 орынды қамтитын 11 жатақхана салу жоспарлануда

18.09.2018

Әулиеата аймағында туризмді дамытудың нақты жоспары жасалды

18.09.2018

Құрылыс компаниялары қызығушылық танытуда

18.09.2018

Елімізде жұмыспен қамтылған жастардың саны - 2,1 млн адамды құрайды

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

Александр ТАСБОЛАТОВ, «Егемен Қазақстан»

Tо́relik qyzmetke tо́r qashan beriledi?

Abaı atamyz: «Burynǵy qazaq jaıyn jaqsy bilgen adamdar: «bı ekeý bolsa, daý tórteý bolady» dep aıtypty», deıdi. Rasynda, bul sózdiń ómir tájirıbesinen alynǵanyna esh kúmán joq. О́ıtkeni bul arada hakim bıdiń sany emes, sapasy daýdy azaıtatynyna mán bergeni anyq. Al endi bul búgingi kúni de elimiz aýmaǵyndaǵy tórelik qyzmet prosesinde týyndaıtyn qoǵamdyq qatynastardy sheshýde eń basty eskerer jaıt bolyp tur. Sebebi azamattyq daýlardy qaraýda qara qyldy qaq jaratyn ádil sheshimge qol jetkizý áli de arman.

Бақытгүл САЛЫХОВА, педагогика ғылымдарының кандидаты

О́mir súrý salty

BUU aqparatyna saı, áıelder arasynda eń joǵary ortasha ómir súrý uzaqtyǵy boıynsha 86,8 jaspen Japonıa aldyńǵy qatarda tursa, er adamdar arasynda 81,3 jaspen Shveısarıa birinshi orynda. Al keıbir elderde ortasha ómir súrý uzaqtyǵy tipti 60 jasqa da jetpeıdi. «Nege?» degen suraqqa túrli faktorlardy keltire otyryp jaýap berýge bolady.

Қорғанбек АМАНЖОЛ, «Егемен Қазақстан»

Búgingi qazaq áıeli

Qazaq áıeli qaı zamanda da qatparly taqyryp bolǵan. Epostyq jyrlar men ertegilerde, jyraýlar poezııasynda qazaq áıeliniń, qazaq qyzynyń asqaq beınesi áspetteldi, sulýlyǵy jyrlandy, jan dúnıesiniń izgilikti qasıetteri pash etildi. Baǵzydaǵy Tumar hanym men Umaı anadan bastap qazaq tarıhy da Domalaq ana, Aıpara ana, Qyzaı ana, beridegi Bopaı hansha men uly Abaıdyń ájesi Zere syndy ardaqty esimderge kenen bolyp kelgeni belgili. Qashannan-aq halyq qasıetiniń qormaly, ulttyń uıaty áıel bolǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу